|
مبروك يالكويتين زادونا 150 دينار ... والشكر للاعضاء مجلس الامه ,,,
[FRAME="1 70"]https://www.kwety.net/kwety1/q88/attachment.jpg اقر مجلس الامه بالامس .. زياده المواطنيين ممن لم يخصص له بيت او فيلا .. بزياده مقدارها 150 دينار " بدون " تحديد سقف للراتب " وهذا يعتبر بدلا للايجار .. حيث كان النظام السابق الزياده مقدارها 100 دينار فقط وحد اقصي للشخص الموظف الذي راتبه لغايه 900 دينار .. الان وفي القانون الجديد حتي لو كان راتبك 1500 دينار ستتمتع بالزياده ال150 دينار لحين تخصيص بيت لك او فيلا ... الف مبروك والشكر للاعضاء مجلس الامه .. في السابق .. البرميل ب22 دولار والناس مرتاحه .. الان البرميل ب70 دولار .. اعطو الناس شوي !!! وأنتم كرماء .. وأحنا نستاهـــــــــــــــــــــــــــــــــــــــل ,,,,[/FRAME] |
تستاهلووووووووووووون أكثر من ذلك , وحسب علمي أيضا أن الخير جاي في الطريق أن شاء الله , مبرووووووووووووووووك الف ملين لكم .
|
Nathyaa الله يبشرج بالجنة ياويهه الخير عندي تعليق أولآ: الحمد لله دوووم ثانيا: من مدة جم شهر سمعت أن المعاش راح يزيد 50 دينار واللي قال الكلام أكد الخبر بس أصبت بأحباط كل ما أقول لواحد يضحك يقولون حلم يبا حلم بس الحين اللي كان البارحة حلم أصبح حقيقة مو سراااب تسلمين تسلمين تسلمين يعني أروح الحين أستلم المعاش واحصله الـ50 دينار بالحساب هههههههه <<< ين وقعد أستخف مو مصدق شكرااات أكااابر عالخبرية الحلوووووه |
شكرا نثيه عالخبر
بس تره يزيدون البدل ايجار مني بيرتفع الايجار مناك دبل يعني مافرقت وااايد وهالمشكله مفروض يشوفون لها حل مع اني مو من الناس المستفيده من رفع الايجار ولاني من الناس اللي برفع الايجار بس حاسه فيهم ونفس القصه صارت لما زادو المعاشات زادت الغلا حتى سوالف المنحات وغيرها بس مجرد الحجي فيها تعالوا شوفوا الاسعار والسوق ترتفع قبلها بفتره وكلما قلتلهم شدعوه قالو اي بيزودونكم اي خووو خنشوف بالاول والله مايخلون الواحد يتهنا شويه الحمدلله على كل حال خير ان شالله مشكوره حبيبه نثيه |
كلام جداً جميل " أخت وداد " وغايه في الأهميه .. أشكركِ بالنيابه عن " الأخت نثيه " لتعقيبك المفيد
وأحلى مافي تداول الأخبار بالأمس .. أن الليبراليه ميتين قهر ومن خلال مناقشتي مع البعض .. قلت لهم أنتوا شاللي حارق خبزتكم ... اذا مازادونا بيعطونكم شي ؟ بس بصراحه كانت أعينهم على عدم وضع حد للسقف وكان ردي عليهم .. ألحين الدكتور أو المهندس أو المدير ... تعب وجاهد نفسه ليحصل على راتب مميز وعلى وظيفه مشرفه ... مايزيدونه مثل مازادوا أخوته ويبون يوصلون راتبه لراتب الحاصل على رابعه متوسط ... هم ظلم نقول وسنقول ونبقى نقول دائماً الحمدلله الذي أنعمنا بما نحن به فلكِ جزيل الشكر عزيزتي نثيه لمتابعتكِ لآخر الأخبار جهد تشكرين عليه إفري تايم |
شاللي حارق خبزتكم ... اذا مازادونا بيعطونكم شي ؟
الذهبي هالموضوع صج ذابحني من زمان وصراحه مضايقني بشده لما في زيادة لبعض الفئه من الموظفين فئه ثانيه قاموا عليهم وقالوا ليش يزيدون هذول ومن هالحجي الفاضي انا مااقول مومن حقهم حقهم ونص بس ياخوي مايصير جذي يعني اقول بدال ماحارقين عمركم وشاطين نفسكم ومسوين بلبله عشان زادوهم بالعكس تحجوا وطالبوا وسووا بلبله اكبر بان يزيدونكم يعني شالفايده كل شوي يابوا طاري ليش ذولاك وليش هذولاك خووو قولوا احنا نبي نبي زياده والنتيجه شنو اللي تصير من حنتهم ينشال الزيادات الحمدلله مودوم تصيب بس السهم اللي مايصيب يدوش يعني بعرف بيرتاحون لما تنشال من عندنا الزيادات بلعكس طالبوا خاليزيدونكم بعد اسفه صارت تداخل بالمواضيع بس تعقيبا على كلام الذهبي |
الله يبشرج بالخير مراقبتنا
والف شكر لج على النقل |
توفيق تستاهل الطيب الف شكر لتواصلك |
الحيران الخير يدام ان شاء الله اي خير ههههههههههههههه اسعدني مرورك وتواصلك الرائع |
وداد اي والله ياقلبي صدقتي من تصير لنا زياده على طول ارتفعت الاسعار هذا دور حماية المستهلك المفروض توقفهم عند حدهم اذكر قبل 7 او 8 شهور على ايام المغفور له الشيخ جابر الصباح الله يرحمه في البداية كانت ارض القسيمه قيمتها 8000 دينار مقسمه كالتالي 4000 قيمة الارض 4000 الخدمات طيح علينا الشيخ 2000 دينار وارجعها لنا بهالوقت تعالي شوفي المقاولين اشلون انجنوا كلهم قاموا يطلبون برفع الاسعار حتى الحديد والاسمنت والالمنيوم والخشب وغيره وغيره من مواد البناء ارتفعت اسعارها يعني خذينا الالفين من هني ودفعنا 4000 للمقاولين زياده ههههههههههههههه صبح حقنه مرتدلا هههههههههههههههه بس حماية المستهلك والله مو مقصره بس روحي لها واشتكي شوفي شتسوي فيهم فديت هالطله ياعسل |
العود اسعدني مرورك الرائع |
الذهبي اخي المتألق دائما الخبر كالتالي اضافة 150 دينار دون تحديد السقف الوظيفي يعني للجميع الزياده سواء موف او دكتور بالسابق كانت بدل الايجار محدد حسب المعاش بس القرار الجديد ماله دخل بالمعاش يعني زياده شامله الجميع اسعدني مرورك يا متألق |
نثيه
مشكوره على الموضوع ويعطيج عافيه الظاهر مواضيعج صارت الاتجاه المعاكس |
الف شكر للمرور الرائع |
وانا مزهريه قاعد بزاويه المنتدى لا بهش ولا بنش
أدري بهالشي وانا معقب وماقلت مو فاهم فشلتني الله يفشلج وياريتني مارديت هههههههههههههههههه |
ههههههههههههههههههههههه محشوم والله يمكن انا فهمتك غلط |
مبروك على الزياده
لكن بصراحه انا اضحك على فرحة الناس بهل زياده بصراحه مثل ما قالوا الاخوان راح ترتفع اسعار البيوت او الشقيق المأجره يعني كانك يا بوزيد ما عزيت والفضل بهذا يرجع طبعا لمجلس الامه اهم برايي اساس لهذه المشكله كيف تستطيع الحكومه السطيره على السوق ومجلس الامه يعطل كل القوانين التى تطالب بها الحكومه ويتعمدون تعطيلها بحجة ان الحكومه لا تريد الانصاف بشعبها انا ساذكر قانون المرور الذي رفضه مجلس الامه بحجة تعسف على المواطنين ونرى الاعضاء يصرحون بان على وزارة الداخليه وقف حرب الشوارع الدائره بكل شوارعنا حتى وصل الاستهتراء بان هناك حوادث انقلاب تحدث عند المساكن وليس على الطرق العامه كيف تقف وزارة الداخليه وتتصدا لهذه الظاهره هل بمخالفه قدرها 5 دنانير هذا من انجازات مجلس الامه والقانون الثاني قانون الضرايب الكل خايف منه طبعا بس الحكومه حددت سقف معين اي ان اصحاب الدخل المحدود ما راح يتاثرون ابي دوله بالعالم ما تاخذ ضريبه على المحلات ربما فيه لكن هل تعلمون اذا المواطن الكويتي اذا فتح محل بالشويخ يحارب من قبل العماله الوافده يعني لو تفتح محل مثلا قطع غيار وتبيع مثلا الدهن بسعره الطبيعي دينار واحد تعلم ماذا تفعل هذه العماله تقوم بانزال السعر تعرف لماذا حتى لا يفكر الكويتين بالدخول بهذا المجال تعرف كم يحولون الى بلادهم تعرف انهم يملكون محلات ويتحكمون بالاسعار وين الضرايب على اصحاب المحلات وين الضرايب على تحويل الاموال الطائله الى بلادهم تعلم عندما تطبق الضريبه ستلجأ الشركات الى استيراد ايدي عامله ماهره اي ايدي متخصصه الان الشركات ما يهمها مافي ضريبه على عمالها ما تدفع ضريبه على كل عامل تحضره الشركه البلاد امتلئة بالعماله الوافده بدون فائده الكفيل مرتاح مافي ضريبه على هل عامل وانا لا اقصد الخدم الشركات تتحكم بالاسعار طبعا ما في قانون يحكم الاسعار ولا تستطيع ان تضع قانون يتحكم بالاسعار لاكن تستطيع ان تجعل الشركات تخاف بان اي رفع للاسعار او التلاعب عليها راح يثار فيها اولا الحكومه ترفع الضريبه على الشركات اي ان الشركه راح تظطر الى رفع منتجاتها وبهذه الحاله راح تخسر عملائها العميل يبي شي له جوده وبسعر محدود اي راح يتجه لشركه سعرها معقول هنا الحكومه تستطيع السيطره على كل شي وطبعا الحكومه عارفه مخاوف الشعب من الضريبه وعلى شان جذي حطت القانون ونشرته بالجريده اي ان اصحاب الدخل المحدود ما راح يحوشهم شي وراح يعم الفائده على البلد والمواطنين مافي دينار يطلع من البلد الا ناخذ ضريبه عليه فتخيل الملايين الي تطلع من الكويت تخيل ضريبه على المحل لو فرضنا فرضا طبعا 200 دينار وربح المحل نقول 3000 طبعا اقل كراج اجاره بالشويخ على ما اذكر1200 اخصمهم من 3000 راح يصفه 1800 250 ضريبه بالمستوى الشهري راح يصفى1500 5 عما لمساعدين لو فرضنا كل عامل معاشه 100 راح يصفى 1050 عمال خبره قول 2 شي طبيعي معاشه 250 بدون نقاش راح يصفى له 550 ضرايب اخره مثل علاج وشوارع والذي منه قول على المستوى 20 300 و220 يبي يدزهم فجج ضرايب تحويل العمله وتعال لمه يحول العمله ببدله جم راح ياخذون منه يعني راح ينشفونهم على الاخر وما يقدر يوفر شي لاهله وبهذه الحاله ما راح يفضل انه يكون صاحب محل راح يفضل ان يكون عامل بالمحل باجر مناسب اي انه صاحب خبره وما راح يحارب الموطن الكويتي بهل عمل وراح يفتح المجال للمواطنين للعمل وراح يخف العبئ الحكومي في المصروفات وراح تخف مشكلة البطاله صح نسيت حتى المصافط الخاصه بالكراجات له ضريبه ههههههههه وبخصوص المواطن راح يقول نفس الطريقه ما راح استفيد لا راح تستفيد الحكومه موفره كراجات بدعم منها باجار شهره 50 دينار وبمراقبه شديده عليهم وضمان ان المواطن يعمل بالمحل وراح تدعم كل شي للمواطنين يعني على قولة المثل دهنه في مكبتنه للعلم فقط انا ما اعرف بالاقتصاد بس هذا الي فهمني ايه شخص له خبرته بالتجاره واهو قالها ليس من مصلحته ان الضرايب تطبق لانه راح تحكمه بكل شي يعني انا فقط انسان اقتنعت من كلامه رقم تخوفي بانه يطبق باسلوب ثاني وشكرا لكم |
هلا والله اشوف المنتدى منور اليوم :) صار لي فتره ماشفتك عسى المانع خير ياخوي نخش بالموضوع كفيت ووفيت والله بالنسبه للزياده راح ترتفع الاسعار 100 % وهذا شي متعودين عليه يعني صبه حقنه لبن المفروض من حماية المستهلك توقف هني وتراقب اذكر مره من المرات يوم زادونا مااذكر بالضبط على شنو كانت الزياده بس اللي اذكره ان الحكومه منعت ارتفاع الاسعار وناشدت المواطنين اي سعر تشوفونه زاد على طول بلغوا عن المحل المفروض الحين نفس الشي اي زياده بالايجار يتم