منتدى الشبكة الكويتية - أنا ماني بخاتم في يمينك

[poem=font="Simplified Arabic,5,black,bold,normal" bkcolor="transparent" bkimage="backgrounds/5.gif" border="solid,4,orangered" type=0 line=0 align=center use=ex num="0,black"]
وحشني بنك الصافي وطعمةزعفران وهيل
متى تسكب لي الفنجال بدينك وتسقيني
عذوق التمرمانجحت وموعدها طلوع سهيل
متى يطلع وتقطف لي بكفينك وتعطيني
متى عيني تشوف الكحل بعيونك وشعرك فوقه المنديل
ولون الورد في خدك ونظرة منك تكفيني
متى أشوفك متى أحطك على صدري وأضمك حيل
متى والى متى باصبر ونار البعد تكويني
ثلاث سنين ما شفتك وأنا صابر وذقت الويل
نزفت جروح فوق جروح زمن غيرك يداويني
احسب أني مع الأيام بانسى واثر مالي حيل
ولا زادتني سنين الفرقا الأ عذاب وهم يطويني
احبك ثم احبك وان طلبت شهود تشهد لي نجوم الليل
وتشهد لي دموع ما توانت تنحدر وتسيل من عيني
أنا ضامي ولا يروي ظماية ولو شربت ألما بنهر النيل
سوى ذكراك هي زادي وهي شربي وترويني
أنا أهديتك سهام وسيف وأخر شي بعت الخيل
وأثرك بالسلاح اللي عطيتك قمت تسلبني وترميني
أنا واثق بأنك ماتبي ظلمي وهذا شي مايحتاج له تعليل
ولكن ابتعادك ماقويتة وأخر المشوار ترثيني
وأنا وإياك في ذمة تقاليد أصلها من قبل عام الفيل
وأنا حاولت كم حاولت لكنك من أول سوم بعتيني
لبستي ثوب ما غطى كتوفك ثم وقفتي بمجرى السيل
وجاك السيل وشالك ورحت الطم على خدي بكفيني
ومن تاريخ ذاك اليوم وأنا منشغل مابين حط وشيل
أدور واتخبر عن الغالي حي يرشدني ويهديني
سالت وجتني أخبارك مع المر سول بالتفصيل
عرفت انك تركتيني ضحية دهر يضحكني ويبكيني
نسيتيني وعطلتي مراكب حبنا تعطيل
وبيدينك هدمتي قصر في قلبي بنيته لك من سنيني
ورحتي تسحبين خطاك والموضوع مايحتاج تطويل
أبرحل من حياتك واحتزم بالصبر واللي صار يكفيني
أنا ماني بخاتم في يمينك يكمل الماكياج والتجميل
ولآني بنقش من الحنى على كفك رسمتيني
وأنا ماني بملك يديك وأما اليوم فاض الكيل
ولو حبك ذبحني ذبح ما والله ملكتيني
كتبت اسمك في أول صفحة النسيان والترحيل
خلعتك من حياتي خلع لأنك وسط قلبك مازرعتيني

مع تحيات:
Lover Feeling[/poem]