(( الحلقـــــــــة الثانيــــــــــة ))
- هل ممكن نهضة تتعمل بدون صحة ؟؟
طبعا لا .... ليه ؟؟ لسببين ... السبب الاول هو :
1. الصحة هي ركوبتك التي حتصلح الأرض وتعمر بيها
2. وهي ركوبتك التي تعبد ربنا بيها
3. وهي ركوبتك التي ستوصلك ليوم النهضة ..
4. وهي ركوبتك التي هتوصلك ليوم القيامة
5. وهي ركوبتك التي هتدخلك الجنة ..
يعني ببساطة لو توافرت كل عناصر النهضة لأمة من الأمم (حماسة شباب وإخلاص ودولة حكيمة ومشروعات قوية ) لكن مفيش صحة زي بلادنا كده ، هل ممكن تحصل نهضة ..طبعا مستحيل ..رغم توافر كل العوامل الأخرى ...
الجسد الذي يتمتع بالصحة البدنية والنفسية وحده القادر على بناء النهضة ...
وكمان في سبب آخر مهم أن مش ممكن تتعمل نهضة بدون صحة ، هي أصلا النهضة اللي احنا عايزنها عايزين فيها ايه ؟؟
مباني شاهقة – حدائق رائعة – مصانع ضخمة..كل ده من أجل ايه ..من أجل الإنسان ..
السبب الثاني : أنالنهضة أصلا هدفها إسعاد الإنسان والمحافظة على كرامته وهذا أصل الخلق
(ولقد كرمنا بني آدم )
(لقد خلقنا الإنسان في أحسن تقويم )
المشروعات الصغيرة - وزراعة أسطح المنازل - وتعلم الحرف أصلا من أجل الإنسان ، طب إزاي كان الإنسان اللي كل ده علشانه مريض والجو حوليه ملوث وبيشرب مياه ملوثة وبيشم هواء ملوث ولو عيي بيترمي...تبقى نهضة إيه ديه !!
نهضة إيه مافيهاش صحة بني آدم وكرامته كأن الصحة هي معيار النهضة يعني إيه الصحة هي معيار النهضة؟ عايز تعرف في نهضة حصلت ولا لأ إنظر على قيمة الإنسان في البلد طب أنظر على قيمة الإنسان ازاي شوف لما واحد بيقع عيان بيتعامل ازاي في المجتمع تعرف البلد دي متقدمة ولا مش متقدمة ده مقياس عالمي مقياس النهضة إيه؟ قيمة الإنسان طب عاوز تعرف الإنسان قيمته أد إيه في البلد دي؟ عاوز تعرف في لبنان الإنسان قيمته أد إيه شوفوا لما بيعيا بيتعامل ازاي. الإنسان في أمريكا قيمته أد إيه يقولك كده شوفوا لما بيعيا قيمته أد إيه شوفها لما بتعيا... شوفوا لما يعجّز ويخش المستشفى قيمته أد إيه قيمة الإنسان تعرفها من صحته تعرف البلد دي متقدمة ولا لأ أديكوا مثل حادثة الأزهر اللي حصلت في مصر من حوالي أسبوعين واحد فجر نفسه في منطقة سياحية شعبية وراح أرواح بريئة ملهاش أي ذنب من أجانب جايين يتفسحوا في بلدنا بأمان الفيزا اللي خدوها. ومن ناس من أولاد بلدنا يعني مات اثنين.. والاثنين لا شرع يرضي ولا دين يرضي ولا حق يرضي وسقط الاثنين الأجانب وولاد البلد وجت الإسعاف عرفتوا الباقي؟ مين اللي اتشال الأول؟ واتشال على فين ؟ اتشال. جت الاسعاف شالت الأجانب وودتهم على حته اسمها دار الفؤاد أرقى مستشفى واتشالوا ولاد البلد على مستشفى اسمها مستشفى الحسين وضعها ضعيف في البلد هو ؟ هو ده من باب اكرام الضيف؟ ولا دوّن لأن ده قيمة كده وده قيمته كده ومين اللي يقول كده وفين كرامة ولاد البلد حتقولي ده مثل سياسي بلاش المثل ده حديك مثل تاني في بلد من بلادنا العربية راجل محامي ومستشار قضائي كبير واسم عظيم الراجل دوّن موجود في بلد ساحلية عايش فيها وله عميل بيترافع عنه في القضايا في العاصمة وبينزل كل أسبوع من البلد الساحلي للعاصمة ويروح يترافع في القضايا و .. و .. و ..
عنده قضية فرجل الأعمال اللي عايش في العاصمة اللي القضية بتاعته فوجئ ان المحامي مجاش وقلب الدنيا مش لاقيه اتصل بيه مابيردش اتصل بأهله في البلد الساحلية ردت عليه مرات الراجل المحامي الكبير قالت له ده نزل جه العاصمة من يومين .. مش لاقينه لقوه بعد ثلاث ايام مستشفى بتبعت بتقول تعالوا استلموا الجثة بتاعته ايه اللي حصل ؟ اللي حصل ان الراجل نزل من القطر ( مابيجيش بعربيته ) نزل من القطر ماشي خبطته عربيه وقع اتفتحت دماغه بس مامتش ويمكن انقاذه دخل في غيبوبه شالوه وحملوه على المستشفى . المستشفى دورت في جيوبه لقوا محفظة لكن ملقوش فيها فلوس فمرضوش يعالجوه لأن لو عالجوه مين اللي حيدفع ؟ونجيبه منين؟ مين يتحمل؟ لأ اللي انا بحكيهولكوا ده بيحصل كتير ناس تروح على المستشفى تموت والمستشفى بتقول حتدفعوا يقولوا لأ فيقولوهم آسفين دورلكوا على مستشفى تانيه الراجل نزف يومين ثلاثه وبعد ما مات بقى عندهم جثة حيتعاملوا فيها ازاي فدوروا في جيوبه لقوا عنوان فاتصلوا بالعنوان وبعتولهم تلغراف تعالوا استلموا الجثة بتاعت جزكوا. فهمت علاقة النهضة ايه بالصحة ؟؟؟ كرامة البني آدم انت قيمتك أد ايه وبالتالي يا جماعة فبقت الصحة خطيرة أوي شوفتوا الموضوع بقى شكله مختلف آه طبعا الصحة مهمة الموضوع بقى شكله مختلف. مختلف في حاجتين ان مفيش نهضة في البداية يعني نقطة البداية هي نقطة النهاية هي الصحة في أي نهضة. النهضة أصلا مش حتتعمل إلا بصحة توصل الناس يعملوا نهضة والصحة هي اللي تقيس بيها اتعمل نهضة ولا لأ. لما تشوف كرامتة .... وقيمتة في المجتمع بيتعامل ازاي في الصحة فبقت الصحة نقططة البداية في النهضة ونقطة النهاية في النهضة طب خلوني أسألكوا سؤال بعد ماقلنا الكلام ده هل واقعنا الصحي يؤهلنا ان احنا نعمل نهضة ؟ عايز إجابة!! تاني هل واقعنا الصحي في بلادنا العربية يؤهلنا ان احنا نعمل نهضة ؟ تعالوا نجاوب على السؤال دوّن بعد الفاصل
: هل واقعنا الصحي في بلادنا العربية يؤهلنا إنا احنا نعمل نهضة؟ احنا ممكن نقول لأ و ممكن نقول يعني .. كلام مش علمي .. لكن تعالوا نمسك الأول و نقول أول نقطة طب احنا الواقع الصحي بتاعنا بيقول إيه؟ احنا الواقع الصحي بتاعنا مرير للأسف و إن الوطن العربي بمنتهى الوضوح و الصراحة بقى موطن أساسي لكثير من الأمراض الخطيرة و اديكم أمثلة بسرعة جداً جداً جداً.
* أول مثال : وفيات الأطفال
يموت مليون و نصف طفل اللي هم أصغر من خمس سنين سنوياً في العالم العربي لنقص الرعاية الصحية .. 14% من النسب العالمية اللي بيموتوا أصغر من خمس سنين في بلادنا.
* تعالوا نشوف النسبة الثانية : ارتفاع ضغط الدم.
أكثر من ربع سكان الوطن العربي يعانون من ارتفاع ضغط الدم.
* تعالوا نشوف الحاجة الثالثة.
أعلى دولة تعاني من السمنة في العالم و انتوا عارفين السمنة بتؤدي مصائب و أمراض قد إيه : السعودية و ثالث أعلى دولة في العالم الكويت.
* الالتهاب الكبدي الوبائي.
أعلى دولة في العالم مصر.
*مرض السكر.
17 مليون شخص يموتون سنوياً في العالم العربي بمرض السكر أو بأمراض الأوعية الدموية !
ده واقع .. كلام ده جاي من منظمة الصحة العالمية و غيرها و ده يا جماعة ده فاكرين الحلقة اللي فاتت أنا قلت هنعمل حاجة اسمها المنتديات الصحية أحد الاسباب دي لعمل المنتديات الصحية عشان نعمل توعية .. شباب يروحو يوعو الناس في كل العالم العربي فوقو يا جماعة احنا عندنا مصايب طب ده الواقع الأولاني ، لا عندنا الواقع الثاني شديد جداً ! : المياه الملوثة ..
انتوا عارفين يعني إيه مياه ملوثة ؟ يعني ميه مخلوطة بمية الصرف الصحي .. متخيل؟ متخيل الأمراض اللي بتنتج من كده؟ متخيل نسبة أمراض الكلى و نسبة أمراض الكبد اللي بتيجي ؟ و نسبة أمراض البلهارسيا اللي بتيجي؟ .. متخيل حاجة زي كده؟ معناها إيه ؟ متخيل إن كم قرية في المغرب؟ و كم قرية في الجزائر و كم قرية في صعيد مصر و كم قرية في اليمن؟ على فكرة .. محدش بيعرف الأرقام الحقيقية و لو طالبنا ان احنا بنعمل جدول كشف و نسجل فيه أسماء القرى مش هتلاقي الأحصائية دي في العالم العربي مع أنها مفروض توصل و تتعرف و تتنشر و أهل الخير يتحركوا يعني تخيلوا ! .. أنا كان نفسي قبل الحلقة ديه إيه أنزل ليكو على الانترنت و في الحلقة هنا أسماء القرى في العالم العربي اللي فيها مياه ملوثة و أقول يا أهل الخير يا مسلمين يا أهل بلادنا يا مسلمين يا مسيحيين تعالوا نتحرك كلنا و نروح نركب ميه في البلاد ديه و نعرف الجهود الفردية و الجهود الأهلية تقدر تساعد في الموضوع ده بس مفيش احصائيات .. ليه مفيش احصائيات؟ لأن الارقام ممكن تخُض !
أعرف طالب اسمه محمد جنينة قرروا إنهم يأخذوا قرية و عاهدوا أنفسهم كي يركبوا مياه نطيفة فيها،
يبقى تكلمنا عن المياه الملوثة، كل داه هل واقعنا الصحي يؤهلنا إن إحنا نعمل نهضة؟
عدد المستشفيات هل عددها يتناسب مع الزيادة السكانية بالعالم العربي، إحنا في حالة زيادة سكانية رهيبة و هي تبقى كارثة لو لا يوجد بجانبها جهود حكومية و شعبية لتقديم خدمات لهم, فليسوف صيني سئل ازاي تأكّل 2 مليار فم و لكنهم لماذا لا تقول لماذا لا تستفيد من 2 مليار يد، ...
و الحل في نقطة عدد المستشفيات إن أهل الخير يتحركوا و أن إحنا لازم نعمل مستشفيات،
50 مسستشفى
و كل المفتين في الوطن العربي قالوا إن هذا مصرف أساسي لأموال الزكاة،...أتحركوا يا جماعة ..يا كتى سنقول أحنا منتظرين الحكومة ؟؟ مين اللي يحرك الحكومة أليس نحن ؟؟ نحن الذي نحرك الحكومة ، ، فلو لنا إن الحكومة لم تعمل، لما لا تعمل أنت، لو كل واحد شال على كتفه حتة و نقول مين يشتغل، و لكن إذا فقط تتفرج؟ فين الشباب و الستات و الكبار مين يعمل توعية معانا.
يا ترى مستوى الأداء في المستشفيات؟ ضعيف للغاية ..ولا كويس ؟؟
أحكي لكم قصة ...في مستشفى من المستشفيات في الوطن العربي ...في القسم الخاص بأمراض المرأة، به سيدتان ... سيدة كبيرة في السن وبنت شابة متزوجة منذ عامين فقط ، السيدة الكبيرة ستعمل عملية لشيل الرحم والبنت الشابة ستنظف الرحم و الذي حصل العكس!!!
سأحكي مثال مر بي، أن جدتي قبل ما تتوفى تعبت أوي و ذهبت المستشفى و هي هناك وقعت عن السرير و بقيت 4 ساعات تصرخ لا أحد يسمعها….
أين جودة الأداء في مستشفياتنا، طبعاً ليس كل حاجة وحشة إحنا عندنا ناس محترمين و مخلصين أوي لكن مش حنفضل نجامل بعض
و إحنا لازم نقول، ايه المطلوب، فين نظام جودة العالم العربي؟...في الغرب أول ما تدخل المستشفى تأخذ ورقة حقوق المريض و إذا خالفها أحد ستقاضيهم،
الحضارة الإسلامية مستشفياتها كانت عاملة ازاي، والذي سأقوله الآن ليس من كتب الدين ولا من كتب الإسلام وإنما من كتاب ألماني ترجم إلي العربية ...والكتاب يحكي عن مستشفيات الحضارة الإسلامية و فيه خطاب بعثه أسير فرنسي جرح و ذهب لمستشفى وبعث من المستشفي خطاب لولده يقول فيه : أبتي الحبيب تسألني إن كنت بحاجة لنقودك أخبرك أني عندما سأخرج من المستشفى سأحصل على لباس جديد وخمس قطع ذهبية حتى لا أضطر إلي العمل بعد خروجي فقد منعوا أن يعمل من خرج من المستشفي لفترة تتناسب مع فترة نقاهته فيعظوننا أموال لننفق فيها في فترة النقاهة ..فلست بحاجة أن تبيع ماشيتك و لكن عليك بالإسراع إلى المجيء لتراني في هذا المكان الجميل فأنا في قاعة الجراحة… حيث أخذنوي بعد سقوطي وعرضوني على رئيس الأطباء ثم حملوني وأعطوني حماما سخانا وألبسوني ثيابا نظيفة من المستشفي سأخذها معي بعد خروجي و هنا ستجد مكتبة عظيمة و قاعة للمطالعة،وهناك أشياء جميلة ونظيفة للغاية الأسرّة بغاية النعومة..والبياض كالحرير ، إن لي جار يا ابتي أدعى المرض الشديد الأسبوع الماضي كي يحصل على شرائح اللحم اللذيد بضعة أيام ولكن الأطباء شكوا في أمره وأرسلوه إلي بيته بعد أن أتضح أنه بصحة جيدة ..هذا هو واقع المستشفيات في العالم الإسلامي
الأجمل من هذا ..أنهم كيف كانوا يختارون مستشفياتهم ؟ الرازي عندما جاء ٍيبني مستشفى جديد فقال نبحث عن مكان الناس تستريح فيه، فأحضر قطع لحم كبير و رماها بعدة أماكن ببغداد و قالوا ننتظر آخر قطعة لحم تفسد تكون أصلح مكان وبني مستشفى الناصري وهي تعتبر من أرقى المستشفيات ,,, كانت قصر وتحول إلي مستشفي
مستشفي الدمرادش في مصر ، تبرعت لإنشائها سيدة تدعى قوت الدمرادشي ...
عندنا مشكلتين بالمستشفيات الكم و الجودة،
الكم يمكن حله من خلال بناء المستشفيات ,.,, أما الجودة فنحن ننادي على حكومتنا وززارت الصحة في بلادنا وإلي أصحاب المستشفيات الخاصة ../مطلوب نظام مثل نظام الأيزو للجودة ، مطلوب نظام للجودة يتبع ويراقب بمنتهى الصرامة والجدية
حتى الآن تكلمت في انتشار الأمراض المعدية و قلنا الحل إيه نعمل توعية صحية.
وتكلمت في المياه الملوثة و قلنا إن يحصل توعية و إن شباب المنتديات الصحية يتحركوا.
و الموضوع الثالث المتعلق بنقص المستشفيات قلنا أن الحل هو زيادة عدد المستشفيات ,,,وأن تستخدم أموال الزكاة في بناء المستشفيات ..
وأما فيما يتعلق بجودة المستشفيات .,..فينبغي أن يكون هناك نظام للجودة Iso ..وهذا النظام خاصة بجودة المستشفيات والرقابة ...
تعالوا نكمل بقية واقعنا الصحي
الدواء، إحنا منستورد 4 مليار دولار أدوية في الوطن العربي ...
سنة 96 منظمة الصحة العالمية كانت بتقول 2،5 مليار دولار !! .,.. تخيل فراق الزيادة
لما هذا العدد الهائل من الإستيراد ؟؟ هذا يرجع إلي عدم اكتشافنا أي أدوية
الشركات العالمية فقط هي التي تكتشف و إحنا بنأخذ فقط ...
منذ 20 عاما عدد الشركات العاملة في مجال الأدوية كان 7000 شركة ..أصبح الآن 1000 شركة فقط ... هل تعلم السبب ..؟؟
أن الشركات تتحد و تتجمع لتتنج أبحاث أفضل أم نحن فشركاتنا تزيد لتكسب فلوس زيادة و هي فقط تعبئ الأدوية ...فتزداد الشركات في الغرب قوة وتزداد شركاتنا ضعف ,,,من يراقب على زيادة شركات الأدوية في بلادنا ؟؟
وأذا نظرنا إلي طلبة كلية صيدلة ... هل خريجي كلية صيدلة ...مكتشفين للأدوية ؟؟ماذا يدرسون ؟؟ خريجي كلية صيدلة ...نوع من ثلاثة أنواع ..
أما يتخرج ليبيع في صيدلة ... ولكن نسأل هل قام بتمرين أحد ..؟؟ يحكي لي شاب صيدلي جاءني مريض عنده إسهال قرأت دواء أسمه نيمارول ..نورمالين ..الأول يوقف الإسهال والثاني ملين ..
والنوع الثاني يعمل مندوب شركة أدوية عالمية يعمل دعاية وجزء من شغله البحث عن وسائل ملتوية لرشوة الأطباء ليصف للمرضى الدواء الخاص بهذه الشركة هدايا ورحلات ,,
والنوع الثالث : يعمل بشركة أدوية و لكن المادة الفعالة تأتي من الخارج و هم فقط يغلوا الدواء و يضعوا النشادر و يعبؤه فقط، ونضعه في كراتين ..ولكن المادة الفاعلة لا تتنج في الوطن العربي إلا نادرا ...والذي ينتج المادة الفاعلة هو الغرب ولكن توجد بلد أخرى الآن كنا ننظر إليها على أنها أقل مننا و لكنها الآن أحد البلاد الكبرى لإنتاج المادة الفعالة في العالم أنها الهند ...
و إحنا فين يا شباب الصيدلة ..مين يسمعني الآن و يقول أنا،
عندما حدث الحصار في العشر سنوات الماضية على ليبيا و العراق و السودان أحد الأمور التي منعت هي الأدوية و والأدوية التي لدينا ليس بها المادة الفعالة .. كانت النتيجة أن آلاف ماتوا
تخيلوا وضعنا شكله آيه .؟؟
ما فيش صيدلي عربي مسلم يقوم و يكتشف دواء،
فين أساتذة كلية صيدلة يأخذوا الشباب ويتبنوهم ؟؟
فين رجال الأعمال يرسلوا الشباب إلي بعثات للتعلم ؟؟
أنا أعرف صيدلي عربي عراقي شغله في إنكلترا أنه يخترع أدوية في أكبر شركات الأدوية ..صعبت عليه نفسه أنه علمه لا تتنفع به بلده ..فقرر أنه يرجع لكي يفيد بلده ..وعندما رجع إلي بلده لم يجد عمل ...لان وظيفته ليس لها مكان في الوطن العربي !!!
إلي متى سنظل محتكرين ؟؟
طيب أنت عايز ايه ؟؟؟ نرغب في 100 شاب خلال 5 سنوات يكونوا مكتشفي أدوية ، يكون لديهم الأصرار ويأخذوا دراسات في الخارج ...النبي صلى الله عليه وسلم كان يقول
( اللهم إني أعوذ بك من العجز و الكسل) .. أحنا أمة عاجزة أنها تصنع دوائها
(كنتم خير أمة أخرجت للناس)
أخرجت للناس كيف تمشي مع العجز؟الصين عندما وجدت نفسها أمام مافيا الدواء العالمية ..فكرت في البديل الصيني ..وهو متمثل في الأعشاب الطبية ونجحوا فيها ...
ونحن أيضا لدينا البديل ..الطب النبوي، زاد المعاد كتاب ألفه ابن القيم ..ربع الكتاب يتحدث عن الصيدلية عند النبي صلى الله عليه وسلم .. مين يعمل دكتوراه في الحاجات ديه......
أولا : الحكومة ليست جهة فوق الناس تفعل ما تريد ولا تفعل ما تريد ، الحكومة أصلا معينة وموظفة عند الناس ، تدير أمور الناس بتوكيل من الناس فيجب أن يسود هذا المفهوم عند الناس وعند الحكومة ..مين بيشتغل عند مين مين موظف عند مين ..لازم نفهم صح
هذا أول ضمان ..
أن الحكومة تعلن الحقائق لأصحاب الشأن وتقول كام مستشفي هتتبني ..يعني تعطي حقائق كاملة وتعلن في آخر السنة كم نفذت ..
العالم كله ماشي كده إلا إحنا ليه ؟ الدنيا تغيرت ولازم تتصلح ..
ثانيا : الناس وصناع الحياة والسيدات لهم دورين لضمان التنفيذ
أولا : برنامج صناع الحياة للمنتديات الصحية وثانيا لا نقبل أي خلل في هذه الأهداف دون إصلاح ومتابعة ، نشتكي ونتابع تحقيق هذه الأهداف ونرسل خطابات ونطالب الحكومة ..
والآن مع فكرة المنتديات الصحية كيف ستنفذ بالتفاصيل يشرحها أ/ متخصص شاب من شبابنا يعمل كطبيب في إنجلترا ..الدكتور تامر شربيني وهو زميل كلية الجراحين البريطانية الأمريكية..وسيقوم بشرح فكرة المنتديات الصحية لكم ..
لقطه مصوره للتسجيل للدكتور حمدي من نقابه اطباء مصر واقدم تحيه خالصه لهذا البرنامج والقائمين عليه واعلن اني هنا في نقابه اطباه مصر
وفي اتحاد المهنه الطبيه على استعداد للتعاون الى اقصى درجه ولتقديم كل مساعده نستطيع ان نقدمها في سبيل ان يحقق هذا البرنامج الطموح اهدافه
----------------------------------------------------------------------
-----------------------------------------------------------------------
============================
بعد الكلام الذي سمعتموا من الاستاذ عمرو ينتكلم بسرعه وببساطه شديده جدا الهدف من مشروع الصحه تحسين صحه الامه والحفاظ على اغلى ثرواتها واغلى ثروات الامه افرادها وهذه الموضوع سيتم كما شرح الاستاذ عمرو بنشر الوعي الصحي ... وجزء من المشكله ان الاطباء والعلماء بصفه عامه متهمين بان لغتهم صعبه وغير مفهومه .. فانا سوف احاول باذن الله ان ابسط على قدر المستطاع
اولا ما هي التوعيه الصحيه؟ هذا يعني تغيير العادات واساليب التفكير والانماط واي طبع اعتاد عليه اي بني ادم حتى يتغير سلوكه الى شيء يتيح له ان يحسن من وضعه ويتقي بهذا امراض معينه
هذا الموضوع هو نواه لفرع كامل في الطب اسمه الصحه الوقائيه فنحن هنا نقوم بجزء بسيط جدا ولكنه باذن الله فعال جدا على المدى الطويل
نشر الوعي الصحي يعني ان انت ايها الفرد ستعمل لاجل صحتك وايضا لاجل صحه من حولك وماذا ستستخدم ؟ستستخدم كل الوسائل الحديثه والمعروفه في هذا المجال ان شاء الله من بوسترات ولافتات وشرائط فيديو وسيديهات وبعض الاساليب المبتكره ايضا مثل المسرحيات ومجموعات الحوار ولو تواجد الاطباء فخير وان لم يتواجدوا فلا يشتط على الاطلاق للمساهمين ان يكون لديهم اي خلفيه صحيه
متى يبدا المشروع؟؟ سيبدا باذن الله من هذه الليله .. كيف؟ اي شخص لديه اراده ويدخل في هذا الموضوع عليه ان يبدا بتكوين المجموعات .. كيف؟ من الاسره من الاقارب من الجيران من الاصدقاء في العمل او الدراسه ويجتمعوا ويدخلوا على موقع
amrkhaled.net
ويسجلوا في المنتدى ومن المهم جدا جدا ان يقوموا بعمل شراكه اما مع اشخاص اطباء مواظبين معانا او مع رجال اعمال او مع جهات معينه اهليه او مع جمعيات الهلال الاحمر او مع الجامعات ... هناك مجموعه شراكات ضخمه جدا ومهم جدا ان نقوم بعملها في هذه الفتره ومن ضمنها ايضا المكتبات والمدارس فدورها يمكن ان يكون ضخم جدا في نشر مبدا الوعي الصحي ومواده .. اما بالنسبه لهذه المنتديات فما دورها ؟ اولا سنقوم نحن بتدريبهم وهذا التدريب مهم جدا كي تتم الامور جيدا في المنتديات وسيتم هذا بشراكات مع منظمه الصحه العالميه بقدر كبير ومع منظمه الصحه القطريه واخصائين من بريطانيا والكويت والبحرين وفلسطين والسعوديه
ثاني المراحل هي القيام الفعلي بالتوعيه وهذا انتم ستقومون به ونحن سنمدكم من خلال الانترنت بمواد التوعيه والادوات .. ومن بعذ نماذج الادوات الشائعه هي المطويات والكتيبات والكتب الاكبر قليلا ومن المواد المهمه ايضا شرائط الفيديو والسيديهات واستخدام الانترنت ولكن هناك ايضا كما ذكرت ان هناك طرق مبتكره كالمسرحيات ومجموعات الحوار واشياء اخرى عديده نستطيع ان نقوم بامدادكم بالافكار للقيام بالعمل التوعوي من خلال الانترنت وهي كذلك فرصه للابتكار من المجموعات نفسها
والمهم جدا ان نتفق من الان ان الشراكه بينكم ويننا ستتم بشكل متواصل يعني ان تدخلوا على موقع اسبوع باسبوع وتتابعوا شهرا بشهر كي نتفق على المشروعات ونتابع تنفيذها سواء اكان المشروع مرض غير معدي مثل ضغط الدم او السكر او موضوع بيئي مثل تنقيه المياه فهي موضوعات مهمه جدا او ايا كانت الموضوعات
ممكن ان يسال احدهم لماذا المنتديات ؟؟ فمن الممكن ان يتلم كل شخص المعلومه ويقوم بتطبيقها .. المشكله هي كما سمعنا من سرد الاستاذ عمرو ان شغل الحكومات وحده لا يكفي ومهما عملت الحكومات او حتى الجمعيات فلا يتاتى تغير السلوك الا من الفرد نفسه فلذلك لابد من التوعيه واستمرارها والتفكير بها ومن هنا جاءت فكره المنتديات والمطلوب في جمله واحده ( نريد خمسون منتدى خلال الاسبوعان القادمان ) ادخلوا على الموقع وسجلوا في موقع الصحه وسنتواصل معكم وباذن الله ربنا يوفقنا
=====================================
ثم يعود الأستاذ عمرو ليستأنف حديثه مستكملا لحديث الاستاذ... : يعني دعوني اقول ان الهدف هو خمسون منتدى صحي خلال الاسبوعان القادمان .. اما عدد الاشخاص من 3 الى ما شاء الله طيب وماذا سياخذون؟؟ سياخذوا التدريب باشراف منظمه الصحه العالميه ونحن
سنساعد ..........
وكل أسبوعين أوكل شهر ..نتفق على محاربة مرض إحنا كل 6 أشهر ال 50 نادي سنختار المتميزين و نجتمع لنفكر بكيفية تطوير الأداء…هل هو كلام خيالي، طب إيه رأيكم إن في ناس عملوها و معانا اثنين منهم، تعالوا نرى أول منتدى: معنا أحمد و دعاء من أول منتدى صحي في المنصورة و هم حوالي 40 واحد و الناس اللي اشتغلت معهم وصلوا ل 900 واحد، و امبارح كان في اجتماع لعمداء كليات الطب العرب و طلبوا منهم أنهم يأتوا و يعرضوا فكرتهم، تعالوا نسمع منهم ابتدوا ازاي:
إحنا مجموعة من الشباب بجامعة المنصورة و إحنا دورنا إن نساهم بالنهضة و ربنا هدانا لموضوع الصحة، و بما إن المشروع نهضة فسنحتاج لشراكات و فعلاً بدأناها و بدأنا نحط أفكارنا اللي لازم تحمل موضوع الابتكار، أهم حاجة بالمشروع هي فكرة الحملة و هي وتحد لكل عشرة، الفكرة هي شجرة، إحنا بوطننا العربي قلنا أن لازم نزرع شجرة تبدأ من معلومات بسيطة و صحيحة، و الشجرة ستكبر و تعم على الوطن العربي كله
جبنا معلومات من وزارة الصحة ثم وضعناها على بوستر و وزعنا 6000 نسخة و الحمد لله شارك معنا 900 واحد…
عمرو خالد: الشباب دول فيهم خير كبير أوي و الأمة دي ما ماتت و فيها خير أوي بس بحاجة لحد يرفع لها راية كي تأتي معنا ، خبر ثاني جميل أن عميد كلية الهندسة وافق أن مشروع زراعة الأسطح وافق عليه و سيتنفذ.
سنعيش لبلادنا و أمتنا و الله المستعان و الحلقة الجاية مع الأطباء إن شاء الله
و السلام عليكم و رحمة الله و بركاته
**********
يتـــــــبع