منتدى الشبكة الكويتية

عندي 8 رسائل ودي أرسلها إلى ناس يستحقونها ! ..

1- نادي القادسيه : ألف مبروك لإدارة ولاعبي نادي القادسيه على هذا الإنجاز الكبير ، واللي يتحقق لأول مره بتاريخ الكره الكويتيه ، الحصول على مركز من الأربعه الأوائل على مستوى القاره الآسيويه إنجاز ما كنا نتوقعه ، لكن مع فريق مثلكم لازم نتوقع غير المتوقع !! ، شدوا حيلكم ، نبي النهائي !! ، جمهوركم صج طماع ، بس انتوا قدها وقدود انشالله !!

2- جمهور القادسيه : قالها عبدالعزيز الحمود ، القادسيه بهجه ! ، القادسيه متعه ! ، القادسيه فرح ! ، القادسيه سعاده ! ، وبوناصر يقولكم " يا بختكم ... انتوا قدساويه " !!

3- الشيخ طلال : كيدهم يا شيخ كيدهم ، واذا قدرت تزيدهم ... زيدهم !!

4- بونواف : ما يحلها إلا كبيرها ، وانت الكبير !! ، إلى الأمام بقيادة المركب القدساوي إلى مرسى الإنجازات ، وخل عذالك ومنتقدينك واللي يقولون إنك محلي ، خلهم بهالحال وأردى !!

5- الاتحاد الكويتي : نادي القادسيه ممثل للكره الكويتيه ، واعتقد إنه قاعد يحقق ما عجزتوا عن تحقيقه ! ، القادسيه أمامه مباراه مهمه يوم الأربعا في سوريا ، مانبي أي شي يعيق الفريق نحو الفوز والوصول للنهائي ! ، مباراة العربي لازم تتأجل ، العربي ماراح يتضرر بحالة تأجيل المباراه ، لكن القادسيه راح يتضرر إذا ترك جم لاعب بالكويت عشان يلعبون هالمباراه !! ، نبي الفريق كامل يسافر يوم السبت أو الأحد إلى سوريا ، و أي شي غير تأجيل المباراه ماراح يرضينا ، وراح تكونون أول من توجه إليه أصابع الإتهام في حالة إخفاق القادسيه ( لا سمح الله ) ، فكروا فيها ، والكره بملعبكم ، وكفاكم "تصعيب" على القادسيه !!

6- نادي العين : هاردلك الخساره ، واسمحولنا إذا كنا ضيوف " ثقال " عليكم ! ، ماعتقد في فريق قدر يغلبكم 3-0 على أرضكم ، لكن أعتقد السبب بعدم حصول هالشي هو إنكم ما لعبتوا مع الملكي من قبل !!

7- جمهور العين : الغرور الغرور الغرور !! ، حذاري من الغرور يا عيناويه ! ، فريقكم على مستوى عالي ومن أقوى فرق القاره ، لكن هذا لا يكفي للفوز على الملكي !! ، الكره تعطي من يعطيها ، أما من يكابر عليها ، فمصيره ثلاثيه ملكيه على أرضه وبين جمهوره !! ، تقولون إن العين بأرضه غير ، ونقولكم الملكي بأرضكم غير !! ، هذا نادي القادسيه ... مدرسه ... لعب وفن وهندسه !! ، أتمنى إنكم تعلمتوا الدرس من هذي المدرسه !!

8- كل حاقد وحاسد على الملكي : هاردلك ، عرفتوا ليش قلنا لكم كل شي لعيون بني قادس يسوى ؟ ، توقعكم كان سليم 50 % ، قلتوا النتيجه بتكون قاسيه ، وفعلا كانت النتيجه قاسيه ! ، لكنها قاسيه عليكم !!

وألـــ ألف ــــــــــف مــبـــــــــــروك للفوز ياإ الملكي ومو غريب عليك

ونبيهاإ بسوريـاإ الثلاإثية باإذن الواإحد الإحد يوم الإربعاإء القاإدم .!!