كل الشكر مقدم لشخصكم الكريم كويتي - بوفارج
بالنسبه للويف انا شفته من قبل
انا مادري شنو سالفة الزويف بس مبين من الويف ان الهندي مسوي شي بدليل مسكة الشرطي له من خلف ظهره
وخصوصا شوف المكان اللي صارت فيه السالفه
يعني مبين ان المكان مزدحم
مااظن الشرطي ممكن انه يتهور في مكان مزدحم بالناس
ثاني شي
بالنسبه لسؤالي
كانت اجابتك انتظار المؤمور او رئيس المخفر
طيب كلام سليم
بس اذا فرضنا ان الشخص السكران قام يطقك ويغلط عليك وانت مشغول في الاتصال برئيس المخفر وقام وهرب منك
هل ستتركه يهرب الى ان يرد عليك الرئس ؟؟ ام تتصرف ؟؟
ثالثا
الأن أنا بسألكم سؤال أخ كويتي - أخت نثية:: السؤال يقول
لو أخوك ماشي في الشارع، وقفته دورية شرطة ، نزل الشرطي وقال لأخوك :
|
لاتنسي اخي الفاضل نحن في الكويت وليس بالعراق
يعني دوله ديمقراطيه نوعا ما
في شي اسمه بلوتوث وتصوير
مااتوقع شرطي مني والطريق يوقف بنص الشارع علشان يطق واحد
شنو هالمزاج هههههههههههه
هذا فايق ورايق بصراحه
انا ماادافع عن الشرطه
في شرطه بصراحه محترمين لابعد الحدود ويعطيون كل ذي حق حقه
وممكن يتغاضون عن كثير من هفوات الشعب
وفي شرطه نحيسه ههههههههههههه
شوف كل بلد فيها الزين والشين
اما اذا نبي نتكلم عن الاردن مثلا :::
بدون زعل رجاءا
احنا قاعدين نتكلم بالواقع وانحاور ان نتناقش بحيث تتقرب وجهات نظرنا
انا رحت الاردن تقريبا اكثر من 5 مرات
سكنت بكل مكان
مافي مكان بالاردن مارحت له
شرطة الاردن ليس كلهم ولكن بعض منهم من يشوفون كويتيين او اهل خليج بصراحه يتفلسون تدري ليش اخي الفاضل
علشان نعطيهم بقشيش على قولة اخوانا المصريين
يعني بالاردن تمشي ملك بالشارع اذا عندك فلوس
والله والله حادثه صارت وسانقلها لكم بكل امانه
كنا رايحين انا مع الاهل الي مكان يدعى الحمه
وهي عباره عن منتجع في من العيون المائيه
حصلت مشكله بيني وبين شخص اردني
طبعا الشباب ماقصروا
طاحوا طق بالاردني
هذا نادا ربعه وهذا نادى ربعه
صارت مشكله وهوشه كبيره
طبعا منو الغلطان في البدايه
الشباب اللي كانوا معانا الكويتيين هم الغلطانين
تجمعوا الناس ويت الشرطه على اساس تحل المشكله
قامت امي الله يطول بعمرها وخذت الضابط على جمب وقالت له يااخي احنا مو مال مشاكل وهذول ناس متهورين وشباب
المهم حاولت انها تهدي الموضوع
ماارضى الضابط
لين قالت له انا حاضره لك من الدينار الى الالف بس مانبي مخافر
تتوقع اشلون انتهت المشكله ؟؟؟
بمبلغ 300 دينار اردني تم دفعها للضابط وامر بانسحاب الشرطه اللي وياه
وانتهت المشكله
انا مااطعن اخي الكريم بنزاهت الشرطه الاردنيه
ونحن نعلم لو خليت خربت
في ناس اكفاء وفي ناس ماشاء الله عليهم قمه بالنزاهه
ولكن نحن نقول الاقليه
اتمنى ان كلامي ماضايق احد بس واقعه حدثت وحببت ان انقلها
دمتم بحفظ الله ورعايته