|
الحلم
[glint]الحـــــــــــــــــــــــــــــــــــــــــلم::::
من أول ما رجعت من السفر ما شفت لج بينه وأنا الي كنت أحسبك قبل لا أدوس ارض المطار تجين تكونين أنتي أول شخص عيني تحتظن عينه وكنت أتخيلك من زود فرحة رجعتي تبجين واشوف بدمعتك حكيك واعرفه قبل تحكينه واجيب احلى من الي بتحكينه واتركك تحكين تقولين الوطن نور واقول بنور مضوينه تقوليلي غديت احلى واقول عيونك الحلوين كلام نام بشفاهك وخفتي لا تصحينه ذخرتيه لغرام الي ينام ويتركك تصحين تغانمتي غيابي لين رجحتي موازينه تعلم من يدك لمس الكفوف وعلمك تجفين وليتك لاقيه به شي .... فيني ماتلاقينه مهو بغرور لكن خابرك مالك امل تلقين تغافلك بغلا والا الحلا مهو بمن زينه تزينه الصوربس الصحيح ابن الحلال ازوين وانا ماني بناقص عنه يوم انك تبدينه نصيبي هو نصيبي لويسددها من الصوبين قنوع بمظهري والسم مايذبح ثعابينه على قول المثل: مانبي حلو لكني مانبي شين اذا اهداك الزهر مره فانا اهديتك بساتينه واذا الهاك بفرح ليله فانا تهت لبكاك سنين واذا استضعفتك املاكه وشتتك ملايينه انا حتى فتات الخبزه اقسمها معك نصين طموحي بس اجي واظفر بشي تستحقينه تدينته تسلفته سرقته مو مهم منين مثل ماقالو المكتوب واضح من عناوينه لو ارحل منك للغربه بسافر من ظلامك وين كفايه كل حلم يمر برقادي تزورينه كفايه من تفارقنا وانا ماغمضت لي عين قبل يومين شفتك بالمنام وقمت من حينه ونمت امس ورجع نفس المنام الي قبل يومين شعر:حامد زيد [/glint] |
الله الله
شنو هالابداع ياقلبي صح لسانج يا حياتي |
اف حامد زيد مبدع في قصيده قالها صح لسانه
وصح لسانج يا قلبي |
صح بدنكم
وتسلمون على المرور بس صح لسانه اهو مو انا لوووووووووووول |
بس غشمرجية كونج احسنتي الاختيار للقصيدة الاكثر من رائعة...اعتقد تستاهلين عليها صح لساااااااانج
|
صح بدنج امراة
ومشكوووووووووووووووره على المرور الحلو |
غشمرجيه صح لسانج
وشاطره على الأختيار ويعطيج العافيه على النقل لكن ودي أسمع كلام يهبل من ابداعاتج اللي خاشتها بالشنطه |
يسلموووووووووووووووووو البطل على المرور
واذا تبي ابداعي مو مشكله بس مايوصل لابداع حامد زيد :) |
|
| الساعة الآن 09:37 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر