شكرا على المشاركه وعلى هذا الموضوع بالذات لانهم يستغلون طيبة قلبنا في اعمالهم القذره .
شوفوا وش حصلي انا بعمان/الاردن :
انا حصلي نفس هالموقف وانا ماشي اتمخطر في السيف واي في عمان بالاردن المهم انا واقف بالمركز وشوي وجتني واحده شقراء طويلة جسم اللهم يا كافي المهم لو عرضت علي او طلبت مني اي شي في المركز كان وافقت على طول وبدون تردد ( صراحه بنت من حلاها جاني صداع ) المهم يا طوال الاعمار سألتني اذا كان ممكن انها تسألني اسئلة وفي حالة الاجابه تقدم لي جائزه ... المهم سألتني سؤال لو كانت سألت ولدي عبدالعزيز اللي عمره سنتين الله يحفظه كان جاوبها .... المهم ضحك في المركز وهيصه ومبروك بس بدون بوسه وفيه احضان واعطتني تذاكر للاجتماع وكان في فندق شهير جدا بس غير محترم !!!! ورحت انا فيها مانمت هاك اليوم اقول يا ولد سبحان الله جاي الاردن تتمشى ويصير لك مثل ها الموقف اللي ماعمره صار في حياتي لا وافوز بعد عجيب والله عجيب ....... المهم رحت اليوم الثاني قبل الموعد وهذه لاول مره اروح لناس قبل الموعد ( دايم اروح متأخر شوي .... حركات ) والجماعه زحمه ماشاء الله تبارك الله المغفلين واجد هاك اليوم المهم انتظرنا شوي ودخلونا صاره ومليانه طاولات بثلاث كراسي وكل طاوله عليها نصاب ومنصوب عليه ( ليت سيبويه يدري ) المهم ارسلوا لي بنت اللهم يا كافي تسدح حصـــان مو ابو عبدالعزيز المهم جابولي عصير فرش اظن انه برتقال وبدت تخرط علي من هالخرط الرخيص وتوزع ابتسامات وانا اقول وكل الكلام الجاي اقوله لنفسي حبتني لا حبتني لا حبتني لا يمكن ماحبتني لسه بس اكيد معجبه فيني اااااااااااخ بس لو ... مستحيل هاذي تضحك علي باين عليها طيبه وما تعرف اللف والدوران المهم بدت تشرحلي شرح وانا منسدح الا خمس دقايق في الصاله اتفرج في عجائب قدرته سبحانه في وجهها حتى ضروسها اللي فيها حشوه كلها شايفها لان بيني وبينها يمكن 20 سنتميتر ويمكن اقل المهم قالتلي اشرايك تشتري شقه في لبنان اش رايك اش رايك اش رايك وانا موافق على كل شي .. خلصت العصير اللي اظن انه برتقال ووافقت ... شوي نادت على تمساح كان واقف بالصاله وجاء عندنا ووقفت هي جنبه وقال بصوت عالي للموجودين بالصاله نرحب بالعضو الجديد معانا ( يقصدني ) المهم علا التصفيق بالصاله وكاني حررت القدس ومبروك مبروك مبروك كل التماسيح اللي بالصاله يباركون لي كانها ليلة عرسي .
المهم اخذوني لشخص يقولون انه المحامي الخاص بشركتهم وقال لي اهلا وسهلا بك عضوا معانا وجاوبته ( اهليييييييييييييييييييييين خيوووووووووووووووووووووه ) المهم ان ماطلعوا معاي بشي لان ماكان في جيبي الا حوالي 50 دينار اردني .... ووالله ثم والله ثم والله وكمان والله للي مايصدقني اني عارف ان الشغله كلها نصب في نصب في نصب من اول يوم قابلتني فيه البنت في السيف واي . بس ماخذ الموضوع تسليه .
لكن مايمنع ان فيه ناس ضحايا وللاسف الشديد ان هؤلاء النصابين اتونا بشركاتهم الى بلادنا بدون رقابة عليهم.
خذوا حذركم دايم والله يعيننا واياكم .................................................
ابو عبدالعزيز