الوووو
معاكم نثيه من الكويت
اولا احب اشكركم علي البرنامج المفيد
واحب اشارك اذا ممكن :)
____________________
باختصار شديد
المخيمات ضروريه بصراحه كنوع للترفيه
والمخيمات 3 انواع
النوع الاول المخيم الشبابي :
وهذا شي حلو ومسلي بصراحه اذا كان خالي من اي منكرات
مثل
الغيبه والخمر والحش والكلام باعراض النساء
وفي نوع من المخيمات الشبابيه رائعه وهادفه منها تسليه ومنها زيادة بالاجر والحسنات
اذا كان فيها دروس دينيه ومسابقات حلوه
النوع الثاني وهو مخيمات العوائل :
وهذي من اروع المخيمات بصراحه وناسه حيل
جمعه حلوه تصير
اما النوع الثالث وهو مخيم النساء :
وانا ضد هالفكره نهائيا
طبعا حريم بروحهم بالبر شنو تتوقعون يصير
نحط النار يم البانزين ونقول يالله سترك
اما فيما يختص من يشيلون مخيمهم تبقى المنطقه كانها محرقه من الاوساخ الي فيها
هذا راجع للتربيه استاذي
في ناس والله لما يشيلون المخيم يصير ورده من وراهم
وفي ناس يخلونها مزبله
ومثل ماقلت عائد علي التربيه والشخصيه
واسفه للاطاله
اعطي الفرصه للمتصل الجديد :)