[align=center] عطرك الليلة .. اللى ثار مثل البخور
شد زوار حفل .. وجن اجنونهم
تلفتين انتباه .. اللاهي من الحضور
كن لك صورتين .. داخل اعيونهم
انتي اجمل ملاك .. فيه حلو الغرور
وانتي انسانه .. حركتي اسكونهم
لاتخطيتي برقة .. غمرهم شعور
ان ماغيرك احد .. واقف دونهم
كن فى غرتك شمس .. ومساحات نور
وكن فى شعرك .. اللى ليلكي لونهم
عاطره مثل ورده .. وسط حقل الزهور
العذارى بجنبك .. مظلم كونهم
نامي كما طفل .. خلي من الهم
وخلي عيوني .. لارقدتى مهادي
والى حلمتي .. فأذكري قصة الحلم
ليلة سرينا .. بالخلا والوهادي
الحلم ثالثنا .. بلاهم او غم
نسري مع القمرا .. على صوت حادي
قلبي يغني .. يعزف الحب بالدم
وانتي تردين اللحن .. بالوادي
واقدامنا ترسم .. على الرمل موسم
نبتة خزامى .. مايعرف الحصادي
وننثر على وجه النفل .. عطر ماشم
لامن حضر قبلك .. ولا من بوادي
شذى نفسك .. اللى حرام على فم
غيري .. ولاني بالغرير العنادي
يوم نذرت العمر .. والله يعلم
لك بالوفاء والحب .. والعشق زادي
نامي كما طفل .. خلي من الهم
وخلينى اشبع نظرتي والفؤادي
والى صحيتي .. فأذكري قصة الحلم
وادري .. تراني لك خليل جوادي[/align]