صباحكم نرجس وكادي
الساعه 7 الصبح
المزاج اوكي :)
صايره لي مشكله صغيره :(
طبعا انا قاعده ابني قسيمتي تقريبا الحين خلصتها بس بقى التشطيبات النهائيه
المهم باختصار تعاقدت مع شركه للسنترال
قيمة العقد الكليه 5800 دينار
4 مكائن سنترال
دفعت من المبلغ الاجمالي 4600
بقا لي المفروض 1200
اتصلت عليه علشان اعطيه المبلغ النهائي ويركب لي المكائن
قالي باقي من المبلغ النهائي 2600
شفتوا الحظ الاقشر هههههههههههههههههههههه
قلت له بابا ليش
قالي لان احنا اضطرينا نركب لكم مكينه خامسه بالطابق الثالث
لان مكينه وحده ماتكفى
قلت له اشلون تركبون وتسوون بدون علمي او توقيعي ؟؟؟
قالي هذا اللي صار
قلت له كنسل المكينه الخامسه مابيها
قالي اوكي بس لازم تدفعين زياده 300 دينار قيمة الدكتات
هههههههههههههههههههههههههههههههههههههه
قلت له يابابا انا ماقلت لك حطها من الاساس شكو ادفع زياده
المهم سويت لهم مشكله قلت لهم طالما انا ماوقعت معاكم ولا قلت لكم مو من حقكم تزيدون اي شي
اتصلت على المدير وعفست الشركه ههههههههههه
اخر شي قالي المدير هذا خطأ مشترك بينج وبين المهندس
ولازم تدفعين 150 دينار والمهندس 150 دينار
قلت له مادفع ولا فلس شكو ادفع على غلطت غيري هذي غلطت المهندس مو غلطتي
اخر شي قالي اتصلي بعد ربع ساعه بتفاهم مع المهندس
وصارلي يوم كامل اتصل يقولون مو موجود المدير
ههههههههههههههههههههههههههههههههههههههههه
تهرب من الدرجه الاولى
بالله شسوي فيهم الحين :(
صباحكم قشطه
دوخت راسكم ادري