هل زوجك يحبك
 

هذا استبيان ملطووووش او اختبار بسيط و هو عبارة عن مجموعة اسئلة و عدة اجابات .. تستطيع الزوجة ان تعرف من خلال الأجابة عليها اين موقعها من قلب زوجها و هل هو يقدرها و إلا وده يدق خشتها ؟

اذا بغى زوجك يناديك :
أ / يناديك باسم دلع مثل ( يا حياتي _ يا عمري _ يا قلبي )
ب / يناديك بأسمك ( يا ليلى _ يا ريم _ يا شيماء )
ج / يناديك بكنيتك ( يا أم عبدالعزيز _ يا أم علي _ يا أم أحمد )
د / يناديك بآحدى العبارات الرومنسية التالية ( يا مرة _ يا هية _ هوة هنا احد )


وش تلاحظين انه :
أ / معسكر في البيت 24 ساعة و اذا راح للعمل يذبحك بالأتصالات
ب / يقضي اغلب وقته في البيت
ج / دايم يخت للإستراحة و لربعة
د / ما تشوفين خشته إلا اوقات الوجبات و لا يجي للبيت إلا قبل الفجر بنصف ساعة


إذا صرتي جالسة معة :
أ / يسولف عليك دايم و يتميلح و يحاول يقول لك حاجة تضحكك
ب / يسولف سوالف عادية
ج / ما يسولف إلا أذا قلتي له سولف
د / مهوب يسولف ابد و اذا قلتي له احك نزرك و قال وش تبيني اقول و يلقط الجريدة و يسد بها خشته على باله انه يقراها


لو تسوين له طبخة و لا تصير مضبوطة اما محترقة و الا خانسة و الا مالحة و جيتي تعتذرين له وش يقول :
أ / يقول اي طبخة منك تجنن حتى لو تطبخين ظاطور و يجي خانس كلت يديني وراه
ب / يقول اي حاجة من يديك حلوة
ج / يقول انتبهي لطبخك و اضبطي شغلك
د / يقول بلاك الرفالة الواجدة و لا انتم متعودين لها يا رفيلة

الا قلتي له ودني للسوق وش يقول :
أ / من عيوني و لو تبين جبت لك السوق هنا و لا خليتك تتعبين روحك و تروجين له
ب / أبشري
ج / كانك ملزمة وديتك هالحين و إلا خلية بعدين
د / معصي و ما تلاحظين انك ذبحتينا بالسوق إلا ما ودك تطقين لك خيمة فية

اذا قلتي ابغى 3000 ريال ابفصل ثوب لزواج اختي وش يقول :
أ / بس غالية و الطلب رخيص
ب / خذي و لو انها كثيرة شوي
ج / ما تكفيك 1000
د / وش ثلاثة ؟ لو تفصلين لك فستان بمية ألف ما رح تكوني حلوة خمس مية تسد روح خذي لك اي خلق و رجعي الباقي

اذا قعدتي تمولين و انتي تقطعين السلطة وش يسوي رجلك :
أ / يجي يقطع السلطة بدالك و يقول لك : غني لي شويه شويه و السلطة خليها علي
ب / يقول ارفعي صوتك اطربينا
ج / يقول اقصري حسك شوي
د / يقول ورى العنز صجتنا


اذا صار زوجك عندك فالبيت وش تحسي انه :
أ / يكشخ و يتهندم و يتطيب و يتسكسك و كل شوي يتمنظر كنه يبي يروح لزواج
ب / يكشخ على خفيف
ج / مره يكشخ و مرات يطنش
د / يطق سروال السنة 24 ساعة و إذا خربها و كشخ لبس قميص النوم المقلب


الا قلتي له ابي اروح ازور اهلي يومين بس وش يقولك :
أ / يومين كاملات .! لا صعبة ما يكفي يوم و الله يصبرني على فرقاك
ب / ابشري بس يومين مافية اكثر
ج / ما يخالف و ان بغيتي تجلسين اكثر مافية مانع
د / بس يومين ما تسوى العنوة ما وك تقعدين شهرين هذولا اهلك و لهم حق عليك و ان قعدتي شهرين مهيب شينة


إذا قلتي له تحبني وش يقول :
أ / احب التراب الي على أرضه تمشين
ب / اجل ما احبك
ج / يعني مرة و مرة
د / يا شين الحريم لا جا على بالهم رومنسيات اقول خلي حركات المراهقة عنك و هذا الي جنيتية من المسلسلات المصرية

وش تلاحظين انه :
أ / يجيب لك هدايا دايم و يكتب فيها ابيات شعر خاثرة
ب / يجيب لك هدايا احيانآ
ج / يجيب لك هدايا أذا جاء من السفر
د / ما عمره دخل الا و هو مطوطح يدية و لا عمرك شفتي منة شي عقب الشبكة

^^^^^^^^^^^^^


^^^^^^


^





و هالحين ناظري النتيجة :

اذا صار اكثر إجاباتك بحرف الألف : فترى زوجك ضايع في خرايطك و دايخ معك
و رايح معك سك و لو شبيتي له ضو و قلتي طب فيها
قال : آمري بس تبيني اطب ( لقافي ) و إلا ( محيفرة )
و انصحك انك تحافظين علية و تحاولين انك تشوفي وش الحاجات اللي محببتة فيك و تستمرين على فعلها


و اذا صارت اجاباتك بحرف الباء : فاعرفي ان زوجك يحبك مرة بس هالحب من المحتمل انه يقل لو ضيقتي صدره ببعض الأشياء فانتبهي له


و اذا صارت اكثر إجاباتك بحرف الجيم : فاعرفي ان زوجك مهوب يحبك مرة و دوري الأسباب اللي خلته ما يحبك و حاولي تعالجينها


أما اذا صارت الإجابات بحرف الدال : فاعرفي ان زوجك مهوب يحبك و لا يواطنك في عيشة الله ... و أيسي انه يحبك لو تحطين له الشمس في يده و تنظمين النجوم ( صنقل ) له .. و تحلبين له جعوله و خنفسان و تخرفين له من البرسوبس تمر برحي مهوب حابك ..

تحياتي

بصراحه حبوبتى انا مو متزوجه ^_^

يسلموووووو للموضوع

شدعوه - مجرمه قديمه
قديمه ومو متزوجه والله عجيبه
خفي اجرامج يجي نصيبج

نجمه لي رجعه للرد على الموضوع يبيلها مخمخه شويه :)

ههههههههههههههههههههه

لالا اطمئن اخوى ماراح يجى نصيبي

لوووووووووووووووول ^_^

مجرمه قديمه اكيد ما يجي نصيبج

لانج مجرمه :)


نجمه بحار / اقدر اجاوب على الاسئله
لانه الأسئله موجه للنساء المتزوجات

وارجو ان تضعي مشاركتج وتجاوبين على الاسئله المطروحه :)


تقبلووووو تحياتي