قصيدة فتاة تخلى عنها والدها ... بصراحة سالت دمعتي
 

[align=center]قصيدة فتاة تخلى عنها والدها ... بصراحة سالت دمعتي





في طقه الباب يفرح قلبي وعيني

أركض عليه احسبك يابوي طقيته

خمسة عشر عام تاركني وناسيني

ياكبر ذنبك على بنتك وسويته

أنا ضحيه زعل مابين قلبيني

تفرقوا والثمن بالعمر لاقيته

من صغرتي كنت أضنك فرحة سنيني

مير الله اقوى على اللي بسبتك عانيته

في ضحك الأطفال يحرقني ويكويني

أنك بعيد وغيري اليوم جيته

طول الدهر عفتني واليوم ترجيني

عشان طاري المهر ياشين ماجيته

ابيك ضد الزمن ساعة يبكيني

وابيك تمسح سحايب دمع هليته

واذا مرضت انت يابوي توديني

تشوف وش علتي من وضع قاسيته

وتشري لعبه يابوي فيها تسليني

تاخذ بعضها وانا اخذ منك ماعطيته

في ليلة العيد ماألقى من يهنيني

الا امي اللي تحـــس بهم اخفيته

يابوي نظرة غلا ماهيب ترويني

ان ماحصل بالعمر قربك وحسيته

لوني يتيمه لقيت اللي يعزيني

وانساك يامن ضويت الشمع واطفيته

مصيبه أني ثمر قلبك وترميني

في ظل زحمه غريب صرت في بيته

-------------------------------------------


(مصيبه أني ثمر قلبك وترميني)

إن لله وإنا إليه راجعون [/align]

لا حول ولا قوة الا بالله اقلوب الناس صارت صخر

ماتحس ولا ترحم ضناها


يسلمووو اخ االشوق والدمعه على الخاطره المؤثره

وعساك على القوه يارب

[align=center]أشكرك غاليتي نثيه على مرورك


ولاكن حبيت أعلق على نقطه


أنتي قلتيها


((هذا امر طبيعي يحصل بسبب الانفصال ))



نثيه يمكن أنتي عشتي المرحله هاذي وحسيتي فيها


ولاكن العلاقه المبنيه على الطريق السليم

حتى لو كانو منفصلين

تجبره أنه يعطي طفله من حنان الأبوه

أما أذا كان قلبه مثل قلب والد البنت

فلاحول ولاقوة الا بالله[/align]

[align=center]أشكرك عزيزتي جمايل

على مرورك

الذي أطال علينا

عسى المانع خير يارب


مع أرق تحيه وتقدير[/align]

الشوق والدمعه روعه في الأختيار بصراحه تأثرت جدا للأبيات فعلا امر محزن البعد ومؤثر البعد عن الأطفال
حبت اشاركك في موضوعك هذا ففعلا الواحد منا لما يسافر عن اعياله اسبوع ويكلمهم بعد كذا بالتلفون والله ان دمعته تطيح فما بالك ب15 سنه والله مصيبه لا حول ولا قوة الى بالله العلي العظيم

اخي العزيز في هذه المناسبه وعلى طاري الأطفال اود ان اشاركك بأبيات كتبتها في بنتي ساره يادوب بتكمل سنتين الان وارجوا ان تحوز على قبولك

اقول فيها:

[align=left]اتعبني الشوق ياساره


ياساره الشوق اتعبني


حبك كوى القلب بناره


والدمع عيا يفارقني


يا حلوها لصرخة بابا


ثم تجيني وتحضني


تلعب وحيل هي لعابه


ياربي منها لاتحرمني


تضحك وهي حيل محتاره


كل همها بس تسعدني


ثاني سنه كملت ساره


ياربي منها لاتحرمني [/align]

[align=center]الله لايحرمك منها ويخليها لك

وتتربى في عزك أن شاء الله


ياصاحب القلب الكبير


مرورك أسعدني

والله لايحرمنا من ردودك الروعه


الله يعطيك ألف عافيه يارب[/align]

الشوق والدمعه
راااااااااااااائع بأختياراتك
قصيده تحزن القلب وتدمع العين لها
الله يكون بعون هالبنت


القلب الكبير
الله يخليلك بنتك ويخليك لها وتتربى بعزك
والله يطرح فيها الصلاح
يسلموووووو على القصيده الرائعه

العابر حضورك اسعدني ومشكور على مرورك تحياتي لك يالغالي