|
يااللي تقول إنه غـزا رأسك الشيب
لولاي أوسع خاطري بالهناديب واختار جـزل البيت وأشيل قافه
لأصفق بكفٍ كف وإلا أشلق الجيب وأبدي خفى قـلبٍ غـثا البين لافه يااللي تقول إنه غـزا رأسك الشيب مالك ومالي خل عنك اللقافه الشيب ما به يالسنافي عذاريب من عاش بالدنيا على الطول شافه ما عذرب اللي ينطحون المواجيب ولا طاب منه اللي من الناس تافه أصبر سنياتٍ قـليلات وتشيب أن كان لك بالعـمر باقي مسافه من عاصر الدنيا وخاض التجاريب ما شاف منها كل الأيام رافه يومٍ توريه العجب والتعاجيب ويومٍ يشوف ابها الوزى والكسافه أحدٍ تحقـق له جميع المطاليب وتمشي على كيفه بليا كلافه وياما بها من ذاق كدر المشاريب ومما جرى له غالي العمر عافه ما تنومن بوارةٍ بالاصاحيب أرفـق بنفسك ما عـليها حسافه دوك الحصيني فاشحٍ يفـرس الذيب ما تعـتبر من وقـتنا واختلافه والبوم عـدى عاليات المراقيب وذل العـقاب اللي منول يخافه الأمر لله ما احدٍ يعـلم الغـيب أمره مقـدر بين نونه وكافه الرابح اللي ماسلك مسلك العـيب وأصبر على ميل الدهر وانحرافه --------------------------- بتال بن فلاح الجاسر السهلي |
صح لسانك
لاهنت |
يومٍ توريه العجب والتعاجيب ويومٍ يشوف ابها الوزى والكسافه
أحدٍ تحقـق له جميع المطاليب وتمشي على كيفه بليا كلافه صح لسانك |
| الساعة الآن 03:00 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر