منتدى الشبكة الكويتية - حركات الشوااااااااب !!!!!

مرحبااااااااااااا

مساكين الشواب هيه صدق ..........

والله الشواب حلووووووين و حبوبين و بعض الناس يستغلونهم عسب يسوون فيهم مقالب ... والله حرام

يلا شوفوا هالمقالب و اضحكوا من خاطركم:

- واحد يالس يطالع التلفزيون، يسمع خطبة واحد من المشايخ ... سأل اللي يالسين عنده ... زين هذا ليش حابسينه في السحـّـــــاره ( الصندوق ) مسكين يتحراه يالس في التلفزيون و محبوس فيه ما يروم يظهر.

- ناس اول مرة يشوفون السيارة فحياتهم ... يابوا لها ماي و حشيش يتحرونها الله يعزكم حيوان يعني باختصار يتحرونها تاكل و تشرب.

- شيبة يالس يسمع خطبة لواحد من الأئمة في التلفزيون قالت له الحرمة ترا كل اللي يالسين في التلفزيون سلموا على الإمام الإ انت و انا سلمّت عليه و حتى عيالي سلموّا عليه يلا عاد انت الباجي نش ســـلّـــم عليه، يحليله نش يسلم على التلفزيون أو بالأحرى على الإمام و يمد ايده و يقول له : وش حالك و شو اخبارك ، الله يسلمك يا شيخ انا زين، بعدين قال : هذا شو بلاه ليش ما يرمسني؟ .

- وحدة يالسة تطالع التلفزيون و تسمع الأخبار، و الصدفة ان المذيع ولد اختها قالوا لها : سلمي على ولد اختج، نشت للتلفزيون و مدت ايدها ( تبي تسلّم على ولد اختها المذيع ) و تقول له : اشحالك اميه و ش حال امك؟ طبعاً تتحراه يشوفها و يسمعها ... بعدين لما شافت ماشي فايدة ... أونه لابسنها، قالت : و الله و كبر راسك شو ما تعرف خالتك و لا تسلم عليها ... يحليلج يا العيوز منو قص عليج؟

- عيايز يطالعن المصارعة في التلفزيون ... طبعاً المصارعة رياضة عنيفة، لو تسمعون شو يقولن العيايز ... يتحرون السالفة صدق مب بس رياضة...

العيوز الأولى : صلينا على النبي شوفي شو يسّوي فيه ... والله حراااااااام.

العيوز الثانية : حسبي الله عليهم اللي ما يخافون من الله ليش ما يودونه ( يمنعونه من ضرب المصارع الثاني ) ليش ما يحايزون عنه ( يدافعون عنه ) .

العيوز الأولى : واعلييه جتله من الظرب.

العيوز الثانية : الله اكبر عليكم ... حرام يودوه تراه بيجتله.

العيوز الأولى: اوييه طالعيه ... يطوطح ( يترنح ) ... أويه طاح ... خلا ص مااااااات
و بعدين يمكن تحصلهن يصيحن على المصارع يتحرنه مات