اى والله تسلمين يالغالية على الموضوع
سبحان الله أمس انا كنت بالسوق ومرت وحدة لا بسه عباية ضيقة اعتقد فصلوا الخامة وهى على جسمها واتوقع ماتقدر تنزعها وتنام فيها .. وعلى الجوانب من يمين ويسار ورود كبيرة صفر
وكذلك قبل فترة طالعين موضة عباية ضيقة ونقاب وحزام من حديد على الخصر وبعد مناظر كثيرة بس خلونا على هالمثالين .
يعنى انا من وجهة نظرى لو تلبس تايور أفضلها لان التايورات تكون من خامة ثقيلة واغلبها قطن اما العبايات فأغلبها من خام ( الستن ) وكثير ما يستخدمونه للملابس الداخلية للمرأة .. يعنى كأن البنت طالعة بملابس داخلية .
أنا ابى أسأل هالبنت الغبية وين الذوق بالشكل هذا ؟ والله شكلك مسخرة عباية ونقاب وحزام على الخصر .
كأنها ضيعت مو عارفة شنو تلبس . وبعدين احنا عارفين ومتيقنين ان العباية للستر .. وتعطى البنت عنوان عريض انها مستورة وهى عارفة ذلك .. ابى وين الستر ضيقة على الجسم وتبينيين كل مفاتنك .. اذا انتى ماتبين الستر شحقة لابسة هالشى اللى يسمونه عباية .
مادرى يمكن من نظرتى لك وانا شاب ان ما عندك فلوس تشترين بدل فلبستى قطعة سودا على انه تايور وتقدر تلبسها كل يوم بعكس التايور اللى المفروض عليها ان تبدله كل يوم .. هذى نظرتنا والا ليش لابسة هالمسخرة هذى .
ابشركم شفت شى قريب عباية على شكل قميص طويل ومن تحت بنطلون من نفس العباية .
يا اختى العزيزة استرى على نفسك واعطى نفسك عنوان للحياء والاخلاق والا
فلا والله ما في العيش خير ولا الدنيا اذا ذهب الحياء
اذا لم تخش عاقبة الليالي ولم تستح فافعل ما تشاء