نبع الحنان
 

[align=center]هذه القصيده من قصائدي ...... نبع الحنان .....

الام نبع الحنان وكلها رقه = جنّة مشاعر ويا محلا مشاعرها
الام ما مثلها ما بين خلق الله = نظرة محبه ونظرة عطف ناظرها
الله فرض حبها واجب نراعيها = ولا نكدر صفا بالوقت خاطرها
أمي لها بالمحبه حب ما ينعد = ياكبر حب أمي وبالقلب ما أكبرها
لا طحت صاحت عسى ما شر ياوليدي = وتشيلني حب وآلامي تبعثرها
مهما تقدمت في عمري تحسسني = لا زلت بعيونها باقي صغيرّها
أمي ياحضن الدفا ما مثلها أمي = يا أجمل قصيده كتبها فيك شاعرها
أذكر وأنا طفل حضن أمي يلملمني = أنام متمسكٍ بأيدي ظفايرها
تسهر على شاني ولا ترقد بليله = ولا أشتكت يوم من شاني مسهرّها
كلي فدا عيونها بالسمع والطاعه = رجلي على شانها بالنار أسيرّها
ولا تشعر اليوم في ضيقة ولا لوعه = ما يملي الدمع من بعدي محاجرها
أبرها بالحياة ولا أزعلها = أبقى العطوف الحنون ولا أكدرها
كل السنين بتعبها يوم ربتني = أعيضها بالحياة ولا تحسرّها
الغاليه كل ماتطلب ألبيها = روحي على شانها فدوه وناذرها
نبع الحنان أمي وحب وغلا أمي = وأجمل قصيده كتب بالشعر شاعرها

تقبلوا تحياتي اخوكم \ مسك شمر [/align]

أذكر وأنا طفل حضن أمي يلملمني = أنام متمسكٍ بأيدي ظفايرها


صح لسانك كلمات ولا اروع عن الام ومع ذالك مانوفيها لو بس ربع حقها

علينااا يسلموو اخ مسك على القصيده الرائعه وعساك على القوه



https://www.alshamsi.net/cards/mamy_cards/mamy3.jpg

صح لسانك اخوي
لاهنت

صح لسانك اخوي مسك شمر
والام وما ادراك ما الام
مهما قلنا نظل مقصرين

صح بدنكم وعساكم على القوه
صح الام ما نوفي حقها مهما قلنا فيها من قصيد

تقبلوا تيحياتي اخوكم \ مسك شمر