|
ماا هو أفضل للفتاه الزواج او اكمال دراستها ؟
السلام عليكم ورحمة الله وبركاته
..شحالكم خوااني عسااكم بخير.. حبيت أطرحلكم هاا الموضووع صرااحه قريت نبذه منه من قبل وحبيت اطرحه للمناقشه لاني حسيت أنه صدق في ناااس تعاني بسبه ها الشي في موضوع يخص مجتمعنا وهو في اغلب الاحيان يكون محير .. الفتاه في مجتمعنا .. يكون سن الزواج المناسب لها أو الإقبال عليها بين سن 19 و 21 و لكن من المعروف أن في هذه الفتره قد تكوت الفتاه في بداية دخولها للجامعه .. أو أنها تكون في فترة إكمالها للدراسه ... و نرى أن هناك من العائلات ترفض تزويج بناتها في هذه الفتره بحجة (( الدراسة )) و تعليلها هو (( الدراسة أول و من ثم الزواج )) و نجد بالمقابل هناك من العوائل التي لا ترفض هذا الشيء.. و تزوج بناتها في نفس الفتره التي تكمل فيها الفتاه دراستها !! ما سبب اختلاف الأهل في الرأي ؟؟!! و أيهما أصوب ؟؟!! و سؤالي الأهم هو : هل صحيح أن مشاكل الزوجين تزداد في حال أن الفتاه تكون منشغله عن زوجها بدراستها ؟؟ و هل صحيح أن الدراسه قد تشغل الفتاه عن زوجها و وواجباتها اتجاهه ؟؟ واتريا ردودكم |
والله اخوي انا رايي وبكل صراحه ان عمر الدراسه ماكانت عائق للزواج
البنت تقدر تكمل دراستها واهي متزوجه احسن ماتفقد سنين عمرها في البدايه تحت عذر الدراسه وفي الاخير اوكي شهادتها معاها بس فاتها القطار لابيت ولا زوج ولا عيال شفايده الشهاده وقتها؟؟ - - تتزوج اذا جاها نصيبها وتكمل دراستها واهي معاه - - يسلمووو اخوي على الطرح الرائع |
اشكرك اخوي على المرور وعلى التعليق
وانا احترم وجهة نظرك ولكن يمكن يكون الزوج عائق في حياتها الدراسيه او انها تحمل في اول سنه وطبعاً المولود يريد لها رعايه دامه طفل سنتين وفيه جامعات ترفض التوقيف او انها هي نفسها بتشوف المشوار طااااااال عليها وبتقعد متحسره على الشهاده او لاقدر الله تطلق وبسبب الدراسه ماتلاقى وظيفه؟!! مع انه فيه بنات قدرن يوفقاً بين الدراسه والزوجيه بس في النهايه بعد خسرانه عيال تقريباً خمس او ست سنين:( مشكور يالغالي |
وانا بعد حبيبي احترمك واحترم كلامك حرف حرف يابعد راسي
بس الان في الوقت الحالي وبعد تقدم الطب بامر الله يقدر الزوجين التحكم في موعد الانجاب بعد الله بنسبة كبيره يعني تقدر البنت تاجل سالفة الحمل الى ان تنتهي وبطرق كثيره الغالبيه فينا يعرفها - - يسلمو يابعد راسي |
اشكرك اخوي سياسي هذا الموضوع حلو مهم لنقاش
***** المهم انا من وجه نظري في حال البنت ترغب بالزواج وتكمل الدراسه والزوج يستاهل انها تاخذه تتحمل عواقب الزواج ومسؤليته ***** والحاله الثانيه لو كانت تفضل الدراسه على الزواج وبعد عليها تتحمل القطار للي فات لان نسبه البنات في مجتمعنا اكثر من الرجال للاسف لكن انا بنظري انها كسبه شهاده ما بتغنيها عن الزوج والاولاد لان بعد 6 سنين وما يزيد ما بتلقى ابوها للي حاميها ولا اخوها للي تزوج ****** راي بوضح انها تتزوج وتنسق بين دراستها وزوجها في الجدول واذا مكان جامعتها ما يناسب مكان شغل زوجها لاتتردد في الاتنقال الى المكان المناسب مع زوجها وخصوصا ان نسبه الرجال اقل من النساء في مجتمعنا |
البنت تقدر تنسق بين زوجها ودراستها
وعمر الدراسه ماتشغل الزوج تقدر توازي بينهم اشكرك علي طرح الموضوع سياسي |
