هذه قصيده من روائع المبدع شاعر الاندلس / ناصر القحطاني
معك طعم المساء غير .. ومعك حتى السوالف غير
معك ياحلو تقليب المواجع بين كفينك
تبختر .. بين دقات الخفوق ..ونشوة التفكير
ترى كل الحياة اصغر من اللي بيني وبينك
احس انك تجي والعشب ينبت والطيور تطير
واحس ان السحاب يلوح براقه على ايدينك
احس بروعه الدنيا واحس ان الزمان بخير
واحسك للحياة اعذب نداء مانتب مثل عينك
اشوف الصبح لا شال الشفق هز الظلام عصير
واشوف الورد يضحك مابقى الا ينشدك وينك
واشوف الريح تقبل مستخفه دمها وتغير
تنثر لك شعرك .. وتـنـتـثر سـلـه رياحـيـنك
ورى ماترقص القمرا بقلب خانه التعبير
مثل ماترقص الألوان في مسرح فساتينك
دخيل أنشودة العشق وذنوب ترفض التكفير
دخيل آخر ربيع مرتي في حضن عشرينك
انا اللي نزلك من برجك العاجي وجاك يسير
يمد لك اليمين ولا درى عن لهفه يمينك
وأثرك تشوفني في حلمك اللي في رجا التفسير
على ذاك الحصان الأبيض اللي في ميادينك
شعرت بطعم سكينك من اول ما بدا التقدير
تمثنيت العروق وقبل اكبر جرح سكينك
لقيتك قبل ما ابحث عنك في الابراج والتبصير
قريتك قبل اموت بلذة قراية فناجيلك
ابي للناس اسولف بك واقول اللي يصير يصر
واحسك سالفة لو سولفوها شوهوا زينك
حشا لو تطري الفرقا ما اعدك راعي التقصير
عزاي اني ملكت بوقتها عرش اجمل سنينك
يقولون الزمان اغبر وانا اقول الزمان بخير
مادام اللي سكن في ناظرك ماطاح من عينك