التبليغ شوف اللي ساكنين وخالصين ماراح يتضررون تدري ليش لان قانون الكويت يمنع زيادة الايجار الا بعد مرور خمس سنين والزياده تكون 5 دنانير فقط لاغير يعني مو على كيف صاحب العماره بس اللي راح يتضررون هم السكان الجدد اللي يبحثون عن شقق الله يكون بعونهم والله ندخل بالضرائب وماادراك مالضرائب دولتنا راح تصير دولة مؤؤسسات بس تدريجيا الضرائب راح تصير للجميع بس الحين مايقدرون يحطونها مره وحده فقالوا لنا اصحاب الدخل المحدود ماراح يتأثر عطهم بس سنتين وشوف عزك الله واجلك الله لو تبي تستخدم حمام عام راح يطلبون منك ضرائب من متى صارت الكويت فبيها ضرائب ياجماعه احنا شعب ولله الحمد عندنا خير ليش الحكومه تبي تقصر او تضيق علينا الخناق في مره من المرات سوو استبيان وبحث عن معاش الشخص الكويتي واحد اميركي طبعا اللي سواه يقول الخير الموجود بالكويت يعطي الكويتي معاش قدره 10000 دينار بالشهر لكل كويتي تخيل شنو الناس شاده حيلها كويتي وكويتي ولو تطالع معاشه المسكين والله اقسمه لك بالميت ياخذ 700 دينار طبعا انا اتكلم عن حملة الدبلوم او الجيش او الداخليه طبعا المبلغ شامل اطفال وزوجيه وفوق هذا كله بس يعطونه لاربع او خمس اطفال يعني الواحد اللي عنده 6 او 7 يهال يبيع ترمز هههههههههه 700 شيل منهم 200 دينار اجار لان حكومتنا الله خير ماتعطينا بيوت الا بعد مرور 15 سنه من الزواج يبقى 500 دينار شيل 50 دينار سيلانيه يبقى 450 دينار شيل 200 دينار اقساط سياره للزوج والزوجه يبقى 250 دينار شيل 50 دينار نثريات ( 5 دنانير للحارس مال العماره علشان يشيل الزباله - 5 دنانير لغسال السياره - التموين عيش وسكر ودهن 10 دنانير - 30 دينار مصرف اولاد يومي للمدارس ) يبقى 200 دينار تخيل رجل وزوجه واولاد مصروفهم الشهري 200 دينار بس هذي شتسوي لهم انت الحين دش الجمعيه اشتري اغراض للبيت والله ماتطلع اقل من 100 دينار يبقى 100 دينار طبعا عندك بانزين ودهن سياره طلبات الاولاد المدرسيه ولاتنسا طلعات الاولاد والزوجه اذا بيروحون حديقه او بحر بالله عليك هذا معاش كويتي اها ونسيت شي في شغلات تطلع لك سنويه اقامة خدامه - سفرة خدامه - تسديد فواتير التلفون - تسديد فواتير الموبايل - ملابس للعيدين - دخلت رمضان - تسديد فواتير الكهرباء - ساره تخرب توديها الكراج - يالك مولود جديد تبي تجهزه - السووووق - .... الخ يعني يخلص الشهر يطلع الريال مطلوب ههههههههههههههههه وينه ووين الضرائب المسكين شعب عنده خير بس وينه الناس تحط امالها للعلاوات وتعال شوف جم العلاوه 10 دنانير ههههههههههههههههههه والله الواحد يفتشل منها الناس قاعده تضطر تفتح لها شركات وهميه علشان تطلع ربح من العماله الوافده اللي تجلبهم على رخصة الشركه وتقول لهم روحوا دوروا لكم شغل حتى هذول العمال من وين لهم فلوس علشان يحطون عليهم ضرائب الله واكبر من متى الكويت صارت جذي <<<<<<<< انفعلت من قلب اما بالنسبه لمجلس الامه فحدث ولا حرج شفت قانون المتقاعدين الاجباري ياجماعه اشفيكم هذول خبره واحنا بحاجتهم طبعا قالوا اللي طاف له 30 سنه بوزارة التربيه غصبن على عين امه يتقاعد وراحوا يابوا لنا مدرسين من الخارج طيب ليش * المتقاعد ينقص معاشه للنص * هذول المتقاعدين خبره بالتدريس يعني يطلعون اجيال واعيه وفاهمه * راح يكونون خايفين على عيالنا اكثر من الغرب انا بعرف ليش اجبرواهم على التقاعد وبعدين مجلس الامه مو فاضيين للبلد هذول فاضيين للخناق والصراخ والاهواش والاستجوابات عبر القنوات الفضائيه فشلونا والله اقتباس:
يعني نقول للمخالف بابا عفيه اذا تبي تخالف روح للطرق العامه علشان نمسكك ههههههههههههههههههههههههههه مجلس الامه شادين حيلهم لان الجلسات منقوله عبر التلفاز والله لو الجلسات سريه جان مالقيت ولاواحد يتكلم راحت ايامك يالسعدون :( وبعدين طالعين لنا بطلعه جديده كل يوم افتح جريده القى قرض حسن - تبرع .... الخ الحين انتو تقولون اقتصاد دوله ونبي نرفع اقتصاد البلد طيب هالتبرعات هذي ليش ؟؟؟ اعصار كاترينا اللي في اميركا عطوهم 500بحدود مليار ليييييييييييييييييييييييييييييييييييييييييييييش صراحه شاب راسنا واحنا نشوف اموالنا تروح لغيرنا واذا طالبنا بزيادة المعاش يقولون ميزانيه وهذا احتياطي الاجيال القادمه شر البليه مايضحك <<<<<<<<<<<< قلبها متروس تشرفت بمحاورتك بس اذا اليوم ماشفتني بالمنتدى دورني بأمن الدوله هههههههههههههه |
هههههههههههههههههههههههههههههههههه
كل هذا خاشته بقلبج هههههههههههههههههههههههههههههههههه والله المانع خير تعبت من النت قلت اريح اسبوع اجازه واشكرج على هل بادره الحلوه منج والله كلامج مقنع ومثل ما قلت انا ما اعرف بالاقتصاد وهذا راي شخص اقتنعت فيه ووضحت خوفي بانه ما يطبق بالشكل المرسوم اما انه يرجع عكسي على المواطن فهذا والله الي راح يخلينه اتعس الناس بصراحه الشباب صاروا يبتعدون عن الزواج بسبت ارتفاع اسعار كل شي محد قادر يسوي شي والسبب عدم السيطره الحكوميه على الاسعار صح كلامج بس شنو الحل امس بلغني احد الاشخاص ان المصافط المخصصه بالبيوت راح يكون عليها ضريبه بواقع دينار واحد شهري الله يستر باجر ياخذ ضريبه على الزواج وعلى الانجاب وبصراحه هل امور ادوخ فيها ولا افهمها واكبر دليل اقتناعي بقانون الضرايب وشفت ردج خفت من هل قانون والله يعين الواحد ما يعرف شنو قاعد يصير بس الناس خايف والله يستر والف شكر لج اختي نثيه |
طبعا الناس خايفه شي جديد عليهم عمرنا بالكويت مادفعنا ضرائب من متى الكويت صارت جذي باجر حتى المستشفيات والمستوصفات ضرائب ومجلس الامه ساكته الله يستر بس انا اقول جهز جنطتك وتعال معاي نهاجر الى جزر الواط واط :) مو مشكله اذا يبونها سالفة ضرائب خليهم يزيدون معشاتنا واحنا موافقين طبعا مجلس الامه مو فاضين هههههههههه قاعدين يفكرون بالالفين مالت الزوجه الثانيه كل من بقلبه شقا الليله |
ههههههههههههههههههههههه
شنو اسوي بجزر الواط واط شنو اشتغل مناك احسلي اروح البرازيل انظم الى احد العصابات واهرب التتن مجلس الامه ما عنده الا الحجي والقيل والقال الله يستر وانصحج بالانظمام معاي بالبرازيل وطبعا قبل ما ننحاش للبرازيل نضرب ضربتنه القاضيه ونسوي شركه وهميه ونبوق اموال المستثميرين الصغار طبعا الكبار ما نقدر وننحاش ومحد يقدر يطلعنه ولا تخافين على المستثميرين راح يبجون عند الحكومه لحقوا علينا يا حكومه باقوا فلوسنه نفس سالفة البورصه والف شكر لج اختي نثيه |
ههههههههههههههااااااااااااااااااااااااااااااااااااااي عارف لهم والله خلى الحكومه احط لمبالغ بالمديونيات مثل ماهو قاعد يصير :) |
| الساعة الآن 03:47 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر