منتدى الشبكة الكويتية - تبين البعد أبد حاضر,, قسـم بالله مـا اردك,, لايطوؤوفكم ..!!

تبين البعد أبد حاضر قسـم بالله مـا اردك
ولكن لاتجيني يوم بقولة تكفى لك أنا حنيـت

أشوف إنك تورطتي بشي كبيـر مـو قـدك
ماظني تنفعك بكره حسافه وليتنـي ياليـت

على بالك ابترجى وكل الخوف من صـدك
ترى قبلك كثير اللي ترجونـي ولاترجيـت

إذا عشقك يوطيني لا أبوجـده لا أبوجـدك
وإذا مليتي من قربي فأنا منك بعـد مليـت

أخاف انها تصانيف وشياطين تـب تحـدك
وأخاف إني اوري لك شياطيني لو أنحديـت

وأنـا والله مـاودي ولكـن كنـه بــودك
تشوفي ردة افعالي ليـا صديتـي وصديـت

ابرسل لك سحر طيفي يجرك من ورى سدك
يجيبك لآخر دروبي وانا ماقمـت وتعنيـت

يخيل لك صدى صوتي وهمس الشوق بيهدك
تناديني .. تنادينـي ..تنادينـي ولا رديـت

تحسين بدفا صدري كأنـه مصـدر يمـدك
دفا هالكون رغم اني بعيد وتونـي ماجيـت

ولامن غمضت عينك تحسـي يـدي بيـدك
ولامن فتحت عينك تشوفيني بزوايا البيـت

أبنزل مع دموع الهم واهدي في طرف خدك
لأجل ما أنحت الفرقا واوثقها هنـا مريـت

لأني ساكن بدمـك وقلبـك واقـف ضـدك
دمارك بعدي لو لحظه فما بالـك إذا اقفيـت

مدام انك سمعتي اللي أقوله وأبتـدأ يشـدك
خذي مني هديه لك حلالك واحفظي هالبيـت

تبين البعد أبد حاضر قسـم بالله مـا أردك
ولكن لاتجيني يوم بقولة تكفى لك انا حنيـت