|
محاوره شعريه بين شايب وبنت
تدور أحداث السالفة حول شايب أسمه حمدان قلبه خضر و ينفتن
بأي بنت يشوفها ..... فاستغلت إحدى الفتيات هذا الشيء .. فمرّت من عند الشايب و هي تقول : كيف حالك يالشايب ؟! و من غير أن تعطيه فرصة للرد أقفت عنه بدون إستئذان لترى ردة فعله فأردف الشايب هذه القصيدة ليستعطفها : يا بنت خوذي خاطري وارحميني لا تجرحين العود بعيونك السـود غضي نظرك وغطي الوجنتيني لعل يومٍ جدد الجرح مـا يعـود يوم انتهى مع مرمسات السنينـي جتني صواديفه على غير مقصود باول شهر عشره نهار الثنينـي حمدان مروا به على جنازة حمود و هو يقصد أنه سوف يلحق بـ قبر أخيه حمود إذا لم تلتفت له ... و البنت كانت شاعرة و ماهي بسيطة فردت عليه بهذه القصيدة : يا شايب الرحمن وينـك ووينـي عزي لحالك قدمك الباب مسـدود قلبك عطوف وجاه قلـبٍ متينـي والبنت ما تشفق على مغازل العود حبل الرجا مقطوع بينك وبينـي مثل الغليث اللي رعا قلبه الـدود اقفى شبابـك والعـرب مقبلينـي يا عود ما يرجع من العمر مفقود فأراد الشايب أن يتدارك الموقف ويحفظ ماء وجهه فقال : يا بنت صدي بالعيـون الظليلـه لا صد عنك الله نهـار القيامـه مالي ومالك يالفـروع الطويلـه لو فيك من رسم البـداوه علامـه يابنت ما لـي بالثمانيـن حيلـه اهدف كما تهدف على البير قامه اقفى شبابي والدهر شفـت ميلـه يالله حسـن الخاتمـه والسلامـه اعطيك موجز والبضاعـه قليلـه واخذت لك من صافي الماء سنامه و بعد مدة و الشايب قلبه على نار أرسل قصيدة للبنت ما يطلب منها غير التحية و الترحيب و ذلك لطيبه و كرمه : يا بنت ما جاس الكبر والخشونـه وعادت شباب اليوم يجفل من الشيب ياسرع ما وبلـك تمـزع مزونـه يالفاتنه يـا ام الثمـان الرعابيـب يا بنت ما بينـي وبينـك مهونـه كلمة شرف نبي تحيـه وترحيـب الله مـن عـودٍ ثقيلـه طنـونـه ينصاه راع المشكلـه والمواجيـب على الكرم والديـن نفسـه حنونـه تلقاه بالاجـواد شـرق وتغاريـب فجاه الرد من البنت قاسيا بهذه الأبيات : العود عود وطايحـاتٍ سنونـه من كثر ما يرقد على جرة الذيب عودٍ مهرقل والعرب ما يبونـه ياعود ما لك في طويل المراقيب اقفى شباب العود راحت حتونـه مثل اليتيم اللي بكا ما له مجيب جداه ينثر دمعة ٍ مـن عيونـه غريق موجٍ ما لقا له مقاضيـب |
رااااااااااااااااااااااائع يا تاج المراجل
يسلمووووووووووو على القصه والقصيده وبأنتظار جديدك |
الله عليك يا مميز
بصراحه روعه الله يعطيك العافيه يارب |
الله يعطيك العافيه على المشاركة
|
يعطيك الف الف عافيه تاج المراجل
|
يسلموووووووووووو
يعطيكم الف عافيه |
تسلموووووووووون والله حبايبي على المروووووووووووور وتشجيعكم لي
وحبيت انتهز الفرصه وابارك لشاروخان لحصووووووووله على العضو المثالي |
|
| الساعة الآن 04:53 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر