الأن أنا بسألكم سؤال أخ كويتي - أخت نثية:: السؤال يقول
لو أخوك ماشي في الشارع، وقفته دورية شرطة ، نزل الشرطي وقال لأخوك :
عطني هويتك.
أخوك جاوب : عفوا يا حضرة الشرطي في شيء ؟؟
الشرطي: عن الربربة وكثر الكلام، عطني هويتك لأصكك صطار على ويهك الحين، عطني الهوية أشوف!!
أخوك: تفضل
الشرطي: ليش ماشي بالشارع؟؟
أخوك، رايح السوق.
الشرطي: رايح تغازل ها..(طراخ) صوت طراق على وجهه.
اخوك: أي، ليش تطقني؟؟؟
الشرطي: تشب ولا كلمة
نزل شرطي ثاني وقال، تبي تغازل ها ويرفس أخوك برجله
الشرطة قامت بضرب أخوك حتى كسروا له يده ورجله، وخذوه المخفر.
إذا افترضت أن أخوك رايح يشتري قلم او دفتر وراجع البيت علشان يذاكر وصار معاه هذا الفصل، شنو راح يكون شعورك تجاه الشرطة اللي كفخت أخوك و أذته وتسببت له في إعاقة؟؟
أرجوا أن لا تقول لي إن الشرطة عندنا ما يسوون جذي، أريد إجابة إفتراضية على هذا السؤال الافتراضي ، كيف ستتصرف؟؟؟؟؟
ودمتم بخير أحبائي.