|
ويـنــك يـا حـمـدااان؟؟؟
بسم الله الرحمن الرحيم ____________________السلام عليكم ورحمة الله وبركاته قــــ[شلونكـ؟ـم]ـــــوه ______________ قريت هالقصيدة وحبيت أنقلها لكم للعبرة والعظة القصيدة من أم لولدها ...بعد ...ما ...رماها!!! بدار المسنين وين أنت يا حمدان أمـك تناديـك وراك مـا تسمـع شكايـا وندايـا يا مسندي قلبي على الدوم يطريـك ما غبت عن عيني وطيفك سمايـا هذي ثلاث سنين والعيـن تبكيـك ما شفت زولك زايـر يـا ضنايـا تذكر حياتي يـوم اشيلـك واداريك والاعبـك دايـم وتمشـي ورايـا ترقد على صوتي وحضني يدفيـك ما غيرك احدٍ ساكن فـي حشايـا واليا مرضت أسهر بقربك واداريك ما ذوق طعم النوم صبـح ومسايـا ياما عطيتك من حنانـي وبعطيـك تكبـر وتكبـر بالأمـل يـا منايـا لكن خساره بعتني اليـوم وشفيـك واخلصت للزوجه وأنا لي شقايـا أنا ادري أنها قاسيـه مـا تخليـك قالت عجـوزك مـا أبيهـا معايـا خليتني وسط المصحه وأنا أرجيك هذا جزاء المعروف وهـذا جزايـا يـا ليتنـي خدامـة بيـن أياديـك من شان أشوفك كل يوم برضايـا مشكور يا ولدي وتشكر مساعيـك وأدعـي لـك الله دايـم بالهدايـا حمدان يا حمـدان أمـك توصيـك أخاف من تلحق تشـوف الوصايـا أوصيت دكتور المصحه بيعطيـك رسالتـي وأحروفهـا مـن بكايـا وأن مت لا تبخل علـي بدعاويـك وأطلب لي الغفران وهـذا رجايـا وأمطر تراب القبر بدموع عينيـك ما عـاد ينفعـك النـدم والنعايـا السموحة منكم حطيت القصيدة وبعدين عرفت أن الاخت فتاة الاسلام سبقتني أكرر أعتذاري https://www.kwety.net/vb/showthread.p...821#post205821 |
روعه المواضيع المميزه لابد من تكرارها تقبل احتراماتي |
تسلم لنا
واتمنى ان الكل استفاد منها وتقبل خالص احترامي وتقديري لك |
| الساعة الآن 07:26 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر