سمعت بواحد يعشق عذابه لين حد الموت؟!!
طبعي أعز الذي بالصدق متحلي
ولا أخاوي إلا عزيز النفس نبراسي
وطبعي أسامح صديق بالخطا زلي
لي من تذكر خطاه يقدر إحساسي
من صغر سني اقيس الحرف بالملي
كل ما نطقته لشخص طاب نوماسي
---------------------------------------
كل يوم يا حبيبي من عمرنا محسوب
بس يكفي تغلي بس يكفي عتاب
التواصل حبيبي هو حياة القلوب
ساعة يطيب حبك كله الوقت طاب
أنت نغمة مشاعر طاردة للشحوب
أنت أصل الحقيقة وكل غيرك سراب
لا تخلي محبك بين هم وكروب
في أول صباه لكن منه العقل شاب
----------------------------------------
يا حبيب العمر يا أوفى رفيق
عشرتك تسوى بعيوني هالبشر
ليتني من حلم وصلك ما أفيق
لو كسرني حمل هالدنيا كسر
ما أحب ولا اشوف ولا أطيق
غير زولك يا بعد كل البشر
-----------------------------
سمعت بواحد يعشق عذابه لين حد الموت؟!!
أنا ذاك الذي لو غبت يعشق فيك تعذيبك
تطرش لي من الفرقا كفن اسود مع التابوت
واطرش قلب لفيته بياض جا يهلي بك
أنا أدري فيك لو يوصل جنوني لين حد الصوت
مع أول حرف من صوتي يهزك حيل ويجيبك
----------------------
إذا في يوم نبهك الضمير وهاجسك صحاك
وحسيت بالم فرقا ولا تقوى طواريها
إذا في يوم حنيت لهوى الماضي ولا خلاك
زمان تطوي أيامه ولا تدري بتاليها
تذكر واحد مهموم من ياسه ومن رجواك
فلا هو يائس ينسى ولا الرجوى يخليها
-------------------------------------
تخيل حتى قلبي بديت أشعر بتقصيره
أدور لك بداله قلب يعطي والعمر فاني
تصدق عاد..أنا والشوق والإحساس والغيره
جلسنا كل واحد يشكي غيابك على الثاني
--------------------------------
جيتني والقلب جددت انبعاثه
جيت تسال عن سبب همي وغمي
إن نشدت القلب في وسطه ثلاثه
أنت يالمجمول بعد أبوي وامي