[kwety]

المشاركة الأصلية بواسطة Nathyaa كويتي ابي اسألك سؤال اذا مثلا رجل كويتي مسكوه الدوريات وضربوه ودخلوه المخفر وترك بعض الاثار على جسم الريال هل يحق له انه يشتكي على الشرطي اللي طقه ؟؟؟ في بعض الدول العربية، نعم يحق لك الشكوى على الشرطة الذين قاموا بالضرب، وليس فقط الشكوى على الشرطة المعتدين، بل وعلى جهاز الامن العام بشكل عام وطلب التعويض المادي والمعنوي وقد تتعدى وزارة الداخلية إن ثبت تقصير الوزارة في تحويل هذه القضية للتحقيق، بمعنى، لو أن الشخص المضروب ذهب لوزارة الداخلية كإجراء أولي ومعه رقم القضية من المحكمة ضد جهاز الأمن العام والشرطة المعتدين وطلب التحقيق لفرز عدد الشرطة بالاسماء الذين قاموا بالضرب، كي تتم محاكمتهم وامتنعت وزارة الداخلية عن السير في التحقيق، فإن الوزارة تصبح عرضة للمحاكمة، أما إذا تجاوبت الوزارة وحققت في الموضوع وسلمت تقرير بإسماء الشرطة المعتدين، فإنها تخرج من دائرة المقاضاة.

بخصوص سؤالج اختي نثيه
نعم يحقله
لكن صدقيني مافي عسكري يمد ايده الا اذا في سبب
اعتقد اختي انتي ما ترضين احد يغلط عليج
انا بعطيج مثال
رجل امن اعتده على شخص
صار فيه اثار
هل تعتقدين ان رجل الامن
والي اهو يمثل القانون ودارس جزئيات كبيره منه
راح يهد هل شخص بدون تسجيل قضيه اهانه
ومقاومة رجال الامن والاعتداء على رجال الامن
انتي تعتقدين هل شي ما راح يسويه العسكري
واحب افيدج اختي نثيه
اذا كان الضبط بناء على امر قضائي
يحق لرجل الامن اذا كان الشخص يفكر بالفرار
انه يستخدم معاه القوه المتاحه لردع هل شخص
فيها اساسا اوامر اطلاق نار
وكل شخص رفض انه يركب الدوريه يستخدم معاه القوه
وبالقانون لاكن انا ابي اسالج سؤال
هل مره في بنت بالسوق ياتج وطقتج مني والطريج
جاوبي على هل سؤال وحطي نفسج مكان رجل الامن
وبخصوص المدرسه انا لو ولدي بهل مدرسه
انقله من هل مدارس الحكوميه كلها الخاص احسلي واضمن

وبخصوص الحقد والكراهيه انا ما تكلمة عنها انا اتكلم عن التدريس

الي احنا مرينه فيه

اما بخصوص الاستبيان

فاختي نثيه اسال مجرب ولا تسال طبيب

وانتي اختي المجربه

وبالعكس احنا نفستيد منج لانج اني تاخذين الاستبيانات

وتجتمعين مع الطلبه وتحسين بهمومهم

وبصراحه قلب المراه احن من قبل الرجل

وانا من الناس الي شفة بعيني ظلم

منعوا رفيجي يسجل بالمدرسه

اخذته وكنت طالب ورحت للمنطقه التعليمه

ودخلت على المسؤولين الرجال

كلهم ما اهتموا لكن يوم دخلنه على امراه

اقلبت المدرسه عاليه سافله

وما انسه يوم دخلنه عليها وقالت اشفيكم يمه

وشرحنالها الموضوع بعد ساعتين كان الناظر ينطرنه

عند الباب واستقبلنه استقبال الابطال

لا لو كنه محررين الفاو ما استقبلنه جذي

ولمه سالت شنوا صار قالو احظرت المسؤوله

وعلى قولة الكويتين

اغسلة اشراع الناظر

وانا اصلا ما ادخل مراجعه ايام المدارس

من بعد هذا السالفه الا عند المراه

لانها احن وتعطف علينه مثل عيالها

ومثل ما قلتلج اختي نثيه احنه نستفيد منج

لانج انتي عارفه ومتواجده مع الطلبه باستبياناتهم

وهل طلبه كلهم بنظرج ابنائج وتعاملينهم مثل اعيالج

يعني انتي اهل خبره بهل موضوع

بس بخصوص الحقد نعم كلامج صح

وكلام ما طلع من فراق الا انه انتي عايشته

مثل ما احنا عايشينه


واحب ارد على الاخ ابو فراج
الاخ يقول لا يحق استخدام القوه الا بجهات المباحث والاستخبارات
اهو يتكلم بمنطق قانوني
اتمنى منه ان يسجل الماده الي تذكر ان حقيت استخدام القوه
فقط لرجال المباحث ورجال الاستخبارات
وكذالك ابي القانون الي يقول ان المشتكي
يذهب لوزارة الداخليه وياخذ كشف باسماء العسكر المشتبه بهم
باعتداء بالضرب ولا يسوي تحقيق ابي في اي دوله انت تتكلم عنها
تسجل قضيه والوزاره تسوي تحقيق بعد
انا الي اعرف ان الوزاره تدافع عنك وتيبلك محامي يدافع عنك
انا ابي اي قانون بالعالم يسمح لاي شخص انه ياخذ كشف
باسماء العسكر
اخوي شنو يعني رقم قضيه
ولا مسجل قضيه
يعني مسجل قضيه خلاص اهو صاحب الحق
يقول المثل
ضربني وبكئ وسباني واشتكى
ياريت توضح اخوي بالادله والقانون
واتمنى انك اذا قراة القانون او احد قالك تتاكد ولا تتسرع
ولا تصير مثل بعض الناس الي يقول رفيجي قالي
وانا اطالبك اخوي برقم الماده الي تحدد استخدام القوه
لمباحث والاستخبارات
الرجاء من الاخ ابو فراج
انه يدخل الموقع الي حط رابطه للاخت نثيه
ويطل المواد والقوانين الي اهو يذكرها
ويحدد اذا كان الموقع حكومي
ولا موقع واحد مسويه
واذا كنت تاخذ قوانينك من هل موقع
فانا لا الومك
والف شكر لكم
واتمنى ان محد يزعل من كلامي
ويفرق بين الظلم وبين
استخدام القوه في الضبط
وحفظ الامن