بادبوى ... بسمة الروح صح اللسانكم لاهنتوا يالغالين بس هم نبى الاخوان يشاركونا
اه بس لو تدرين وش صار لي في غيابك
كل يوم اجي اهل دمعي عند طرف بابك
وانتي ولادريتي ... انادي ولا تسمعين
واللحين جايه يمي تشتكين ..
لو اقول لك على اشياء صارت لي ماتصدقين ؟؟؟
تذكرين منديلك اللي عطيتيني
و الورود اللي اهديتيني
منديلك مسحت به اخر دمعه نزلت مني
وورودك جفت يوم خان الوقت بك ظني
ماعاد بقى شي يذكرني فيك
ولاراح اللقى شي يجبرني عليك
روحي مثل مرحت قبلك انا .. ابكي مثل مابكيت
ذوقي مره طعم العنا ... قولي مثل ماقلت انتهيت
لا حكايه ولا قصة .. خرافه دامت سنين...راويه طلعت منقصه...ابيات قتلهاالحنين...
تعالي نسيت اسئلك انتي اللحين وش تبين ؟؟؟؟
ليش يعني توك تجين...
او خانك مثل ماخانني الزمان
وصرتي حطام من بقايا انسان
بس انا ادري ليش جيتي ...
ايه جيتي يوم سمعتي اني نديم
وصرت شاعر وكاتب وبعد وسيم
لاكن ارجعي غلطانه مو انا اللي تبين ...
مو انا (( فـ )) اللي تذكرين ...
ايه انا تغيرت صرت مغرور على قولتك ..
سبب غروري شعور عكسي لفعلتك ...
ليش ساكته ليش ما تتكلمين ؟
او خجلانه من كل اللي تسوين..
تذكرين اول مره شفتك فيها ... تذكرين بسمتك لي وكلامك وهمسك حتى حنينك..
ودي اعرف بس ليش تغيرتي .. وين الوفا اللي عنه تكتبين
مثل البحر للاسف صرتي ... مالك امان ولا لك اي حنين
ليش ليش معقوله انتي تبكين!!
وين شموخك وين كبريائك وين صمودك يومك من قدام عيني تمشين
ارجوك خلاص كل شي بالنسبه لي انتهى ...
لاحب ولا عشق ولا سهر باليل لين الضحى...
يالله قومي وش تنتظرين معقوله للحين ماتحسين ...
تبين اقولها لك بالعربي ايه مابيك وريني وش بتسوين...
تبين تشتميني اشتمي وبعد واشكيني لك الناس..
لاكن صدقيني راح تتعبي من يصدق وحده مابها احساس..
تبين ادلك بطريقك او تدلينه تبين كل شي لك فيني تاخذينه
بس مابقى لك شي عندي وش تبين تاخذين
ايه تبين منديلك وورودك خوذيها مابيها اصلا ماعاد ينفعون
حرف النووووووووووووون