|
كليب الشاب الي طلعوه من القبر جذب يا جماعة بالصور
[FRAME="13 70"]بسم الله الرحمن الرحيم يمكن الاغلبية الي راح يقرون هذا الموضوع أكيد أن مار عليهم كليب او صورة وكان عنوانها - شاب بعد خروجة من القبر بـ 3 ساعات , وشوفوا شكلة وشوفوا شنو صار فيه لان ماكان يصلي وكان يسمع الاغاني وكان هذا الشاب جميل .. وشوفوا الآن شنو صار فيه ... ألخ من الكلام وفي يوم اً شفتها وضحكت على طوول ,, تدرون ليش ؟ لان الموضوع كلة جذب بجذب ,, لان تفاجأة أن الصورة الي اثير حولها الموضوع ان هذا شاب عمره 18 سنة والباجي انتوا عارفينه ,, ماهي الا صورة بنت مقتولة وجثتها متعفنه والشرطة لقتها بعد فترة ,, والصور كاملة عندي وانا قاري الموضوع بموقع روتين وهذا الموقع معروف بصور جرائم القتل والحوادث واساساً الجريمة مو عندنا بأي دولة عربية وانما هي من دول امريكا الجنوبية وأنا الحين راح اقطع الشك باليقين ووريكم الصور الي تبين لكم انها بنت ماهي ولد وانها مقتولة ولا هي جثة مطلعينها من القبر بسم الله نبدأ اصحاب القلوب الظعيفة ستوب لاتنزلون ولا ترى انا مالي شغل الصور تخرع شوي = = = = = طبعاً نبدأ بهذي الصورة الي اثير حولها الموضوع https://www.kwety.net/kwety1/q87/8269...l111111111.jpg طبعاً لو تلاحظون أن الملابس مشققة , وان الملابس الداخلية وواضحة انها بنت وانا اول مره اعرف ان الميت يندفن بملابسة الداخلية ,, وطبعاً هذي جذبة الحين ننتقل للصورة الي بعدها https://www.kwety.net/kwety1/q87/8269...2222222222.jpg طبعاً هذه اللقطة تبين لنا بدون شك انها بنت وانا أول مره اسمع احد يندفن بدمه !! اعتقد في شي اسمه غسيل الموتى مو بس بالاسلام بجميع الاديان يغسلون موتاهم الحين ننتقل للصورة الي بعدها https://www.kwety.net/kwety1/q87/8269...3333333333.jpg اعوذ بالله طبعاً كلنا عندنا مخ واحنا مو اغبية علشان احد يمشي علينا ان في أحد يموت ويدفن ويطلعونه من القبر والدم يخر من الحلج بالنهاية أرجو اني بينت لكم حقيقة الكليب المزعوم انه لشاب عمره 18 سنة وطلعوه من القبر لاتصدقون اي شي يا جماعة وسامحوني أدري اني لوعت جبودكم بس علشان نبين الحقيقة [/FRAME] |
بالعكس نثيه مفيها لوعت جبد ولاشى
ومشكوره على التوضيح |
نثية
اشكرج على هالموضوع القيم ... لكن ترى محد ينكر عذاب القبر .. ويمكن وايد ناس اهتدوا بسبب الكليب ((انا مو شايفة ترى)) بس مبين ان بنت وثاني شي كل واحد عنده عقل ويعرف ويمييز .... والله يهدينا جميعا ويثبتنا جميعا على دينه وان يرد شبابنا وبناتنا الى دينهم ردا جميلا ويعطيكم العافيه |
ميسو
فديت هالطله ياقلبي |
بوقتاده الف شكر لمرورك الرائع ولكن هالاعمال هذي وان كانت في مصلحة المسلم الا انها تجنى على الله في مواضيع وايد ممكن انها تردع العاصي https://www.kwety.net/vb/showthread.php?t=15326 https://www.kwety.net/vb/showthread.php?t=14942 https://www.kwety.net/vb/showthread.php?t=14723 |
انه الصراحه شفت الكليب وشكيت فيه
والحين اتضحت الرؤيه اللي يبي ينصح ما ينصح بالكذب الله يرحم الحال مشكوره نثيه |
السلام عليكم ورحمه الله وبركاته
جزاج الله خير نثيه قبل كل شي بقول هذا انتهاكات لحرمه الميت وما اظن ان المسلمين ايطلعون جثه ويصورونها مهما كانت الاسباب يعني باختصار الكليب المنتشر تشويه للإسلام وانتي بموضوعج هذا وضحتي لنا الكثير فعلا تستحقين كل الشكر والتقدير جزاج الله خير |
بومحمد
الف شكر مراقبنا على مرورك |
باد بوي
اكرام الميت دفنه يسلمو لمرورك الرائع |
انا اول ماشفت الكليب قلت جذب مو صحيح
وكآن اخوي ايقول لا هذا صج ليما اقنعته انه جذب لاني شفت الدم وقتله حتى لو انه ماكان يصلي مايدفنونه جذي يغسلونه بعدين يدفنووونه بس ماكنت ادري انها بنت وماانتبهت على انها بنت بس صج اخر صوره اخترعت منها حيل وماقدرت اقاوم الف شكـرر لج يآنثيــه على النقـل الرائـع |
| الساعة الآن 03:09 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر