|
المراقبة العامة -------->((Nathyaa)) على كرسي الاعتراف..!!
السلام عليكم,,,,
طبعا معاكم مع اسبوع يديد مع كرسي الاعتراف ... مع المراقبة العامة الاستاذة ((Nathyaa)) هالله هالله بالاسألة الزينة.... واهي ان شاء الله راح اتجاوبكم بكل صراحة ... بس نتمنى تكون الاسألة بدون احراج او تجريح ... ويزاكم الله خير |
هلا والله بوقتاده
وينك صار لنا فتره مانشوفك ياخوي عسي المانع خير ان شاء الله يالله انا جاهزه بس شوي شوي علي عفيه |
افا عليج حبيبتي بس بشويش تامرين
لكن نطري خلني اجهز لج اسئلة تعجبك وارد لج من جديد نطريني |
ناطرتج ياقلبي
وماوصيج بالاسئله الخفيفه ياقلبي |
يا سلام نثيه انا من زمان ودى اسألج اسئله خطيره هههههههههههههههه
يلا اول سؤال ؟؟ 1_ بما أنج مراقبه عامه ويكون في أعضاء أو مراقبين نتعلق فيهم وفجأه قال ان بيطلع شنو يكون شعورج في هذا الشئ ؟؟ 2_ شنو احلى شى تحبينه بالمنتدى وشى ما تحبينه فيه ؟؟ 3_ شنو شعورج وانتى تكتبين مواضيع يديده لمنتدى ؟؟ خلصت الاسئله :) |
يسلمؤؤؤؤؤؤؤؤؤؤؤؤؤؤؤؤؤؤ بوقتاده على الموضوع الجميل
نثيه الله يعينج على الأسئله |
السلام عليكم,,,
عندي جم سؤال اتمنى انج اتجيبين عليهم بكل صراحة .....!! السؤال الاول : شنو طموحج في هذا المنتدى؟؟؟ السؤال الثاني : طبعا بما انج مراقبة عامة في المنتدى شرايج لو اقترح عليج احد الاعضاء انج تفتحين قسم للفضايح شنو بيكون ردج؟؟؟ السؤال الثالث : اي قسم مو عاجبج بالمنتدى بس ماتقدرين تشيلين لكثرة الاعضاء اللي يشاركون فيه ؟؟؟ واحنا انعرف ان المرء اذا ترك شيئ لله عوضه الله خيرا منه؟؟ السؤال الرابع : ان شاء الله ماكانت الاسألة صعبة؟؟ ويعطيج العافية |
صباحكم عسل
ميس نايت : _ بما أنج مراقبه عامه ويكون في أعضاء أو مراقبين نتعلق فيهم وفجأه قال ان بيطلع شنو يكون شعورج في هذا الشئ ؟؟ احاول قدرر المستطاع اني اعرف المشكله واحلها وصدقيني اي شخص ينسحب من المنتدي يضايقني حييل 2_ شنو احلى شى تحبينه بالمنتدى وشى ما تحبينه فيه ؟؟ احلي شي احبه : التجمع الطيب والاخوه المتبادله بين بعضنا البعض شي مااحبه : لما اشوف فيه اعضاء يوميا يدشون وموقاعدين يحطون مواضيع مايبون احد يشاركهم بالثقافه والاطلاع علي اخر المستجدات شي ثاني مااحبه : تلقين العضو متمركز بقسم واحد ومايدري عن باقي الاقسام ياجماعه مثل ما انتوا اذا حطيتوا موضوع تحبون الكل يدش ويشارك هم باقي اخوانكم يبونكم تشاركوهم 3_ شنو شعورج وانتى تكتبين مواضيع يديده لمنتدى ؟؟ شوفي شعوري مزيج من الفرحه والخوف والترقب اخاف يكون الموضوع مو بالقدر اللي تحبونه فتلقيني اترقب ردة الفعل وتسلمين ياحياتي علي الاسأله الحلوه والخفيفه امواااااااااااااااااااااااااااااااااااح |
هلا والله بوقتاده :
السؤال الاول : شنو طموحج في هذا المنتدى؟؟؟ اني اشوف المنتدي اكبر منتدي بالنت ويشار له بالبنان السؤال الثاني : طبعا بما انج مراقبة عامة في المنتدى شرايج لو اقترح عليج احد الاعضاء انج تفتحين قسم للفضايح شنو بيكون ردج؟؟؟ محال وللعلم من قبل تقريبا 7 او 8 شهور اقترح علي شخص اني افتح هالقسم بس انا رفضت اللي يستر علي مسلم مره يستر الله عليه مليون مره لازم الانسان يراعي الله بكل شي السؤال الثالث : اي قسم مو عاجبج بالمنتدى بس ماتقدرين تشيلين لكثرة الاعضاء اللي يشاركون فيه ؟؟؟ واحنا انعرف ان المرء اذا ترك شيئ لله عوضه الله خيرا منه؟؟ بصراحه وبكل مصداقيه قسم الالعاب لان قاعده اشوف الاعضاء يدشون هالقسم وهاملين باقي الاقسام وهذا يظلم الاعضاء والمراقبين فالاولي لهم انهم يكتبون كلمة شكر علي الاقل لاي شخص كاتب موضوع اولي من انهم يضيعون المشاركه بالالعاب يعني اعطيك مثل من قبل تقريبا 3 ايام وصلت لي رسايل عن طريق الايميل ان بالمنتدي 100 مشاركه جديده بصراحه فرحت من كل قلبي يوم دشيت انصدمت ان 80 مشاركه كانت للالعاب فقط ياجماعه انتو ملاحظين المنتدي وان السيرفر مالنا من اقوي السيرفرات وهذا كله مبالغ ماليه كبيره قاعد يدفعها ليدر من جيبه الخاص علشان يجمعكم احلي تجمع ويزيد من ثقافتكم بالمواضيع الرائعه اللي قاعدين يحطونها الاخوان فاقل شي ممكن نقدمه لهالانسان ان انحط مواضيع يشاركونا فيه الاخوه والاخوات وانمر علي باقي المواضيع حتي نشارك الجميع انا ابي كل واحد يسأل نفسه مالهدف من المنتدي ؟ فاشكرك لسؤالك الاكثر من رائع تركت لي مجال اتكلم في موضوع مضايقني ياجماعه تبون الالعاب روحوا لعبوا واستانسوا بس علي الاقل كل يوم او يومين حطوا موضوع واحد حتي يستفيد الجميع من اي معلومه عندك كان باستطاعتنا نحط شات و محادثه صوتيه بس احنا هدفنا الاساسي من وجود المنتدي هو الثقافه العامه وليس تضيعت الوقت اتمني ان بينت لكم وجهة نظري السؤال الرابع : ان شاء الله ماكانت الاسألة صعبة؟؟ بالعكس اخوي اسألتك جدا جدا رائعه وهذا اللي خلاني اطول بالرد الف الف شكر لك علي الاسئله الاكثر من رائعه |
[align=center]
هع هع وخرررررررررررو جت لوري << ------- نسخت الاسئله اللي كنت ناويتها للمؤدب وجبتها هنا هع هع مخمختي ماتروح على الفاضي ... المهم .. الله يازين اللي حظرت .. انتم عارفين الباقي مافي داعي اجرح احد ههههههههه . . احممم يالله ناثيا اول سوي تمارين رياضيه بسم الله اولا (( الاسئله الصدقيه )) - بيت شعر دايم ترددينه ؟؟ - انا اول فكره تجي في بالي اذا شفت اسمك = المثاليه . . لانك فعلا مثاليه .. هذا موب سؤال بس بريك ههههههههههههههه هع احمممم - وشو الكتاب اللي تحسين كل ماقريتيه تستفيدين زياده ؟؟ - تكتبين شعر ؟؟ - شاعرك المفضل ؟؟ ثانيا (( الاسئله الخربوطيه )) - وشو نوع جوالك ؟؟ - وشو نوع جهازك - لاب توب او جهاز عادي ووشي ماركته << لقافه - قولي لي مين من الفنانات . . لها احلىىى عيون . . بنظرك ؟؟ - وشي سيارتك ؟؟ - اي نوع ايس كريم اللي دايم تطلبينه من باسكن ؟؟ 00 محدده المحل 00 خخخخخ - لعبة بلاي ستيشن داااااايم تكيفين عليها ؟؟ ثالثا (( الاسئله اللي تشغل المخ )) - صنفي هالاشخاص على حسب نظرتك لهم ( جمايل + لاجئ + المؤدب +لوووووري+ ناثيا+ السويديه + ومس نايت ) - ناثيا شخص يعطي ام ياخذ ؟؟ - لو عطيتك . . فرصه انك تعدلين شي صار لك . . وش تعدلين ؟؟؟ - مر عليك موقف ... يحتاج سرعة بديهه ... وشو وش سويتي ؟؟ نهاية الجزء الاول ي ت ب ع هع هع ____________ [/align] |
| الساعة الآن 03:00 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر