.. شوفي يا قلبي اول شي موضوعج في غاية الاهميه اهم شي تأكدي وحطي في بالج ان جميع هذي الافلام لن تعرض بالصوره الكامله يعني مقاطع سوف تحذف دام هذي السينما بالسعوديه راح يعرض تحت لائحه كبيره وعريضه من الشروط نوعيه محدده من الافلام واغلبها بنقول "هذا الفلم مايعرضونه في السعوديه" اهل السعوديه نفسهم سيتذمرون ويقولون واحد من هالثلاثه: عندنا سينما ولا فيها اي شي او هالفلم مافهمناه من كثر ماهو مقطع او وايد مقاطع ماشفناها الفلم صار بايخ وقصير آخذه تأجير واشوفه كامل افضل ________________________ وكل شي مقطع سواء سياسي جنسي مذهبي ويمكن لآتفه المناظر هذا شي شي ثاني ماله تدخل بتطرف الشعب او ابتعاده للدين لان المتدين من اصل عارف دينه وسينما لن تهز ايمانه وتمسكه واللي عادي متساهلين اتلاقينهم يسافرون كل مكان لراحتهم وكونهم يضعون السينما في وجه المدفع ويقولون هي السبب في اغلاق المراكز الدينيه فهذا شي لا يعقل واذا نتكلم عن السياحه فالسينما تجر سياحه ترفيهيه وتلك سياحه دينيه ياما دول فاتحه سينمات ومراكز دينيه في معظم ارجائها لم يتدخل اي واحد في الثاني .. تسلمين على الموضوع الهادف مره اخرى انوه بأن التطور شي جميل ليش نمنع السعوديه منه دام اهل السعوديه يروحون يدورونه برااا خلاص صاروا فاهمين وعارفين الصح من الغلط ليش نحرم التفتح على السعوديه وانقول لا خليها اهي افضل الدول واحسن الدول؟ وفي مقابل ذلك .. نفرح اذا فتح مجمع او دور سينمات في دولنا او اخذنا رخصت السياقه بعد التخرج مثل ما احنا عندنا التفتح ونروح السعوديه لأداء المناسك عيل شي عادي لو تكون السعوديه عندها الاثنين.. مثل ما نحن نتمنى وجود الاثنين ونسعى في طلب ذلك . شكرااااااااااااااا واسفه على التطويل بس موضوع يجذب بصراحه ..