يمكن أكون أنا عندى شعور آخر فقد الام وخاصة أسمع هذه الكلمة كثيرا فى هذه الايام وقد لا أستطيع أن أرى موضوع أمـــى و لا أتذكرها أتذكرها بكل شى وأرجع الفظل بكل شى أمى يابعد هالدنيا أمى يا كل العالم .
يايمه منتهي جيتك وطالب منك الغفران
................ أقبل قاعة اقدامك وأغسلها بدمعاتي
يايمه كل مافيني يناديلك أنا ندمان
........... طلبتك قولي سامحتك وردي لوجهي بسماتي
أنا أدري قلبك الطيب كسرته بصدمة النكران
.................. غلطت وغلطتي هذي تعير كل غلطاتي
تشوفي الشيب يايمه ترى ماجا وأنا فرحان
................. وربي اللي رفع ذاتك ونزل للردى ذاتي
فقدت الراحه من بعدك فقدت الطيبه والتحنان
............... بدونك راحتي غايه بدينك هذي راحاتي
أنا بعدك ولا حاجه أنا بعدك ترى عميان
..................أشوف ولا أشوف اللي يوريني مساواتي
أنا وسيد الشقى والهم من بعدك غدينا اخوان
..................... يجيب هموم هالعالم ويرميها بمتاهاتي
صدقتي يوم قلتيلي تدين اليوم بس تندان
.................... رميتك في بداياتي ورموني في نهاياتي
أنا من شالك بأيده ورماك بأسفل البركان
....................... نخيتيني وطلبتيني ولا حصلتي نخواتي
مثل ماهنتي بعيوني عليهم قلبي يمه هان
.............. رموني وضحكهم فزعه وانا الدمعات فزعاتي
يايمه لاتضنيني أنا من فعلهم زعلان
...................... سواة فيك سويته وسوو فيني سواتي
يايمه يالله ضميني ودفيني بهالاحضان
................ أنا أدري فيك مشتاقه وهمك بس ملاقاتي
يايمه حيل ضميني ابي ارتاح انا تعبان
................. تعبت أهرب من ذنوبي أبيك آخر مسافاتي
أبسمع منك أي كلمه لصوتك مسمعي ولهان
....................... أبسمع يمه بصوتك أبذكر فيها نشواتي
أشوفك ساكته يمه غفيتي ولا انا غلطان
..................... غفيتي يابعد عمري تعبتي من مواساتي
يايمه طالبك قومي اذا لي بعيونك شان
................ اشوف الموت بعيونك عساها تخيب هقواتي
تعالوا يابشر شوفوا أنامحتار أناتلفان
.................. أنا أمي مدري وش فيها أنامدري أنا أحاتي
شنو..امي أناماتت..لاترى غلطان
........................ أنا أمي ماتخليني على حزني ووناتي
أنا أمي قلبها طيب ولايمكن تبكي أنسان
........................... أنا أمي ماتبكيني ولا تتمنى آهاتي
يايمه صح مامتي وصح الموت تو ماحان
...................... أذا متي أنا بعدك أبقضي وين ساعاتي
يايمه قومي وقولي الموت لا ماكان
.......................... أنا جيتك وأنا ناوي أببدي فيك جناتي
تركتيني ومتي ليه تركتيني وأنا غرقان
......................... ولامسموح يا وليدي ولاتلعنك لعناتي
أنا الجاني وأناالمجني وأنا المخطي وأنا الندمان
............................ وأنا بيدي رميتك أيه وبعثرته ملفاتي
وجيت من الهنا مفلس وقلبي من الضنى خسران
............................ تركتيني على ناري أعدد فيك زلاتي
ولاني مرضي ربي ولاني تابع الشيطان
........................... أنا بعدك ترى مابين نهاياتي وبداياتي
يايمه منتهي جيتك وكلي مرتجي غفران
........................ وشفت الناس تلعني وتحذرني من ألآتي