منتدى الشبكة الكويتية - الحقووووا... خطة للبنات لاصطياد العرسان !!

https://www.kwety.net/kwety1/q81/004g.gif

السلام عليكم ورحمة الله وبركاته

الخطة السرية لأصطياد ت ( عريس )...

الى أختى اليك هذه النصيحة والخطة المحكمة للحصول على عريسك بأسرع وقت ممكن .

الى كل بنت ناشبة في حلق أهلها وماتصرفت مع انهم حاطين معها أختها مجانا ( لترويج البضاعة المتراكمة في البيت ) .

https://www.kwety.net/kwety1/q81/111at.gif

للاجابة على هذا السؤال اليك مايلي :

أهم نقطة : نشني على العجوز اللي حاطة عينك على ولدها ثم نفذي مايلي :

1 - خليك مع أمك لاتروحين مع البنات وتستهبلين ماورى ما ستهبلتي اصبري عنهن كم شهر لين تتم العملية بنجاح .

https://www.kwety.net/kwety1/q81/111at.gif

2 - امشي وانتي حاطة راسك بين كتوفك لاترفعينه أبدا حتى لو يصير كله صعارير ( خلي الفكس دائما في متناول اليد ) علشان يقولون مؤدبة ومب متكبرة .

https://www.kwety.net/kwety1/q81/111at.gif

3 - كلمة خالة خليها على لسانك وخاصة لأم العريس علشان تحس بنوع من التميز عن بقية العجز . لامانع تنادين وحدة ثانية بخالة علشان إذا مانجحت الخطة مع العجوز نمبر ون تنجح مع الثانية أعتبريها ( كخطة احتياطية ) يعني ستبنة أسبير .

https://www.kwety.net/kwety1/q81/111at.gif

4 - إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل ( كثر الطق يكسر الحديد ) أدري إن المثل ماله داعي بس مالقيت غيره .

https://www.kwety.net/kwety1/q81/111at.gif

5 - اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك ( جعلهم عقبك )

https://www.kwety.net/kwety1/q81/111at.gif

6 - مهما أكلت أمك من أكلة زينة خليها تقول : نفس الاكله اللي تسويها بنتي ( حتى لو الاكل من المطعم الصيني أو المكسيكي ) .

https://www.kwety.net/kwety1/q81/111at.gif

7 - اذا جيتي بتمدين ايدك جعلها الكسر ( خربتها ) اعبطي خشتك وتويجعي ( مب قوة علشان مايقولون جوارة ) وخلي أمك تقول : قايلة لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة ( جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية )

https://www.kwety.net/kwety1/q81/111at.gif

8 - دايم وبأستمرار ارتزي كأنك بالعة قصبة علشان ماينقص من طولك ولا سنتيمتر ( للقصيرات فقط ) .

https://www.kwety.net/kwety1/q81/111at.gif

9 - اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها ( بس لاتكتمين نفسك مرة أخاف تروحين فيها وأصير قتلت نفس بغير حق ) .

https://www.kwety.net/kwety1/q81/111at.gif

10 - مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة .

https://www.kwety.net/kwety1/q81/111at.gif

11 - شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن .

https://www.kwety.net/kwety1/q81/111at.gif

12 - إذا أدلت العجوز ( أم العريس ) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز: أمس بوش متقهوي عندنا قولي لها : وليه ماعلمتينا ياخاله نجي نعاونكم .

https://www.kwety.net/kwety1/q81/111at.gif

13 - في العروس لاترقصين اربضي واقضبي ارضك واعتبري الرقص عيب وشق جيب .

https://www.kwety.net/kwety1/q81/111at.gif

-اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك ( الله يعظم أجر أميمتك ) بناتي مايطلعون للسوق أغراضهم أبوهن يجيبها ( وانتي شكلك مقطعه السوق تقطيع ) . احتمال وارد الحدوث

https://www.kwety.net/kwety1/q81/111at.gif

ممكن تكون العجوز منشنة على بنت غيرك لكن بعد النقاط السابق ذكرها بتصرف نظر عنك وعنها ( أمزح لاتصدقين ) .

الحين بتكون العجوز وقعت باالفخ

https://www.kwety.net/kwety1/q81/111at.gif

( جاء دورالعريس الحين )

اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له : والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني ( ايه هين ياالشايب لو يحصل حطيت بدالها باسكال مشعلاني والا أليسا والا مايا هالي مطيراتن عقول عيالنا ) .

https://www.kwety.net/kwety1/q81/111at.gif

وقبل يجي اليوم اللي بيشوفك فيه بحوالي اسبوع أو أكثر ( على حسب شين وجهك ) ادهري من مشغل لمشغل ( صبغه ، فرد ، تنظيف بشره ، ... الخ ) لاتخلين على روحك قاصر .

https://www.kwety.net/kwety1/q81/111at.gif

ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة .

https://www.kwety.net/kwety1/q81/111at.gif

بعدها عاد كيف بيشوفك هذي عليك مب كل شيء بعلمك اياه دبري عمرك .

بس خلي أبوك في نهاية المشاهدة يقول : العذر والسموحه وأنا عمك ( الأخ ضمن الولد يوم انه يقول وأنا عمك ) ترا ( البنت حوسة ) مع انك طاقة كل زينك بس يعني اني في هاللحظة الولد بينط على راس أبوك وبيمطخه لين يشفط مخه وبيقول متى العرس ياعم ( اللهم ارحمه فقد كان ولدا بار بوالديه ) .

https://www.kwety.net/kwety1/q81/111at.gif

عاد الله يوفقك ولاتنسينا من حلاوة العرس والكليجا واياني واياك تعلمين التمساح من اللي معلمك هالعلوم ولا حتى باسم القروب لأني أعتقد انه بيسوى مصيبه وأخاف يحط حرته فيني .

https://www.kwety.net/kwety1/q81/111at.gif

تحذير ... تحذير ... تحذير

ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى .

https://www.kwety.net/kwety1/q81/111at.gif

نصيحه ... نصيحه ... نصيحه

رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والعداله ( فاصل دعايه للطقاقه فطومه ) .

https://www.kwety.net/kwety1/q81/111at.gif

مع تمنياتنا لك بعريس على كيف كيفك

https://www.kwety.net/kwety1/q81/wajohe81.gif