|
جامعة الشويخ
السلام عليكم يا شباب ويا صبايا
ودتني ريولي حق مكان وصرح جميل في ديرتنا الحبيبه الكويت ... ودتني ريولي حق مكان الكل يتمنى انه يدندرن منه .. الا وهو جامعه الشويخ ... طبعا غالبيه الجامعيين تخرجوا او درسوا في هالمكان وشافوه وعارفينه عدل مدل واكيد لهم ذكريات حلوه وجميله ودندرنيه واكيد لهم ذكريات مع دكتور دعله والا عمادة قبول اتبط جبدهم ... المهم ماراح نتكلم لاعن طلبه ولاطالبات راح نتكلم عن المكان نفسه ... جامعة الشويخ بس قبل لانتكلم عن المكان بقول شغله حق الشباب اللي عندهم سيارات من نوع هامر والا يوكن تكفى وخروا سياراتكم عن الشارع مو تقطونها بوسط الشارع جنه مو لكم وتمشون ترى والله تضايقون العالم مساكين يتوهقون خصوصا البنات هههههه المهم نروح للجامعه https://www.arabc.net/1/nathyaa/sh1.jpg أحد شوارع الجامعه ويبدوا خاويا وخاليا من الماره الا انا https://www.arabc.net/1/nathyaa/sh2.jpg ساعة بيج بن الكويت هذي الساعه تلاقونها بوسط الجامعه .. الصراحه خوش مناظر تقدر تطالعها وتشوفها داخل الجامعه بس والله مساكين الطلبه يكسرون الخاطر .. حتى الموظفين ... وراح تعرفون ليش الحين https://www.arabc.net/1/nathyaa/sh3.jpg https://www.arabc.net/1/nathyaa/sh4.jpg https://www.arabc.net/1/nathyaa/sh5.jpg اماكن خاليه وواسعه بوسط الجامعه وبيوت قديمه جدا آيله للسقوط ... نداء لوزارة الاشغال تكفى رمموا البيوت والا والله باجر انشوفهم طايحين على روس الاوادم https://www.arabc.net/1/nathyaa/sh6.jpg احد شوارع الجامعه من الداخل ... لاحظوا ضيج الشارع شلون وربعنا اهل الهامر واليوكن يوقفون بهالشوارع الضيجه والله حرام لووووووول ... لو انا منكم بعد اداوم على شاحنه عشان يتوهقون عدل https://www.arabc.net/1/nathyaa/sh7.jpg مبنى عماده القبول والتسجيل ... مبنى قدييييييييم جدا تقول مستوصف في حي ترللي في ... دندرن لاوبعد حاطين مكينة بيبسي يامال الفقر ... خو روحوا اشتروا اربع سحاحير بيبسي وخلوهم حق الاوادم https://www.arabc.net/1/nathyaa/sh8.jpg عاد الحين انيي حق المأساة الكبرى ... اهيه الجامعه تطل على البحر من ورى اوكي ؟؟ بس شنو المشكله المكان هناك ماودك توقف فيه... ريحة الشسمه وسفن غرقانه من ايام الغزو العراقي ليما الحين ماانشالوا بس ابشركم ... قاعدين يشيلون السفن الغرقانه .. عاد والله المنظر حلو هناك لما توقف بس فيك خير وقف تنصرع من الريحه والله الله يعين الطلبه والعاملين في هالمكان https://www.arabc.net/1/nathyaa/sh9.jpg سفينه امدخنه من الغزو قاعدين يحاولون يشيلونها https://www.arabc.net/1/nathyaa/sh10.jpg خلاص قررنا انا وصاحبتي نشتري هالسفن ونبيعهم خرده دندرن https://www.arabc.net/1/nathyaa/sh11.jpg تقبـــــــــــــــلوا تحيـــــــــــــــاتي https://www.arabc.net/1/nathyaa/kuwait1.gif |
تسلمين نثيه على الموضوع فضحتيهم خفي شوي عليهم ههههههههههههه
|
«®°·.¸.•°°·.¸¸.•°°·.¸.•°®»[glow1=FF33CC]ههههههههه خليهم يحسون بمعاناتنا;) يسلموووو خيووو علي مرورك[/glow1]«®°·.¸.•°°·.¸¸.•°°·.¸.•°®»
|
انا افضل انه يسونها متحف علمي نعلم عيالنا نقولهم هو يا مال اهني درسنا ( يعطيج العافيه للامام عمري)
|
[glow1=FF6699]يسلموووووووو كويت علي مرورك هههههههه والله فكره حلوه [/glow1]
|
يسلمووووو نثيه يقول المثل الى تكسب فيه العب فيه
هع هع هع ولا شرايج تقبلى تحياتى .................. |
«®°·.¸.•°°·.¸¸.•°°·.¸.•°®»[glow1=FF3399]هههههههههههه اي والله
يعطيك الف عافيه خيو علي مرورك[/glow1]«®°·.¸.•°°·.¸¸.•°°·.¸.•°®» |
ههههههههههه خوش مباني عندنا
بس على فكره فيه خبر سمعته ما ادري هو صحيح والا لا يقولون الحين قاعدين يحفرون اراضي على الداير السادس بيسونها جامعه بدال ها الخرابه الي هم فيها وما ادري ها الكلام صحيح والا يطلع من اخبار جاي الضحى يعطيج العافيه نثيه على ها الموضوع الحلو |
[glow1=FF3399]يسلمووو جمااااااااااااااايل بس علي فكره مشروع الحرم الجامعي احنا سامعين فيه من ايام التحرير ولين الحين ماصار شي كله يقولون بالخطه الخامسيه والحين وصلنا لين الخطه السبعميه ولين الحين ماشفنا شي[/glow1]
|
صح كلامج بس ها الاشهر الي طافت شفنا تحرك با البنا وكل مكان قاعدين يبنون فيه الي يقولون نادي
والي يقولون جامعه والي يقولون مشروع سكني كامل مسمينه مدينه جابر كلها ينتهون من بنيانها على اربع اسنين قبل لا تنتهي مده وزير الاشغال الجديد شكله شاد الهمه يبي يخلص كل شي |
| الساعة الآن 02:41 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر