|
ابيات شعريه كتبتها ام رماها ابنها في دار العجزه :(
[FRAME="12 70"]هذه ابيات شعريه كتبتها ام ثكلى على ابنها الذي ماتت في قلبه الرحمه بعد ان رماها ابنها فيه ونسي كل شيء فعلته امه معه ولا حول ولا قوة الا بالله وكتبت هذه الابيات المعبره المبكيه .. أترككم مع القصيده وين أنت يا حمدان أمـك تناديـك وراك مـا تسمـع شكايـا وندايـا يا مسندي قلبي على الدوم يطريـك ما غبت عن عيني وطيفك سمايـا هذي ثلاث سنين والعيـن تبكيـك ما شفت زولك زايـر يـا ضنايـا تذكر حياتي يـوم أشيلـك وأداريك والأعبـك دايـم وتمشـي ورايـا ترقد على صوتي وحضني يدفيـك ما غيرك أحدٍ ساكن فـي حشايـا واليا مرضت أسهر بقربك وأداريك ما ذوق طعم النوم صبـح ومسايـا ياما عطيتك من حنانـي وبعطيـك تكبـر وتكبـر بالأمـل يـا منايـا لكن خساره بعتني اليـوم وشفيـك وأخلصت للزوجه وأنا لي شقايـا أنا أدري إنها قاسيـه مـا تخليـك قالت عجـوزك مـا أبيهـا معايـا خليتني وسط المصحه وأنا أرجيك هذا جزا المعروف وهـذا جزايـا يـا ليتنـي خدامـة بيـن أياديـك من شان أشوفك كل يوم برضايـا مشكور يا ولدي وتشكر مساعيـك وأدعـي لـك الله دايـم بالهدايـا حمدان يا حمـدان أمـك توصيـك أخاف من تلحق تشـوف الوصايـا أوصيت دكتور المصحه بيعطيـك رسالتـي وأحروفهـا مـن بكايـا وإن مت لا تبخل علـي بدعاويـك وأطلب لي الغفران وهـذا رجايـا وأمطر تراب القبر بدموع عينيـك ما عـاد ينفعـك النـدم والنعايـا [/FRAME] |
صح لسان من قال ونقل
|
لاحول ولا قوة الا بالله
صح لسان قايلها وتسلم ايد ناقلها |
تسلم اليدين اللي نقلت .... والله يكون في عون قايلها ،،،،،،
ياجماعه والله عجزت أكمل للنهايه ( مؤثره بالفعل ) لا حول ولا قوة الا بالله وحسبنا الله ونعم الوكيل ....... |
ماي بوس الله يعطيك العافيه للمرور |
اوكي ويسلم من قراها |
نهور والله ان عيوني فاضت دموعها :( اشكرك للمرور المشرف |
لا حول ولا قوة الا بالله ما عنده قلب هذا و ما يستحي على ويهه و الله .........
تسلمين قلبووووه على النقل |
فديت هالطله ياقلبي |
| الساعة الآن 02:19 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر