صباح الخير ياعرب
 

صباح الخير ياعرب

عربنا ياصباح الخـوف صبـاح الـذل والدمعـه

صباح "بريمر" و"باول" و"بوش" ودمعة عراقـي!!



صباح الكوفه وبصـره صبـاح علـوج مجتمعـه

صباح الموت واهلا بـه اذا عبـر عـن اخلاقـي



صباح اللي نسى قدسـه ولا باقـي لهـا سمعـه

صباح "اشجب واستنكر وارفض" لآخـر اعماقـي



صبـاح اللـي ينادينـا ولكـن مـا احـدٍ سمعـه

"لارَى .. لا اسمع..ولا اتكلم".. ولكن خلها ارزاقي



صباح السلم مدري حلـم مـدري نـاس منقمعـه

صباح "الخارطه" ظلما.. و"طريقٍ" مابـه اشراقـي



صباح قلوبنـا شتـى صبـاح الزيـت والشمعـه

ولولا زيتنا اصـلا....... ولا باقـي لنـا باقـي



صباح بريهـة الجنـدي وصرنـا للعجـم طمعـه

صباح البشت واحلـى بست..تحياتـي واشواقـي



صباح البنطلـون ازرق وكـوتٍ ظاهـره لمعـه

صباح ال"هاي" يامستر..و"دانه.. دان" وافراقـي!!



صباح ارهابي صغيّر رماهـا واخطـت الرمعـه

غبي يحسب كلامه صح وهـو للصـح مشتاقـي



صباح الخير مامـن خيـر وحنـا سبتنـا جمعـه

صباح المهزلـه والـذل ولويـة روس واعناقـي



عربنا ياصباح الخـوف صبـاح الـذل والدمعـه

صباح "بريمر" و"باول" و"بوش" ودمعة عراقـي!!

حياكي الله يالاجوديه.

صح لسانك اخوي توفيق
وربك يغير الحال الى احسن ان شاءالله
لاهنت ياغالي