منتدى الشبكة الكويتية - شوفو شباب لكويت كل واحد......................لووووووول

حاطه عليكم حطه يا الشباب ....خخخخخخخخخخخخخخخخ
بصراحه هذا الموضوع قريته ومو انا كاتبه وحبيت اكتبه لكم لانه عجبني واستانست منه وانشاءالله اعجبكم مثل ما عجبني:

ولد الرميثيه بايعها كله بقيات ومايرتاح ألا لما يلحقونه الشرطه والدوريات

ولد سلوى كله النباطه بمخباته وكله عنف ويغامر بحياته

ولد بيان هذا فيه زيران وماعنده لا لف ولا دوران

ولد مشرف أمصفف القذله راكب الشبح يمشى على مهله

ولد الضاحيه هذا عجيب صاحى وموصاحى ماله دوا ولا طبيب

ولد كيفان فيه أم العبيد ومايفك الحديد ألا الحديد

ولد القرين الله يستر منه حياته أستعراض وبالقومات ماكو منه

ولد العدان من نوعين نوع يكسر جامات السيارات ونوع يتحرش بالبنات

ولد السره مستانس وكله يواعد البنات ويحب ويشرب الشاى مع سكر نبات وكله يطلع بسياكل هارليات

ولد الروضه أمممم هذا لغز محيروأذيه وكله بالمحاكم والدوائر الحكوميه

ولد العديليه حاط له خيمه يم الكليه ويتحرش بكل واحد يمرسواء هنديه ولا أبنيه

ولد الدسمه كله ساكت من فوق هلا هلا ومن تحت يعلم الله

ولد الجهراء وخرو عنه ياكل ضب و جرابيع أتوديه الخيران .. يضيع وكله بالجواخير يصيع

ولد الفنطاس كله يتهاوش ويا الناس وكله فيه وسواس الخناس

ولد صليبيه حياته أذيه يمشى حافى بالسكه لا رقيب ولا هويه

ولد الرقه مطربه المفضل فهد السعيد تطور أشوى قام يسمع سميره سعيد

ولد صليبيخات كله جياتى وزدات وخبير بالحيات والخمسات

ولد الصباحيه كله يطق الاستاديه ويشخبط على طوفة المستوصف و الجمعيه

ولد الجابريه كله يمشى شويه شويه خايف على سيارته السبورتيه

ولد الدعيه كله وانيتات وحداق قز بالبحور ولا بساحة الصفاة

ولد الشاميه ..حساس ويخاف على بشرته ...ومايمشى ألابنظاره شمسيه

ولد الظهر عقال ميالى والغتره فوق الجتف ويشرب زقاير لف

ولد الفروانيه حياته يا أستعراض يا قز بالمجمعات التجاريه

ولد خيطان كله ماله خلق وتعبان وأكثر شى تلاقيه بسوق الخرفان

ولد العميريه يخلى منطقته ويروح السالميه علشان يصيد أصخله بربريه

ولد الفردوس بالصغر لازم يروح الاحداث ولا كبر يسير محتاس

ولد المنصوريه مثقف أشويه .. بس أفكاره ماتنبلع موليه

ولد النزهه امنزل القذله وأمشط الشعر ولا طلع ماله حس ولا له خبر..حياته فى خطر

ولد السالميه كله بالسكه وعلى القهاوى يشرب شيشه ويلعب كوت بوسته

ولد ام الهيمان متوحش غير اليف ينصح بالابتعاد عنه

ولد الرابيه هوايته قص أكزوز السياره ومايدور الا على بنت عياره