|
شتــات قلـــب ..
أقبل علي بقوله .. - تمنّي -
اللولو والمرجان كل العطور من فل وريحان قلت- حلمي أكبر من كل اللي كان ناطح سحاب لسهول و وديان قال- لك الشمس من النهار ومن الليل نجوم تغار قلت- العفو.. بأي الديار؟ أطلب حمى لي .. ودار قال- أكبر قصور الإنس والجان سوره نهر وروض بستان قلت- العفو .. حلمي كبير أكبر كثير يمكن يصير أو ما يصير قال- العذر .. حبيبتي .. أمرك عجيب ! حلمك صعب ؟ أو أجهله ؟! قلت- يمكن يكون حلمي غريب ! أو حتى صعب أو ما أسهله! قال- حبيبتي حبّي كبير وحلمك أطمح أحققه !! قلت- حلمي كبير أصغر كثير يمكن يصير أو ما يصير !! ودّي أكون منك قريب وحضنك دوم يدفّيني واهمس لك بـ (أغلى حبيب) تحضن كفوفي..وتقول ( ضميني)... ودي يكون من أنفاسك نصيب تعطّر كل ما فيني وترجع البسمة لقلبٍ عطيب ومن صافي الريق تسقيني... ودي تكون في نهاري فيْ وفي ليلي الضيْ وبين ليل ونهار فجر يحييني... ودي أنا حلمي يصيب وظن العاذل يخيب وهذا هو اللي يكفّيني... قال- العذر .. حبيبتي .. حلمك عجيب! وصعب كثير .. أصعب من أني أفعله قلت- العفو.. حلمي سهل .. وأسهل كثير..!! لكن .. أصعب من انك تفهمه..!! --- وفي حالة ذهول.. لف واستدار.. وبنظراتي صرت أتبعه وفي حالة ذهول .. شتات قلب .. صرت أجمعه --- يمكن يكون حلمي غريب ! أو حتى صعب أو ما اسهله! ... .. . في أمان الله ... |
ياسلام عليك
لاهنت الف شكر علي المشاركه الرائعه |
يسلمووووووووووووووووووووم قلبي
|
يسلموووووووووووو على االقصيدة الجميلة
وصح السانك |
السلام عليكم
صح بدنك ولا انت يا نثيه وشكرا يا الكليب ويا ابو عيد على مروركم الطيب والرائع شكرا جزيلا :) في امان الله |
| الساعة الآن 02:34 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر