::: هل هذه خيانة ؟ :::
 

لم تغفل عنه لحظة واحدة .. تحبه .. ترعاه على أكمل وجه .. لم يجد منها ما يغضبه
وهو كذلك وربما أكثر

ولكن ...

بلا سبب .. يتزوج امرأةً أخرى غيرها


فهل هذه خيانة !

ولماذا هي خيانة ؟

والله ما ادري شالقصه بالضبط

يجوز انها خيانه ويجوز انها مو خيانه

تكون خيانه اذا كان مواعدها او مواعدته بشي ( يعني زواج )

او يمكن يكونون مثل اخوان

او انها صداقه حاميه

او يمكن تكون امه

ما ادري الصراحه شنو الموضوع بالضبط

او يمكن اكون انا دايخ فيني النوم

:)

وشكرا

بهالحاله يا بنت السويدي تكون خيانه 100%

لأن هذا الشخص ما عنده سالفه

بما ان اهي مو مقصره معاه وتحبه وتصونه

واهو يحبه ليش الزواج من اخرى

الصراحه ما عنده نظر

والحين تقدرين تقولين ان شوي مصحصح

بس ما كنتي موضحه انه زوجته

وبما ان السالفه فيها زوجه مو مقصره تعتبر خيانه ثم خيانه ثم خيانه

ودمتم سالمين

شكرا

^__^

انا اظم راي من رايك

عشان الكلام الي قلته


بس في بعض بدوون سبب يتزوجون يعني ماعرف هل هو زياده عدد :) او شو بالظبط الله يعلم والا يمكن يكون تغير :p

يمكن انتهت صلاحياتها

لا مو زياده عدد بس يمكن يكون نقص في الريال

او انه يمكن يحب التغيير

بس بما ان المره مو مقصره معاه و مو ناقصها شي

مو معذور الصراحه

والله فهم فيهم يالحدب هم الرياييل

والله يقهروون الواحد

اصابعج مو سوا يا بنت السويدي

الموضوع من الناحية الدينية حلال إذا عدل بينهن (الزوجتين).
و لكن من الناحية العاطفية أظن هذه الزيجة سببت حزن لدى الزوجة الأولى نظير العطاء و الحب بينهما و لكن اعتقد أن الرجال تزوج غيرها لأنه يمكن يكون ما حبها فعلا أو مغصوب عليها أو حاب يزيد ذريته مع العدل بين زوجتيه.

بما ان ما فيه عدل خل يقعد عند زوجته الاولى احسن له ولا يفكر بثانيه

وشكرا

أختي العزيزة Nathyaa الآيات القرآنية ما تذكر بالمعنى.
قال تعالى في سورة النساء:(( وَلَن تَسْتَطِيعُواْ أَن تَعْدِلُواْ بَيْنَ النِّسَاء وَلَوْ حَرَصْتُمْ فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ وَإِن تُصْلِحُواْ وَتَتَّقُواْ فَإِنَّ اللّهَ كَانَ غَفُوراً رَّحِيماً (129) )), و ربما هذا الرجل الذي تزوج على امراءته يحاول أن يعدل بينهما أو يحب زوجته الأولى و تزوج الثانية لزيادة الذرية فقط.

الف شكر لذكر الايه الكريمه