حلات نادره يالغاليه اللي تقدر اتوفق بين الاثنين
مشكوره اختي على المشاركه وبارك الله فيج |
صدقني اللي تبي الدراسه مافي شي يوقف بطريقها
|
انه تكون طيبه خلوقه حنونه بس اهم شئ اذا لقيتوه نبي وحده اتكلمه وانا اتزوجه اوكى
هههههههههههههههههههههههههههههههههههه |
اخوي فاهم الموضوع غلط
الله يوفقك ان شاءالله ياخوي الكويتي في حياتك الأسريه ويرزقك بنت الحلال ان شاءالله |
ههههههههههههههههه
صباح الخير علي كويت شخبارك |
الوحده تقدر توفق بين الدراسه والزواج
واذا اضطرت ان تتخلى عن واحد فانا اشوف ان تتخلى عن الزواج عشان الدراسه لان الحين الشهاده اهم من كل شي |
صح اختي بس اذا اتخلت عن الدراسه وخلينا انقول انها تدرس طب 7سنوات بيفوتها القطار على قولتهم وبتدخل في العنوسه
ومن المعروف ان الشاب بيتزوج من 21الى 25 كيف بيرضى ياخذ وحده اكبر منه بعيد؟؟ |
الجامعه مسهله عليها
في الجدول وفي صيفي وفي اختيارات متعدده وبس عليها انها تعطي وقت لدراسه ولو زوجها متفهم رح يساعدها والحين ولله الحمد ازواج وايد يتفهمون لزوجاتهم وحتى في زوجات قبل الزواج بشرطن على اكمال الدراسه |
دراسه ونجاح وشهاده ووظيفه راقيه ومكانه عاليه في المجتمع وثروه مستقبليه
- - - - - - بس بدون كلمة ماما شتسوى؟؟ ...... ولا شي - العاقله الي تعرف توفق بين الاثنين |
أختي بنت الأمارات أشكرج على وجهة نظرج الطيبه
والتوفيق بين الأختيارين ترا آمر ليس بهذه البساطه, في بداية اول سنه ستكون المسأله بسيطه ولكن بعد الأنجاب ستكون المسأله معقده, وهنا ستضطر الزوجه بالتوقيف وبعض الجامعات ترفض التوقيف وتكتفي بسحب الملف وماجنته المراة سينهدر ويكون كانه لم يكن..!! مشكوره يالغاليه ويظهر آننا مابنوصل لحل لووووووول |
في حاله انها عندها اولاد
صحيح رح تعاني و وبعد اطفالها رح يعانون لكني عندي نماذج من الحريم للي قد امهاتنا لا تيأس ياليت الام للي ما قدرت تكلم ونفسها في تخصصها ولقت ان عيالها كبار ويعتمدون على نفسهم تحاول تكلم بدورها تعليمها الجامعي اعرف ان السنوات انقضت والخ .... لكن ااكد ان في حريم مثل هذا النوع ولله الحمد والام تعودنا عليها مثل للعطاء يعني اذا ما قدرت تكمل دراستها الجامعيه الله يطرح البركه في اولادها وتربيهم ذيج التربيه افضل من دراسه ما تكملت |
الاولاد مايوقفون بطريقها صدقني
تقدر توازن اذا كانت تبي تكمل الدراسه اما اذا ماتبي تكمل فصدقني راح تلقي مليون عذر |
بصراحه موضوع وايد حلو وفي محله...
في البداية انا من وجهة نظري وافضل الزوجة ماتشتغل وتكون متفرغة للزوج من كل النواحي .. بس مو معناته انها ماتشتغل او ماتدرس او تطلب العلم ... لان الزوج بطبيعتها يحب يملك الشئ ويحب ان يكون الشخص اللي يحبه ملكه بروحه .... بتقولون عادي تقدر تنسق ... صحيح بس لو كان الزوج في البيت والزوجة في الدوام وهو محتاج الزوجة في هذا الوقت ..؟؟ هل سيتصل عليها لتأتي؟؟ ام ينتظرها حتى تأتي؟ وان أتت ستأتي تعبانه :) الله المستعان فانا افضل الزوجة التي لاتعمل ...حتى تتفرغ لتربية الابناء وان ترى حاجات الزوج .. وهاذي وجهة نظري فانا لا اعمم على الجميع لفرض رأيي عليكم ..... واشكرك اخي على طرحك هذا المووضوع القيم |
شكراُ اخوي ابو قتادة
وبارك الله فيك وكلامك عين العقل |
| الساعة الآن 05:57 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر