أنا بقول رايي
أمس بعد صلاة العيد قلت " عمار ياكويت "
شفت العماله الوافده شلون فرحانه بتلهمها الأعمال التي تقتضيها بأجور مرتفعه الثمن وكأننا بالسوق السوداء
قاعد أكلم أخوي واحنا بالسيارة ونشوف القصابين بكل مكان أقوله " شفت خيرات الكويت " قالي هذي خيرات بو مبارك فتح الباب لجميع العماله ولم يطلب منهم ضرائب ولم يتدخل في التقليل من شأنهم بل قربهم جداً للشعب الكويتي
قلت أنزين شوف القذارات بالأرض
قالي هذي هي الشعوب اللي مايملي عينها غير التراب
قلتله شفت عماله دبي شلون منتظمين ونظيفين وكان بيتكلم وقاطعته على طول
وقلتله لإن الضرائب والمخالفات على ودنه هناك
قالي الحكومة الكويتية بأكملها : ترأف بالعماله وتبي خيرات الكويت تنتشر بكل الدول المحتاجه بشكل سريع واكثر انتشار
قلت شكو هذي بهذي
شلون تنتشر خيرات الكويت على سبيل القذارة في كثير من شوارع الكويت ؟
فآخر شي اتفقنا على " فرض المخالفات وعدم التهاون بهذه الأمور السلبية " التي تسيء للمنظر العام لدولة الكويت الحبيبة
أشكركِ نثيه على الجولة التي تكشف حقائق تدني الرقابة وعدم الأخذ بفرض العقوبات إتجاه المخالف للمنظر الحضاري