|
قــصيــده تــدمع لها العين
[grade="00008b Ff6347 008000 4b0082"]
السَّـلامُ عَـلـَيـْـكـُمْـ وَ رَحـْـمـَـةُ اللَّهِ وَ بـَـرَكــاتـُـهُ قصيدة كتبها شاب صار له حادث سيارة ووالدته كانت معه وكان مسرعا نتيجة هذا الحادث الوالدة توفيت نتيجة الإصابات الخطيرة وهو إصابته كانت خفيفة ,, , وهذي الأبيات قالها للذين يواسونه ، ،، يواسيني وانا الميت وحالي يجبـر الدمعـات تسيل من الذي فيني ويبكي وهـو يواسينـي ،، وانا ابكي واتنهد وارسـم بالحـزن لوحـات يجبروني عشان امشي ورجلي مـا تمشينـي ،، قتلت رعايتي بيدي قتلت الحـب والرحمـات حرمت النفس من حقها وانا ابكيها وتبكينـي ،، وكنه حلم قدامـي يقيدنـي مـن الصرخـات ابي اصحى ولكني عجزت القـى ال يصحينـي ،، فداك القلب يايمه ومهما قلـت مـن كلمـات صغيره في كبر حقك بـس اتمنـى تعذرينـي ،، نهبت الفرح من بيتي صحيح اني خسيس الذات صحيح اني ولد طايش وكل ما أسمعه فينـي ،، تجول عيونهم فينـي تفصـل منـي قياسـات وتشيح وجوههم عني وكنـي غيـرت دينـي ،، يظنوا حزنهم اكبر وهم اصحـاب هالمأسـاة وانا اتحدى اذا فيهم ربع مـا يحتـرق فينـي ،، نقص قدري بعد موتك وغابت نشـوة اللـذات وصـار الهـم عكـازي اباكيـه ويباكينـي ،، عطيتيني بدون حساب ولا سمعتك تقولي هات وانا اشرب حيل من دمك ودمك مـا يكفينـي ،، يايمه ارجعي كافي ابجلس معك لـو لحظـات واقبل ايدك ورجلك وافرش لك رمـش عينـي ،، يايمه ما تحملهم يقولوا فات مـا قـد مـات تعالي غيري هالقول واطيعك باقـي سنينـي ،، واترك عادة التدخين وانفذ ما تبـي بسكـات واصلي الفجر في المسجد قبل منتي تصحينـي ،، يايمه ارجعي تكفين وطفـي شمعـة الآهـات ابيك انتي ولا غيرك علـى موتـك تعزينـي ،، وضميني وداويني مثل مـا كانـت الهقـوات ما ابي احدن يواسيني ابيـك انتـي تواسينـي ،، دخيلك بس لا تبكي اذا شفتـي بـي الدمعـات انـا مقـوى ابكـيـك اذا انـتـي تبكيـنـي ،، ،[/grade] |
وهل يفيد الندم على مافات
الله يكون بعونه ويلهمه الصبر والسلوان قصيده رائعه ومحزنه في آن واحد اشكررررررررك من اعماق قلبي |
الله يكوون بعون الجميع ..
العفوو اخووي ,, شااااكره مروورك ,, |
يايمه ارجعي تكفين وطفـي شمعـة الآهـات
ابيك انتي ولا غيرك علـى موتـك تعزينـي .. سلمــــت يـــــــــداج خيتــــــــؤوؤ ع النقل :) |
الــــــــــــلهــ يســـلــمك ,,
شااااكره مروورك ,, |
مشكوووره حبيبتي بس
:: مكرر :: |
العفووووو حبوووووووبه ..
صج!!!! سوري بس ما كنت ادري انه مكرر .. |
شكرا على اختيارج القصيده ولكن مكرره :)
الرابط الاصلي : https://www.kwety.net/vb/showthread.php?t=21505 للأخت فيلسوفه |
صح لسانج ياقلبي وتكرار الموضوع يدل على روعة الموضوع تسلم يمناج |
قصيده في قمة الراوعة
يعطيك العافية |
| الساعة الآن 12:24 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر