أقدم لكم قصيده اعجبتني ولاكن للأسف لا أعرف من قائلها
البارحه جتني عنـود المزاييـن
من عقب فرقى ذا لها اليوم عامي
قلت اشتبين وقالت اطلبك ثنتين
رسايلي واللي بقـى مـن غرامـي
حق على المديون بوفاية الديـن
وادخل علـى الله وفهـا بالتمامـي
قلت انصفـي بالله ياقـرة العيـن
با بيـن المكنـون مانـي برامـي
حبك غدا يابنت الاجواد نصفيـن
في جسم مفجـوع بـراه الهيامـي
نصف سرى بالدم وسط الشرايين
ونصف لجى وسط اللحم والعظامـي
واشلون ارجع دينك اللي تريدين
بالله دلينـي وانـا فـي التزامـي
قالت عوايد يامسلط لـي الشيـن
الملـح مايطفـي لهيـب الضوامـي
ثم استدارت قلت يابنت لا ويـن
قالت عنيـد ومـا تطيـع الكلامـي
قلت انتي اللي دايـم ماتطيعيـن
ولـولا عنـادك ماجفيتـي مقامـي
وفزيت مفزوع من الغيظ للزيـن
اثاريه حلم وزارني فـي المنامـي
وسلامتكم