|
الموضوع: التقبيل بالخشم--(الأنف)!!!
يقولون لكم ...
يمثل االسلام بالخشوم عادة من العادات المتأصلة في شبه الجزيرة العربية... هـو أسلـوب للسلام قـديـم وعـريـق وفيـه من الأصالة العـربيـة شكلا ومضمونا·· حيـــــث يكون السلام عندما يلاقي شخـص آخـر بضرب الخشـوم لبعضها البعض بضـربة أواثنتين وإلى ثلاث فقط عند البعض، أو يكون التقبيل على الخشم من الشخص الصغير في السن، أو المستوى والمكانة للآخر الكبير في السن أو المكانة لماذا الانف؟ تساءلنا جميعا لم الخشم بالذات فنقول: ان الخشم بمعنى الأنـف، يمثل موطن ( العـزة والرفعة والأنفَة ) عند الإنسان العربي بشكل عام وقــد ورد الأنف في كـثـيـر مـن الأبيات الشعـريـة القـديـمـة كـرمـز من رموز الهيبة والعظـمـة، ومـن أمثالنا الشـعـبـيـة ما يعـبـر عــن ذلــك كالـمـثـل الشعبي الذي يقـول ( ارْبـيـعـك خَـشْـمـك ) أي أن صـديقـك هـو خشمك، فهـو الذي لا تستطيع الاستغناء عنه، لأنه عضـو التنفس ومصـدر حياة الإنسان، وهو مصدر كبرياء وخيلاء الإنسان، حيث يقال·· (رغما عن أنفه) ··عند التحدي، ( مرّغ أنفه في التراب ) عند الهزيمة، أو ( لم يحشر أنفه في الموضوع ) بمعنى قوة التدخل في الأمور···أو (على خشمي) إذا ما هممت بتلبية طلب وخدمة ما·· وهكذا··· وعن السلام بالخشوم، وكيفية تأديته، ومتى، وبين من؟ الكثير من الناس وفي مناطق كثيره بالجزيره يعتبرون السلام بالخشوم هو سلام الحشمة والسلام الشامخ، فالخشم دلالة للمجد والشموخ والرفعة، وطريقةالسلام بالخشوم عادة من عادات العرب الأولين في الخليج العربي بشكل عام بحـيث يكون من طـرف الخشـم، وخلالها يمكـن أن يكـون الشخصان طلقاء اليدين، أو يضع الشخص الأول يده اليمنى في دفـة الطــرف الأيسـر مـن الصـدر للشخص المقابل، وبالمثــل للشخص الثاني على أن يلامس كل منهما خشم الآخـر مـرة أو مرتين أو ثلاث مرات بشكـل متتال وسريع ودون كلام··بعدها تبدأ المحاورة··وهو أن يسأل كل شخص الآخر عن أحواله وأحوال أهله وأخباره· وعند بعض القبائل يكون السلام بملامسة الخشم مرة واحدة فقط، وعندما يسلم الشخص على من يكبره سنا ومكانة كالشيوخ أو شيخ القبيلة، يقبل خشمه في بادئ الأمر ثم يوايه بالشكل العادي مرة واحدة، وإذا كان الشخـص يسلم على والده، ومن هو كبيـر في السن من قبيلته يقوم بتقبيله على رأسه واوقات اخرى.. للترضية.. في حال الاعتذار يكفي ان تقبّل انف صديقك كعربون اعتذار يعني لما احد يقول لكم ( خـشـمـك ) لاتمانع تراه يعزك سباحن الله .... عندنا بالتراث والقديم عادات لو تسائلنا سببها لقيناها ... تدفع بعروقنا الدم ... من روعة المعاني التي تتضمنها ============== الي عنده اضافه ياليت يضيفها لنا.. والي عنده موقف ياليت يقوله لنا..... |
يسلموووووو علي المعلومه
عاد والله دايما اسئل ليش بوس الخشوم توني اعرف الله يعطيك العافيه علي المعلومه |
يسلمووووووووووووو ديـــــــــــــــــــــــــــــــفل
ديــــــــــــــــــــــــــــــــــــــــفل خشــــــــــــــــــــــــــــمك لووووووووووووووووووووول |
الي عنده اضافه ياليت يضيفها لنا..
والي عنده موقف ياليت يقوله لنا.... **** دائماً أحب أضيف أهو اللي قال :) . تسلم ياديفل على المواضيع الحلوة ***** زيادة على ذلك في أبها منطقة في جنوب السعودية أتعرفون كيف يكون التصافح بالخدين أو بالخشوم أقولكم موقف صارلي : بسنه 95 رحت لأبها وسكنا بمكان عجيب وانا والأهل وتعرفنا على بعض الأخوان السعوديين من أهل المنطقة والوالد سوى لهم عزيمة وأنا ماكنت موجود ورديت لهم متأخر لقيت الديوانية فل من الأقارب ومن سكان المدينة قلت انا لازم أسلم عليهم كلهم وصلت عند أول واحد عطيته خدي وعطاني خده . شفت الريال ماحط خده على خدي :( رحت للثاني وسويت نفس الحركه ولا حط خده على خدي .... قلت شالسالفة وسلمت عليهم كلهم ولا واحد فيهم حط خده على خدي يعني مالمس خدي خده أثاري من عاداتهم مايلمس الخد الخد ولا الخشم خشم بس من بعيد ( تمويه ) فهمتوااااااا اذا مافهمتوا أعيد لكم بطريقة ثانيه أنا أدري بنت السويدي مافهمت :) بس أتمنى فهمت سي يو :) |
سامحوني على كثرة المواضيع لاني اكون بل دوام وانتم عارفين دوام الليل
مشكورين على مشاركتكم ومشكوره نثيه على نقل وترتيب المواضيع |
الذهبي اخر شي مافهمت بس بالاخير
ديفل الله يعينك يالغالي علي الدوام يعطيك مليون عافيه علي المواضيع اللي كلها فائده |
نثيه أذا انا بسلم على شخص أعطيه خدي واهو يعطيني خده بسلم عليه
قبل لا يوصل خدي على خده مايجيس خدي خده كلش.. بس يقرب الخد عند الخد الثاني ولايجيسه ماااااادري شلووون أشرح .. بس أتمنى فهمتوني |
هههههههههههههههههههههههههههههههههههههه
<<<<<<<<<<<< فهمت شو قالولك عنهاااااااااااااا |
ههههههههههههه
اي يالغالي فهمت بس اتوقع لان عندهم عيب الريال يحط خده بخده الثاني اتوقع جذي |
زززززززززززين فهمتي مابغيت أوصل المعلومة عدل .. ولا أنتي كنتي مقفله وحدة من الثنتين
:) اي عدل ويمكن تكون عادات وتقاليد أجدادهم تسلمين نثيه |
| الساعة الآن 05:53 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر