ياللي عنك سود الليالي حدن ياللي ظروف الوقت عنك حدني
ياللي دموع العين بعدك يهلن والقلب عيا بعدكم يرجهني
ياللي طويتني كما طيت الشن كويتني وقفيت ماسلت عني
ياللي صوابك من ضميري تمكن وعيونك السود الوساع اسحرني
ياحلو يامملوح ياصغير السن يادعج غنج الحب لاتمتحني
القلب خطرن من التفاكير ينجن وأخشى جروك بالحشا يذبحني
أخشى منك ياللي هروجك يسلن حيث اني مقو شيء غير التمني
أخاف بك سود الليالي يقفن تقفي بك أيامك وأنا يقلعني
أيام للعشاق والله ما يصفن وخاف منكم يالغضي يحرمني
لكن عسى الله ما يخيب بكل الظن مايخيبك يازين الاوصاف ظني