|
** ســؤال صريـــح **
https://www.moveed.com/data/media/24/12.gif
مآآدري اذا هالموضوع اول مره ينحط اهني او انه متكــررر . . بس ياااليت الكل يشاررررك خصوووصاً الشبااب << اللي كله يتهربووون السؤااال للشبــاب اهوو . . س : هل تتزوج فتات كنت معها بعلاقة سابقا عن طريق مكالمات او مقابله وتطورة الامور الى حب ولو كنت واثق منها ؟ للبنـــــــات . . س : هل اذا كانت لكي علاقه مع شاب عن طريق مكالمات او مقابلات وتطورة الى حب هل اذا اتى شخص لخطبتك غيره توافقين او تنتظرين حبيبك لياتي لخطبتك ؟ س : اذا كانت لكي علاقه مع شاب عن طريق مكالمات او مقابلات وتطورة الى حب واتى لخطبتك وبنفس الوقت اتى شخص اخر يخطبكي ايهما تختارين؟ اتمنــى اشووف ردود صريحــه خالص الشكـــر لكمـ . . ولـــ *H* ــــه https://www.moveed.com/data/media/24/9.gif |
تسلمين والله ولوهه
بصراحه السؤال احس انه شوي متشعب لكن انا عن نفسي لو حبيت شخص وجا يخطبني اكيد بوافق عليه لكن لو حبيت شخص واقعد ارفض كل الشباب علشان مو مشكله بس ابي اعرف هل هو (( فعلا )) ناوي يقدم على هالخطوه ويخطبني ولا لا اذا حسيت انه قاعد يحاول ينتظره لكن لما اشوفه بدا يمدد المده من غير اي تطور بالموضوع اكيد بسحب عليه واشوف الاحسن منه واوافق عليه اكيد تستغربون من كلمه اسحب عليه انا اقول هالكلمه وانا بالفعل اقولها عن قناعه لان الشاب اللي يلعب على البنت تحت مسمى (( الحب )) ويماطل بانه يتقدم لها فهو ماحبها وصدقوني لو الشاب حب هالبنت بيسوي المستحيل علشان تكون له لكن اذا قال وحط له اعذار فهو يبي يتملص لكن بأسلوب احلا وانا من هالموضوع اصرخ بأعلى صوووووووتي واقول الشباب مايحبوووووون بصدق الا من رحم الله الف شكر يالغاليه مره اخرى على هالموضوع |
اقتباس:
وربي كلاااامـــج صح اميــه بالاميـــه . . وهــذي حقااائق لا يمكن تغيرهاااا . . يلاااا خل نشوووف رد الشباااب شلوون بيدااافعــون عن آنفســهم ؟؟ تسلميـــن يا قلبي ع المرووور . . وعلى ابـدآء راايج . . ولـــ *H* ــــه |
هلا بالغاليه وله
بالنسبه لي اذا انا واثق منها واحبها بصدق واحسست بحبها لي كذلك فلم لا , بل على العكس سأحارب من اجل عيونها لكي لا افرط فيها صدقيني اختي الغاليه ما اجمل واسعد ان تأخذ انسان تحبه ويموت فيك تكون انت راضي فيه بمحاسنه وعيوبه ومقتنع فيه وهو كذلك يحبك وراضي بعيوبك ومحاسنك ومقتنع فيك يااااااااااااااالله بس ماقول الى الله لايحرمنا من النعمه نعمة الحب بين شخصين وفي النهايه يكون ستر واستقرار |
اولا :
يسلموووو علي الموضوع ثانيا : بنت السويد حطت هالموضوع اكثر من مره بس للاسف مافي ولا رجل دش علي الموضوع كانوا يتهربون بصوره ملاحظه ثالثا : مافي شي اسمه حب يا قلبي خصوصا بهالايام يعني اذا ريال حب بنت ليش يطلب انه يطلع معاها او يسهر معاها ؟؟ لو يحبها جان راح علي طول لخطبتها وبعدين موضه يديده طالعين فيها الحين كل واحد يتعرف علي بنت ويقعد معاها سنين باسم الحب والزواج ووقت الصج تلقينه يتهرب بالدرجه الاولي مااجمل الزواج والاستقرار ومااجمل الحب بعد الزواج كثرت في الاونه الاخيره الطلاق ولو تلاحظين ان كل اللي تزوجوا علي حب كانت نهايتها الطلاق الا من رحم ربي علي ايام اجدادنا ماكان شي عندهم اسمه طلاق كان حتي مايشوفها الا في ليلة العرس صدقيني الشاب اللي يكلم بنت اخذيها كلمه مني محال يتزوجها لان راح تصير عنده شكوك يقول مثل ماكلمتني راح تكلم غيري نصيحه الي كل اخت غاليه في منتدانا لاااااااا تصدق كل مايقال لها باسم الحب والزواج والرجل اذا حب فتاة يذهب من الباب الي بيت اهلها في مثل يقول اللي يحبك يدل خدك ادري طولت عليكم بس الموضوع يعور القلب والله وايد بنات انجرحوا وانداست علي كرامتهم بسبب الحب ثانكس |
يسلمو اختي وله على الموضوع
- نثيه خانت الذاكره اختي اذكر الموضوع هذا رديت عليه يومها ماتهربنا ولا شي - وكل ردوركم صراحه ماجاوبتوا على سؤال وله بالضبط وله سألت عن علاقة البنت بالولد او العكس من خلال التلفون هل تتزوجينه او هل تتزوجها؟؟ - انا قلتها قبل هالمره في موضوع سابق مشابه وللحين اقولها وباقتناع وبيضل راي شخصي - الولد عمره مايتتزوج بنت كلمها بالتلفون لانه في باله وفي قرارة نفسه مثل ماكلمته بتكلم غيره واذا حصلت حالة نادره وتزوجوا بيضل الشكل بينهم .. بيشوفها تكلم احد غيره وتخونه وبتشوفه انه يكلم غيرها ويخونها .. ومن هنيه بتبتدي المشاكل وتوصل للطلاق - ياناس باب البيت واضح الي يبيه يدله مافيها حسبة معقده 1+1=2 تبي البنت ؟ سالت عنها ؟ عرفت اهلها ؟ عرفت اخلاقها ؟؟ تقدم واخطبها سوالف تلفون ومقابلات واحبج واحبك واحاسيس وانتي دنيتي وانت عمري كلها لعب في لعب والدليل خل تكلمه عند اهلها او يكلمها عند ابوه .. اكيد ماراح يكلم .. ليش؟؟؟؟؟ لانه ولانها عارفين انه غلط - اسف للاطاله وتحياتي للجميع ولااحد يزعل علي |
صحيح
اذكر ان انت الوحيد من الشباب اللي رد علي الموضوع |
تسلمين ولــــــــــــه
نثيه لوووووووووووول فاضحتنهم عدل صدق مب هينه انتي كلاااااااااامي وردي نفس كلام نثيه اوافقهاااااا الكلام |
عندما تكون المشاعر فياضة فربما القدر يجمع بينهما
قضيتي على جميع المشاعر نثيه لا أرى وصول لنتيجة إيجابية عندما نرى الحب فنجعل الحظ أمامنا .. والتوفيق من الله سبحانه لا تلقوا الحب في الحاوية يابشر |
الله سبحانه وتعالي ياذهبي بين ان الموده والالفه بين الازواج موجوده
وهالشي اكبر علامات الحب والغلا الحب موجود مارميناه في الحاويه |
اي حب يا ذهبي اللي تتكلم عنه ؟!
هالايام مافي شي اسمه حب تحول الحب للاسف من حب مشاعر وتضحيه واحترام الي حب مصالح متبادله |
عيل وا على الدنيا السلام
... سؤال مباشر مافي حب ,, كلش ؟ نثيه ؟ ومن متى |
من بدا الاخ يخون اخوه علي شان خاطر بنت
من بدا الرجل يطرد صاحبه لمجرد ان حبيبته ماتبي هالصاحب من بدا الرجل يطلب من البنت انها تشتري له ريحه او او او من بدا الرجل يكلم بدال البنت 10 من بدا الرجل يحلف انه يحب هالبنت واول مايطلع الشارع رقم الثانيه |
من بدا الاخ يخون اخوه علي شان خاطر بنت
من بدا الرجل يطرد صاحبه لمجرد ان حبيبته ماتبي هالصاحب من بدا الرجل يطلب من البنت انها تشتري له ريحه او او او من بدا الرجل يكلم بدال البنت 10 من بدا الرجل يحلف انه يحب هالبنت واول مايطلع الشارع رقم الثانيه - - وهذا تعتبرينه رجل اختي نثيه؟؟ هذولي ناس مو محسوبه علىالمجتمع همهم نزواتهم لاكثرهم الله |
اي والله يارولز
وللاسف نسبه كبيره من الشباب قاعده تتجه هالاتجاه |
اي وصلنا الحين للنتيجة
(( وللاسف نسبه كبيره من الشباب قاعده تتجه هالاتجاه )) أبي شنو وصلنا له إحنا ألحين ..؟ |
الذهبي
للاسف الشديد ان الشين خرب على الزين وانا ونثيه وسويديه وكل بنت تتكلم عن (( حثاله الرجال )) اجلكم الله منهم الواحد يقول احبج واموت فيج وانامانام من التفكير فيج وانتي عيوني اللي اشوف فيها وانتي قلبي اللي ينبض بين ضلوعي ولما تقوله يالله تقدم لي لان فيه واحد متكلم ويبيني يقول لالالالالالالالالالالا لاتوافقين انا ابيج وشاريج يمر شهر شهرين عشره شهور سنه سنتين هاه يا فلان وين اهلك ؟؟ والله اهلي الحين يبوني حق بنت خالتي اهلي يبوني حق بنت عمي ابوي يقول ماتتزوج الا بنت عمي امي تقول مالك الا بنت خالك وانا ضايع بينهم انزين يالله تحرك ابي اشوف نصيبي افا يا (( ضحيتي )) ماتصبرين على حبيبج الين يعدي هالازمه!!!!!!! والمسكينه تمر سنين عمرها على (( امل )) انها تجتمع مع الانسان اللي حبته وفكرت فيه انه يكون شريك حياتها ولما تشوف البنت ان اهلها ضغطوا عليها بأحد المعاريس وقالت يا (( حثاله )) ترى اكو ناس يايين واهلي مرحبين فيهم تدرون شنو بيسوي (( الحبي المنتظر )) ؟؟ ايه خلاص اكيد هذا حبيبج وانتي تبينه خلاص يبه انسي رقمي والله يوفقج ومع السلامه :) وانتهت حياه البنت بين ابي حبيبي يكون لي شريك بالحياه وبين اني ابي اكوّن لي اسره وحياه وعايله وعيال يشيلوني ويقعد (( الحثاله )) يدور على (( ضحيه )) جديده اسمحوا لي على الاطاله لكن الشمس ماتتغطى بغربال :) |
والله انا اعرف وحده الله يستر
اتصير بنت جيران صاحبتي عمرها 45 سنه ومو متزوجه فاستغربت انا البنت حلوه ماعليها قاصر فقلت لها ليش لين الحين ماتزوجتي قالت لي انا من كان عمري 17 سنه احب واحد وظليت معاه وهو واعدني بالزواج وكل مايي عريس لي يقولي انطريني لين مااخلص جامعه اتقولي يوني عرسان وايد وانا ارفض لاني احب هالريال المهم خلص جامعه قال لها نطري لين اشتغل نطرته المسكينه اخر شي قال لها اهلي موراضيين وانا تخانقت معاهم وطلعت من البيت افلااااااااااااااااااااااااااااااااااااااااااام الشباب المهم قال لها انا ابي ارضي اهلي وارضيج اتزوج بنت عمي شهر وبعدين اطلقها واتزوجج والبنت تمووووووت فيه والله تسولف لي وتبجي هني كان عمرها 28 سنه وهي معاه وناطرته اتقولي تزوج بعد الشهر قالي مرتي حامل مااقدر اطلق الحين اهلي وعمامي نطري لين تولد المهم من جذبه لين جذبه صار عمر البنت 35 سنه اخر شي قالها انا مااقدر اتزوجج اذا تبين تتزوجين الله يسهل دربج وشوفي طريقج البنت انهارت وبهالعمر منو اللي يتزوجها ؟! اخر شي قالت له ماراح اتزوج وابي اقضي باقي عمري وياك ولين الحين البنت وياه بس طبعا بطريق الحرام |
لاحول ولا قوه الا بالله
- انزين يابنات انتوا الي تقولون كلمته وقال لها احبج واموت فيج وانا وانا وانا وانا العلاقه شنو هنيه تلفون؟؟؟ انا الوم البنات والله هذي البنت خانت اهلها وكلمت واحد غريب من غير علم اهلها واهي تعرف انه غلط اجل تتحمل الي يجيها والله ثم والله ياناس مافيه شاب يتزوج بنت كلمته تلفون الا واهو شاك فيها وبيقول مثل ماخانت ابوها بتخوني صدقوني والله هذا انا شاب واقولها واعرف شعور الشباب - البنت الي تبني علاقة تلفون وصداقه مع شاب صراحه ومن غير زعل تستاهل الي يجيها يحبها اوكي هذا الباب يدش ويطلبها رسمي غير كذا لعب × لعب - سوري على الانفعال هههههههههه |
الحين انتوا تتكلمون على الشباب .....
ما فكرتوا مره انكم تتكلمون على نفسكم يا البنات الي على راسه بطحه يحس فيها :) ليش ما تتكلمون على وعودكم ليش ما تتكلمون على معاملتكم ليش ما تتكلمون على كل شي بكل صراحه <=== يدقهم سلف بصراحه وبكل صراحه يمكن اعتبر الي اقوله شي خاص ويمكن الرقابة تحط طووط طووط طووط :) في نوع لو تعطيهم ماي اعيونهم ما ينفع فيهم هذا بالبنات وموجود بالشباب بعد على شان ما تزعلون وفي نوع من العين الحاره تمشي عدل يا بنات تكلمووو على جنسكم الي ما يعرف سركم الى ربكم الي خلقكم |
صج نسيت لا اقول لكم سالفه
هذى واحد الله يستر عليه كانت له علاقه قويه حيل مع بنت وحاشه بعيد الشر عنكم مرض سرطان والله والله والله وبعد ما تغيرت حالتة للأسوء تركته وبحجة انه مريض ليش مو بالوقت هذا مو لازم تكون يمه تواسيه تساعده تكون يمه هذا انتوا يا جنس حواء طبعا مو كلكم بعضكم الذهبي بنشل هجمات علي البنات جهز المدفعية :) |
هههههههههههههههههههههههههه
ماعرفك كيفك ههههههههههههههههههه انا مااااشي ههههههههه |
رولز الله لايهينك
وانت بطريقك مر علي منتدي العام موضوع القنابل العنقوديه وهات لي مدفه الار بي جي وياك ولا تنسي تسكر باب المنتدي العام وراك <<<<<<<<< تبي تشن حرب قويه علي الشباب |
نثيه لاتوهقيني
انا صاير هاليومين من منظمة السلام العالميه - ههههههههههههههه تحسين واحد ماله بالمدافع |
ألســلأام . .
آشكـــر كـل من شاارك بالموضووع واحترم كل آرائكم . . أولاً : انا سآلت سؤال للبنات وسؤال للشباب لكن ما شفت الاجابه اللي ابيها ؟؟ ثـآنيـاً : اعجبتني صراحتكم وارائكم لكن انا اشوف انه الشباب كله يدافعون عنهم ويطلعون العيب بالبنات !! يعنـي الحين البنت صارت غلطانه ولا شنو ؟ ولا اهي اللي تخليه يجذب عليها ويواعدها بآشياء مو صحيحه اوكي دام تقولون انه الشاب اذا كلم بنت مستحيل يتزوجها واهو عارف نفسه انه ما راح يتزوجها . . ليش يجذب عليها ويسوي لها افلام ؟؟ يخليها تنطره وترفض كل شخص اييها . . ما يبيها ؟ خلاص يقولها روحي تزوجي والله يوفقج مو يعلقها معاه وبالاخر يروح ويخليها واذا سآلته وقلت له ليش سويت جذي ؟ قال لك والله اهي تستاهل اللي يصير لها اهي اللي سوته بنفسها جذي ومحد قالها تصدق كلامي . . والبنت مسكينه على نياتها وعلى بالها انه يحبها وهالخرابيط . . بس من غير لا اسيء لاي شخص . . هذا ما يعتبر ريال ولا فيه شي من الرجوله اذا اهو فعلا ما يرضا على اهله لا يرضا على بنات الناس و اي واحد راح يقعد يجذب ويستغل بنت صدقوني راح يشووف هالشي باهله وخواته . . آسفــه ع الاطـــالـــه . . ولـــ *H* ــــه |
وما أجمل الرضى بين الطرفين .. إتركوا آفات عصرنا لنصل إلى الحل المناسب والسليم للأيام المقبلة
تحياتي الذهبي |
انزين اختي وله ابسالج
- البنت ليش تعطيه فرصه يكذب عليها وتخليه يكلمها تلفون وتروح تقابله؟؟ - حب؟؟ من ورا الاهل يعتبر شنو؟؟ - مثل ماقالت مو ملسونه الشمس ماتتغطى بغربال - موضوعج شيق ونقاشه حلو |
رولــز :
في بنات على نياتـهم ويصدقوون اي كلام ينقال لهم او اغلب البنات ينقص عليهم بجم كلمـه والكـل يعرف انه الشباب عندهم طرق وايد بس علشان يوصلون للبنت ولــ *H* ــــه |
اما بالنسبه لي انا الحب هالايام خرااافه لا تقولي في شي اسمه عن طريق تلفون ومقابلااات انسى يصير حب
الحب اللي يوقف ويااااح بعز جرحك وانا أأيد الاخت نثيه بالكلمه اللي قالتها كل واحد يتعرف علي بنت ويقعد معاها سنين باسم الحب والزواج ووقت الصج تلقينه يتهرب بالدرجه الاولي انا من طرفي انا ما اكلم بنااات ولا رااح اكلم واصلن بعد ابي اعلن خضوووعي للدنياا ابي اقعد عزااابي وسافر وما راح اتزوج ولا ارتبط بـأي بنت وهذا ردي واللي عنده اعتراض هذا الميدان يا حميدان ويقولك المثل اسأل مجرد ولا تسأل طبيب ويعطيكم الف عافيه على الموووضوع الجميل العافيه على الموضوع الحلوو |
أحلـى مطيري :-
شاكره لك مشاركتك بالموضوع . . بس الحب شغله والزواج شغله . . يعني اذا الولد ما يبي يحب ولا يبي يكلم اوكي شي حلو منه . . لكنه مو معناه انه يروح يضرب عن الزواج والزواج سنه الحياه . . وكل شخص يحلم انه يتزوج واايب وعيال ولا انتي ماتبي عيال يشيلون اسمك ؟؟ مهما تكون ماخذ فكره عن البنات مايصير تضرب عنهم جذي يعني الدنيا ما تعيش لو فيها جنس واحد من الناس الولد يحتاج للبنت والبنت محتاجه له ولا جان ما تستمر الحياه ع الارض . . وآسفـــه ع الاطــــــــالـــــــه . . |
صراحه ولــه انا اقولج ها الحالتين مامرت علي بس الاكيد
صج ان الحب الحقيقي يجي بعد الزواج العشره لها دور والتوفيق من الله هم لها اكبر دور والحب هذا هو الحب الحقيقي والي يدوم طول العمر لان بنيانه بنيان سليم وصحيح ومايصح الا الصحيح |
ياجماعه البنت كائن حسااااااااااااااااااااااااااااس حيل
الله حط بقلبها الحب والحنيه والصدق والمشاعر الجميله وهذي نقطت ضعفها وللاسف ان الشباب استغلوا هالنقطه لاغراضهم الحقيره طبعا بعض الشباب مو الكل |
اي زين خليتيها بعض مو كل هههههههههههههههه
احترمي نفسج :) |
|
| الساعة الآن 08:03 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر