ياسلام الله على (مكه) و(طيبـه) و(الجماعـي)
عد وبـلٍ هلـت مزونـه وأنـا عينـي تخيلـه
مرحبا (بالكهرب) إللي فز مـن مرقـده واعـي
شال حملٍ فوق حمله واضحـت حمولـه ثقيلـه
وش نرقع في ( الغذائي) صارت شقوقه وساعي
شف (لجين) اليوم شارد .. رافعٍ بيـده شليلـه
ماذبحني ياجماعه غير( صـدقٍ) و( الصناعـي)
و(الزراعي) مانفعني صـار طعمـه حنضليلـه
و( المواشي) في الصحاري تايهه من غير راعي
يا عسى ربـك يسهـل للمؤشـر مـن يشيلـه
المؤشر لانـزل ياخـوي يكسـر لـي ذراعـي
والنسب يومـن توالـت زادت الحمـى مليلـه
حسبي الله ياجماعـه راح مجهـودي وضاعـي
كل ما أملك راح لحظة مابقى .. غيـر الفشيلـه
ليت من هو قبل مده ( صفا) محفظتـه وباعـي
انا أنا سالم .. وغانم .. ماغدت نفسـي عليلـه
والتشكي .. والتبكي .. عـارفٍ مافيـه داعـي
ليه انا امشي في الغداري مامعـي فيهـا دليلـه
مالقينـا مـن يجـاوب مالقينـا مـن يراعـي
ضاعت الطاسه وكلٍ ماعرف مـن هـو قبيلـه
ماسمعنا اللي يصوت ما سمعنـا اللـي يداعـي
مالقينـا فـي زمنـا فـارسٍ زبــن دخيـلـه
ياكثر مـن راح فيهـا علقـت هـم بالكراعـي
وكل شخصٍ طاح فيها مالقى إللـي يرتكـي لـه
لاتعجـل فـي أمـورك لاتجيـهـا بإندفـاعـي
التأكـد .. والتركـد .. مامثلهـا مـن وسيلـه
والمصيبـه كـان حلـت مـا يغطيهـا قناعـي
ول ياحـظ التعاسـه .. دنيتـي دايـم بخيـلـه
منقول