|
طول غيابك
[align=center]
طوّل غيابكْ طوّل غيابكْ ما عرفنا خفاياك نوبٍ تروح ونوبٍ تبينا الهاجس اللي هزّني يوم فرقاك ما هز قلبك يوم حِنّا انتهينا عذَبتني يا قاسيَ القلب وياك حبك شقاية و الجِفا مبتلينا وش فايدة قلب يحبك و يهواك لا صار قلبك قاسياً ما يلينا يا ما سهرت الليل معْ طيف ذكراك احس في طيفك يروح و يجينا ارسم خيالك فوق طَلّة محياك شمس الصباح اللي علينا تبينا اشفق على قربك و شوفك و لقياك و اذكر مكانك يوم حِنّا التقينا حتى مكانك كاتبن فيه ذكراك ياما ضحكنا فيه و ياما بكينا و اليوم راجعٍ تعترف في خطاياك ليه الهجر ما دام حِنّا وفينا ضاعت حياتي بين صدّك و رجواك و ضاعت حياتك يوم راحت علينا مثل الغريق اللي على حوض الأدراك حِنّا غرقنا بالهوى ما نجينا هذي سِواتِك من يسوي سِواياك يا خاين العشرة ترانا سلينا خلاص هانت كلّها أيام و أنساك حبٍ جديد غير حبك لقينا مات الخفوق اللي يهوجس بطرواك مرحومْ يا حبٍ توفى حزينا [/align] |
وش فايدة قلب يحبك و يهواك لا صار قلبك قاسياً ما يلينا صح لساانك اخ الشوق والدمعه وانشالله تستمر بعطائك بهذا المستوى واجمل |
ليه الهجر ما دام حِنّا وفينا
اااااااااااالله عليك يا الغالي وصح لسانك وسلمت لنا هالانامل الذهبيه اللي خطتت احلي كلمات يا شاعرنا |
[align=center]صح بدنك
نثيه الله لايحرمنا من ردودك يعطيك ربي ألف عافيه[/align] |
| الساعة الآن 11:44 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر