منتدى الشبكة الكويتية - شيسوون البنات اذا وقفت السياره عند إشارة المرور !

النوع الأول

تحط التلفون على اذنها >>>> يعني شوفوني أكلم وتلفوني كشخه
وتلفونها أصلاً مفصول ابوها ماسدد والا الاعانه تأخرت
والا لابسه نظاره مغطيه نص وجهها

النوع الثاني

تلقاها حاطه ايدها على خدها
ياتكون زهقانه ودها هي اللي تسوق
والا بس تبي تعلم الشباب انها بيضا ونعومه

النوع الثالث

تلقاها ماغير تقز في العالم
شوي وتدخل معاك في السياره
واذا حطيت عينك في عينها عطتك نظره يحبها قلبك

النوع الرابع

تلقاها تقرب من زوجها شوي وتلصق فيه
والا ماسكه ايده حتى اذا جا بيعشق السياره يبتلش فيها
هذي تسمع بالرومانسيه بس غشيمه

النوع الخامس

ونسميها المطيورة
شوي تلقاها تسوي الغطوه
شوي تلقاها تعدل قعدتها وتتحرك كن قارصها عقرب
أو تحتها دبوس
وهذي أقرب الظن انها صغيره وتوها تتغطى ولا مرجوجه شوي

النوع السادس

النوع البريء ... تحس انها تطالع فيك
وهي والله مو يمك
ولو تأشرلها من اليوم لي باجر مادرت عنك

النوع السابع

المضحوك عليها ومصدقه نفسها مزيونه
وفي يدها علبة مكياج وتتمنظر في صلعة السواق

النوع الثامن

النوع المسترجل دايم مطلعه ايدها من الدريشه
وتطالع فيك كأنها تعرفك والا ودها تاخذ لك صورة تذكاريه

النوع التاسع

عبيطه ورافعه صوت المسجل وتهز راسها مندمجه مع الأغنيه
ولو الوضع يسمح كان قامت ورقصت

النوع العاشر

تلقاها منخشه وماتشوف الا طرف رويسها
ومشغوله في شي تحت عند رجولها
والظاهر انها تفتش فالأغراض والا تقشر بصل تستغل وقت الفراغ