|
الفضيحة قد تؤجل انطلاق الدوري الإيطالي
ذكرت وسائل الإعلام الإيطالية أن فضيحة التلاعب في نتائج المباريات في إيطاليا قد تؤدي لتأخير بداية فعاليات بطولة الدوري الإيطالي على مستوى الدرجتين الأولى والثانية للمسابقة. وأوضحت التقارير الإعلامية إلى أن بداية فعاليات دوري الدرجتين الأولى والثانية قد تتأخر إلى التاسع من أيلول / سبتمبر المقبل بدلا من الموعد المقرر لها في نهاية شهر آب / أغسطس المقبل لمنح فرصة للأندية الأربعة المدانة والتي فرضت عليها العقوبات ومنها يوفنتوس بطل دوري الدرجة الأولى في الموسمين الماضيين بالاستئناف ضد الأحكام الصادرة ضدهم. وكانت المحكمة الرياضية في روما قد قررت الجمعة تجريد اليوفنتوس من لقب الدوري في الموسمين الماضيين وهبوطه إلى دوري الدرجة الثانية بداية من الموسم المقبل مع خصم 30 نقطة من رصيده في الموسم الجديد لتقليص فرصته في العودة إلى دوري الدرجة الأولى في الموسم التالي. كما قررت المحكمة هبوط ناديي لاتسيو وفيورنتينا للدرجة الثانية وخصم عدد من النقاط من كل منهما بينما أفلت ميلان من عقوبة الهبوط ولكنه تعرض لخصم 15 نقطة من رصيده في الدوري خلال الموسم المقبل كما حرم من المشاركة في دوري أبطال أوروبا للموسم الجديد. وتستأنف الأندية الأربعة ضد الأحكام الصادرة بغية تخفيف العقوبات المفروضة عليها. وفي نفس الوقت يواصل المدعي العام سافيريو بوريللي جهوده للوصول إلى أعماق هذه الفضيحة ولذلك يحقق في موقف أندية ريجينا وأمبولي وليتشي. |
يسلمــــــــــــــــــــؤوؤ :) ع الخبريـــــــــــة !!
|
الله يعطيك العافية اخوي على النقل
|
يسلمو كتكوت ويا العود العود على مشاركه
|
أفلت ميلان من عقوبة الهبوط ولكنه تعرض لخصم 15 نقطة من رصيده في الدوري خلال الموسم المقبل كما حرم من المشاركة في دوري أبطال أوروبا للموسم الجديد.
_________________ لوووووووووووووووول احلى شي >>داشه تشمت وانته حاط الموضوع بعد.. الصراحه عجبتني روحك الرياضيه مشكوور ويعطيك العافيه |
الله يعافيج يا انوسه
وانشالله باذن لله دوري ميلانو وما نبي دوري ابطال اوروبا خذينا وايد انخلي حق غيرنا |
اي ماشاء الله كريمين
|
انشوف هذا ميلان مو القادسيه المصخره حده كاس الخرافي وولي عهد لوووووووول
|
لو فيك خير اذا بتقارن قارن بين القادسيه ونادي عربي نفسه
مو اتيب لي نوادي اوروبيه غشاشين ونصابين ويحتالون وعليهم عقوبات وقضايا |
تعالي تبين منو اكثر فريق ما خذ كاس الامير ودوري العربي اكثر فريق ما خذ بطولات
والله ميلان مو غشاش لو غشاش جان ما نزل درجه ثانيه |
خالي لو مو غشاشين جان ماتورطو من الاصل
|
اصلا الحجي معاك فاضي
ليش نقعد انشوف احنا اصلا واثقين من فريقنا وندري انه اهوا قد الثقه حتى لو العربي خذه 100 كاس بنظل انشجع القادسيه لو شنو تدري ليش لأنه احنا انعرف لعبهم وواثقين فيه ومانبي ناس يجذبون ويشلخون عشان يفوزون اوكي ومشكور على الخبر |
لووووووووووول
انتا على كل شي تتهاوشون ما ادري تتناقشون هذي اييب ميلان حق القادسيه يبه ميلان فيها كاكا فيها يعني لاعبين اقويا حييل والقادسيه فيها خلف السلامه وهم لاعبين زينين بس ما تييب ملان حق القادسيه قاررن بين السالميه الي تحبهم والقادسيه شوف منو الاحسن وقارن ميلان حق الانتر :) ما تقدر لأن الانتر اقوى صح ولا لاء؟؟ وخلاص نهوا السالفه |
اي صح واثقين من فريقكم وانا انشوف بس ما خذين كاس الخرافي ويا ولي عهد خلو البطولات حق اصحابها بس
|
كلامج عين الصوااب يا قلبي وتسلمين على المداخله الروعه
|
ها تبين لاعبين من اقوى الاعبين بالديره عندج جاسم الهويدي هداف العالم خافي هداف مو لاعبين القادسيه ما عندهم هدافين هدافين بس محلي وانزين وعندج بشار عبدالله وعندج حسين الخضري اذا شات الكره بس وخري عنه وعلى مروي وبعد وبعد خليني ساكت بس
|
حسين الخضري
لا تعليق |
بهذي صدقت الصراحه حسين الخضري عجيب وماكو احسن منه اول مره اتقول شي صح
لووووووووول هالمره عجبتني |
لووووووووول
لا من صجك ايسي لا جد جد منو حسين الخضري منو هذا اصلا وبشار صج لااعب بس الحين ولا شي عمره بالثلاثين وما يقدر يركض ما ادري شفايدته بالملعب وشوف القادسيه منو عندها خلف السلامه مساعد ندي شويت بدر المطوع يعني عبد الرحمن الموسى علي الشمالي في احسن بعد وتبي لاعبين من الانتر اول واحد ادريانو هذا في احسن منه؟؟ |
كككككككككككككككككككككك قالت بدر المطوع كله يركض من مثل حمار
والثاني مساعد ندا بس يشوت ما يدري وين يشوت وعبدالرحمن موسى حرام يلعب كره يروح يلعب بنادي الفتاه احسن وعلى الشمالي احسن لاعب يقزرونها عليه اللي يوسع واللي مصخره اشويه اما خلف سلامه لا تعليق لانه لاعب واذا ما اتعرفين احسن الخضري روحي باجر نادي السالميه وقولي منو هذا احسن الخضري |
اقول بنت جابر حدج على حسين الخضري ووهما بشار لا تييبين طاريه اوكي
يعني انتي نسيتي بشار شنو كان ولا اذكرج بعد شنسوي تزوج وابتلش |
حسين الخضري هذا حدج عليه عاااد
|
ككككككككككككككككككككككككككككككككككككككك قالت بدر المطوع كله يركض مثل حمار
والثاني مساعد ندا بس يشوت ما يدري وين يشوت وعبدالرحمن موسى حرام يلعب كره يروح يلعب بنادي الفتاه احسن وعلى الشمالي احسن لاعب يقزرونها عليه اللي يوسع واللي مصخره اشويه اما خلف سلامه لا تعليق لانه لاعب واذا ما اتعرفين حسين الخضري روحي باجر نادي السالميه وقولي منو هذا حسين الخضري |
تعالي عندي واقولج منو حسين الخضري
والصراحه ماهقيت اسلوبك جذي .................لاتعليق ما اقدر انزل نفسي اكثر من جذيه |
ليش اشفي اسلوبي
|
لالا والله شنو انا اقدر وقدها بعد
انت الحين اي سي قاعد تتحجى عن لاعبين القادسييه وما شفت اللي عندك امانه اوكي غير حسين الخضري منو عندك ما تقولنا امعلق عليه شكله ما عندكم غيره مسكين انصحه يطلع منه الفريق احسن له كااااااااااااااااك ترا مسكين اهوا اشتكالي الحال لووووووووول <<<< حدي مو جذابه |
لا اعرفه واعرف بعد بشار
ما قلت انه ما يعرف يلعب بشار هذا قبل يلعب وعدي وحلو لعب قصدي عن الحين كوكو يلعب ما يلعب ولا يحوش الكره وبعدين ايسي الكلام له حدود صج انه بدر مو واي اعرف بس على اي اساس تسب؟؟ وبعدين منو يلعب بالميلان غير كاكا امانه منو؟؟ قولي بس كاكا وماكو غيره |
والله الحمدلله لاعبينا ما فيهم شي وكلهم زينين وراح اتشوفونهم بدوره مجلس تعاون انشالله
|
لوووووووول اي سي حدك ثقة ياربي حلاته ينقص ويهك لووووووووووووووووووووووووول وشكله هذا اللي راح يصير
|
لالا لحظه كوكو وانوسه
ايسي بس ما قلت لي منو يلعب عندكم غير كاكا؟؟ ما قلت؟؟ بس الصراحه الانتر يعجبني وخاصتاا ادريانو لاعب افففففف لعيب وجم مره فاووا على الميلان؟؟ من كثرهم نسيت والله |
لوووووووووووووول والله ما تدرين مو لاعبين زينين بالميلان انا اقولج اول شي نبدي بالحراسه عندج ديدا دفاع نيستا ويا مالديني ويا استام ويا كافو والنص عندج كاتوزو ويا سيدورف ويا بيرلو الهجوم عندج جيلادينو وقبل كان شيفشينكو
|
احسن واحد كاكا وكاتوزو وسيدورف والاجي .........
بس قولي جم مره الانتر خذا الكاس؟؟ وجم مره فازوا عليكم؟؟ ما تقدر تقوول لأنهم ما ينعدون صح ولا لاء وانت اذا تعرف تشكيلتهم قولها انا ما اعرفها عدل بس الصراحه فشل ميلان بمعنى الكلمه فشل |
ليش فاشل ميلان ثاني اكثر فريق يا خذ بطولات بعد اليوفي الانتر صارله الحين 20سنه مو ما خذ دوري اخر مره ما خذ دوري على ما اعتقد سنه 1980تقريبا باجر انشالله ايبلج مو اكثر ميلان ولا الانتر ما خذ دوري والبطولات شوفي ميلان 7 مرات ماخذ دوري ابطال اوروبا الانتر يمكن 2 او 3
|
يصير خير
|
عل شنو يصير خير يا انوسه
|
الله كريم
|
انزين قولي تشكيلتهم مكن انا ما اعرفها عدل يمكن جم لاعب
ممكن اتقولها؟؟ وانا ابي الحين الميلان يلعبون ولا يطقطقون؟؟ |
لوووووووووول بنت عمو بيع بنك
لوووووووول وربي <<< ادري ما تحبينها |
وييييييييييييييع
لاتقولين هالكلمه مره ثانيه |
بنت جابر انشالله راح اتشوفينهم بالدوري وراح يطقون الانتر بعد
|
| الساعة الآن 10:17 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر