|
ديوانية منتدى الشبكة الكويتية
[frame="2 80"][align=center]احبابي اعضاء الشبكة الكويتية
- - حبيت اني اقيم هذي الديوانية للجميع للطرح المناقشات الجاده بين الاعضاء في جميع مايتعلق بامورنا من قضايا ومشاكل نطرحها بينا ونناقشها نقاش جاد مستفيض الى ان نجد لاجديد يضاف فننتقل الى موضوع اخر لمناقشته . الفكره تكمن في طرح مواضيع متسلسله فيما يخص كل مايدور حولنا من قضايا ومشاكل بحيث يدلوا كل عضوا بدلوه بعيد عن اي مجامله - اتمنى ان تنال هذي الفكره رضاكم ومتابعتكم وكذلك اتمنى اذا فيه اي معارضه عليها تكتب بلا مجامله - اذا ان شاءالله كان فيه تأييد للموضوع بنطرح اول قضيه في الديوانيه انتظر ردودكم ياغالين :)[/align][/frame] |
الله عليك يا رولز ماشالله عليك
عن نفسي عيبتني الفكره ويعطيك الف عافيه |
حلو كسبت عضوه بارزه في صفي :)
وننتظر باقي الاراء قبل مانطرح اول موضوع |
فكره جميله رولز وأنا أضم صوتي مع الخت بنت السويدي
|
تسلم يازعيم
صراحه انا عملت حساب ان القضايا احتمال تكون متنوعه مابين سياسيه واجتماعيه وصحيه فمالقيت احسن من منتدى استراحة الاعضاء لانشاء هذه الديوانية للمناقشه الفياضه - مابي اتاخر بالموضوع الاول :) الاثنين الي راح كان فيه حادث مروري نتج عنه وفاة شاب الله يرحمه ويسكنه جناته ويغفر له كلنا يعرف ان الحوادث يوميه وبقضاء الله وقدره ولكل شي سبب الموضوع الي اثارني مابلغني فيه احد رجال الامن وقال لي سالفة هذا الشاب عمره 15 سنه طالب ملفه في المرور مخالفات لاتقل عن 4 بمدة محدوده قياده من غير اي رخصه السياره الي صار فيها الحادث سيارة والده الشاب الله يرحمه اوقف من المرور مرتين واخرج بواسطه ومعرفه سبب التوقيف الاستهتار في القياده (( التفحيط )) وعدم حمل رخصه -- احبابي كلنا عندنا اخوان اصغر منا وفيه من عندهم ابناء هالشاب الي توفى بسبب استهتاره عاشرا وبسبب اهمال اهله له اولا واخيرا كل هالاشياء منو المسؤول عنها ليمتى ؟؟؟ طيب هذا توفى الله يرحمه والاهل اتعضوا يمكن ويمكن لا الله اعلم والباقين في الشوارع الي نشوفهم يوميا وين الخلل؟؟ الحكومه شنو مطلوب منها تجاه هالمشكله ؟؟ البيت شنو دوره؟؟ انت كعضو قول لي نظرتك لهذي القضيه من جميع الجوانب لااحد يبخل علينا بحروفه نبي المسببات ... نبي المواقف .. نبي الحلول اتمنى نستفيد من الكل |
بسم الله الرحمن الرحيم
وإن لله وإن أليه راجعون القوانين صارمه لاشك بهاذي الامور أنما تدخل الوسيط هذا شي وارد ويقول المثل (( لأجل عين تكرم ألف عين )) ولاكن مو في كل الامور يجوز التهاون أنت تقول قد أمسكة الشرطه مرتين وفك قيد بسبب الوسيط هذا أكبر غلط اللذي شجع الشاب على فعل ذالك وأيضاً الاب له دور نحنوا نعلم أن مثل هذا السن مراهق يريد أن يقود السياره بأي شكل من الا شكال وبأي عذر وعند قيادته للسياره لا شك بأن يقوم بحركات بهلاونيه بالسياره خاصتاً أن كان الشاب لديه أصدقاء ســــوء قد يشجعوونه ثم يضع نفسه بالتهلكه. يجب أن لا يتهاون الاب وأعطاء مفتاح السياره وخاصتاً بهذا العمر انا أتكلم ولا أجمع كل الشباب فيهم الخير ولاكن أتكلم من باب أن الشرطه قد مسكة به مرتين بسبب الاستهتار والرعونه والاب شي طبيعي بأنه يعلم بذالك فلا يجب للأب أعطائه المفتاح . بالنسبه لي أنا الووم الأب على ما حصل بأنه سلم مفتاح المقود لولده المستهر وهو يعلم بأن الشرطه قد سامحوه بفعلته اللتي فعلها. ولي نقاش وعوده بهذا الموضوع فعلاً موضوع مميز وذو فائده كبيره عند الاباء قد يستفيدون من خلاله شكر خاص للأخ رولز والله يرحم الاحياء منا والاموات. |
الف شكر لك رولز على الموضوع الرائع
انا حبيت اني اشارككم بالموضوع الهام جدا وحبيت اني اقول ان الغلط متوزع على ثلاثة اولهم الاب لانه يعلم ان الشرطة القت القبض على ابنة وهو في خالة استهتار ويعلم ان هذا الشي غلط من اساسة اما الخطأ القاني فهو على الشرطة لانهم قاموا بالسماح لهذا الشباب في كل مرة يمسكونه بها وهذا عو الذب بشجع الشباب على فعل هذا دون الادراك بخطورة الموقع اي ان السماح لهم يزيدهم اصرار على فعل ذلك اما الخطأ الثالث فهو على الوسيط الذي قام بالتدخل مرتين لاخراج هذ المستهتر من الحبس دعنا نسأل الوسيط ماذا يكون رد فعله لو ادى استهتار هذا الشاب الى قتل احد اغاربة او احد ابنائه ولكن الوسيط لا يفكر الا في الوصول الى مجلس الامة علما بان هذا النوع من التوسط يضمن للوسيط صوت المتوسط عنه ل |
عساكم على القوه
الموضوع ياخوان اسبابه اهمال شامل من البيت والاداره المروريه يمكن تكون الحلول صعبه شوي عندي في بالي اقتراح لو يسوون قسم خاص للمخالفات يتكون من رجال امن من خارج المنطقه يعني يكونون من اماكن بعيده بحيث ان الواسطه معاهم ماتنفع ويكون رئيسهم ايضا من خارج المنطقه - اي شاب يستهتر بالقياده او يقود من غير رخصه ويخالف اكثر من مره تصادر سيارته لان لو تصادرت السياره بتكون ردة فعل الاب كبيره وبيحاول يحل هالمشكله عساكم على القوه مره اخرى وبانتظار آراء الاخرين |
الديوانية هاديه ليش :)
|
يا سلام عليك
خووووووش فكره لمناقشه اهم القضايا يعطيك الف عافيه |
رولز أقتراحك بالنسبه للمشكله هاذي صعب شوي
بالطريقه هاذي سوف تعذب الموظف الذي سوف يعمل بالمنطقه البعيده عن أهله وأقاربه ووضع قسم فرعي بالجهه المروريه مخصصه لعنصر الاستهتار هم صعب شوي قد يكون تكلفه على الدوله بنفس الوقت فلنفرض أن المشكله نعالجها بالكويت او البحرين دوله صغيره لو جبت موظف من الشمال الى الجنوب لابد من معرفه اذا أنت تتكلم عن المشكله بشكل جماعي اعتقد الاقتراح أصعب من المشكله انت قلت (( الموضوع ياخوان اسبابه اهمال شامل من البيت )) وأيضا ادرارة المرور المرور ماهو مقصر لولا تدخل الوسيط ولاكن ألووووم الاب على ذالك كيف يعطي سياره لأبنه وهو قد طرح من المرور بسبب الاستهتار انا أعتقد استهتار من الاب ايضاً وهو يتحمل المسئوليه فلنفرض أن المرحوم أثناء الحادث توفى معه الطرف الثاني من الذي يدفه (( الاديه )) وأنت تعلم بالقوانين نص بالقانون يقول (( القانون لا يحمل مغفلين )) من هم المقفلين الاغبياء .....لالالالا القصد بها الذين لايدركون المشكله الا بعد وقوعها هم اللذين يتحاسبون على ذالك فأنا من هذا المنبر أطلب من الحكووومه او الجهات المعنيه بوضع قانون لردع هذا الاستهتار وأطلب منهم ايضاً بوضع مخالفه جسيمه وغرامه ماليه كبيره او السجن اذا تكرر ذالك على الاب الذي يترك المقود الى شخص مستهتر ليس لديه رخصه قياده ,,,, كيف للأب بأن يعطي مفتاح السياره لشخص يقوودها بطريقه غير شرعيه الا يعلم بأن هاذهي جريمه بحد ذاتها ؟؟؟؟؟ أدري انا خذاني التعبير وانفعلت معاكم ولاكن هاذي اهي الحقيقه اللوووم كله على الاب دام ولدك غلط مرتين ليش اتسلمه طريق الموت الله يبيح منا ومنه وأسف على الاطاله . |
يعطيك الف عافيه
خوش ديوانيه بس خوفي ان المنتدي العام المختص بمناقشة قضايانا يموت انت طلب رأينا بدون مجامله ولكن هذا لايمنع ان الفكره رائعه استاذي قبل لانبدي وين القهوه :) ______________________ المشكله تتلخص في جمله وحده الواسطه الواسطه خربت بيوتنا وضيعت عوائل ويتمت اطفال بصراحه واظلمت ناس وايد طبعا هذا مايقلل من دور الاسره في التربيه هم احمل الاسره انا السبب الرئيسي بس يالغالي كل رب اسره مرتاح لان وراه ظهر وسند ( واسطه ) والله ظاهره موجوده كل ماتصير مشكله الريال سحب معاه عضو من مجلس الامه وخلاه يحل له مشكلته اذكر سالفه صارت بالكويت من جم سنه خوات ثنتين يعيشون مع امهم في بيت واحد بمنطقة العمريه البنت الاولي ( أ ) متزوجه وعمرها 17 سنه البنت الثانيه ( ع ) غير متزوجه وعمرها 16 سنه زوج الاخت كان ينام ويمارس الزنا مع اخت زوجته صاحب البنت الصغيره او حبيبها عرف بالموضوع طبعا صاحبها ابن عضو مجلس الامه انتظر زوج الاخت الكبيره عند مدرسة رقيه بالعمريه الساعه 12 بالليل واول مادخل الزوج من الشارع رماه بالمسدس ومات الزوج طبعا ام ولد العضو هرب والله والله والله واقسم بالله ماطاف علي الموضوع يومين الا استخرجوا للولد كرت من الطب النفسي في انه مختل عقليا وتركوه بالطب النفسي لمدة 4 ايام بعدها طلع من المستشفى عادي وطافت السالفه هذي هي االواسطه الحل باعتقادي مثل ماتفضلت تشكيل لجنه من خارج الدوله لحل مثل هذه القضايا اما بالنسبه للاسره فحدث ولا حرج استهتار وقلة تربيه طفل ماعنده اجازه شكووو يعطونه سياره الي متي الاستهتار ماراح نتقدم ولا خطوه طالما في شي اسمه واسطه اشكرك استاذي للديوانيه الرائعه واكرمكم الله خوش عشا اليوم :) |
صارت لخبطه شوي
ارجع اشارك مره ثانيه |
معاك يازعيم في كل الي تقوله
وتبقى المشكله الواسطه حتى لو حطوا قوانين رادعه |
في مشكله صغيره
|
الف شكر استاذي علي اتاحة الفرصه لي
القضيه اللي معوره قلبي هي القروض والديون كل اسره وكل فرد عليه قرض ومطلوب اما لبنك او لشركة تسهيلات وللاسف ان الحكومات قاعده تتبرع للدول الغير وتاركه شعبها ومواطتيها يعانون من الاقساط قاعدين انشوف اموالنا واموال الجيل القادم قاعده تروح سدى لاناس مايستاهلون واحنا علينا ديون مو حرام ياريت الكل يشاركني بهالقضيه ويقول لي رايه هل ماتفعله الحكومه صحيح ام غلط وشنو دورنا بهالقضيه وشنو الحل اشكرك استاذي علي اتاحة الفرصه لي مره ثانيه تم تثبيت الموضوع |
يعطيج العافيه نثيه
قصه مؤلمه الي قلتيها صراحه وربي يعين اهلهم - بالنسبه للديوانيه انا قلت من الاول ان المواضيع يمكن تتنوع اذا انتي شايفه ان مكانها المنتدى العام اوكي ننقلها هناك عشان المنتدى العام مايموت |
الله يرحمه ويغمد روحه الجنه
تسلم يا رولز عالموضوع صح انه هالشي صاير بكل مكان وكل هذا بسبب الاهل لا رقيب ولا حسيب من ناحيه الاهل يعني ياخذ السياره من دون شور اهله بس لازم على الاهل انهم يراقبونه وينصحونه صح البعض ماتنفع النصيحه والكلام وياهم بس لازم يوقفونه عن حده اذا بالغ فهالشي رولز صدقت الواسطه تشتغل بكل مكان للاسف وهذا الشي يشجع الشخص او الشاب بفعل اي شي يخالف القوانين اذا كان له سند او واسطه يعني راح يسوي اي شي يباه لانه عارفه نفسه لو حصل له اي شي راح يطلعونه من السجن يعني محد استفاد من هالشي وراح يسوون زياده وماهمهم شي يعني لا الدوله استفاده من شي ولا الاهل ولا استفادوا من ردع الشباب بفعل هالاشيا المخالفه القليل منهم الي يتسفيدوون من النصايح والقوانين والكثير منهم الي يخالفوون القوانين انا اقول السبب الاول الاهل والسبب الثاني الدوله يعني لو يسحبوون سالفة الواسطه بكل مكان والله الدوله راح تمشي بسلام بس ماظن هالشي راح يصير انزين ليش فالدول الاجنبيه يشددون من ناحيه السواقه والليسن ( الرخصه) ومن ناحيه السرعه والحين هم عايشين بسلام يعني يمشوون بالقوانين الصارمه عليهم وياريت لو يطبقون لو الربع من قوانينهم اتمنى هالشي يسلموووو رولز عاموضوع ويعطيك الف عافيه |
القضيه اللي معوره قلبي هي القروض والديون
كل اسره وكل فرد عليه قرض ومطلوب اما لبنك او لشركة تسهيلات وللاسف ان الحكومات قاعده تتبرع للدول الغير وتاركه شعبها ومواطتيها يعانون من الاقساط قاعدين انشوف اموالنا واموال الجيل القادم قاعده تروح سدى لاناس مايستاهلون واحنا علينا ديون مو حرام اختيار رائع اختي نثيه للقضيه - القروض مايقدر ياخذها المواطن الا بتسهيلات حاصله من الشركات يعني تعال خذ قرضك وادفع على راحتك هالشي بيغري المواطن انه ياخذ قرض حتى لو مو محتاجه يقول احسن فيه وضعي الاجتماعي اشتري سياره اشتري شغله لي من هالامور - الحكومه عذرها ان المواطن ماخذ قرض من شركات وبنوك غير حكوميه يعني مالها اي سلطه انها تجبرها تحدد القروض وطرق الدفع طيب نقول ليش ماتدفع الحكومه ؟ الحمدلله الخليج بخير وربي يزيد ويبارك لكن الحكومات الخليجيه تحدد ميزانياتها من اول السنه لي اخرها (( الحكومه الي تشتغل صح )) وهالميزانيات تكون لخدمة المواطن كميزانيات صحيه وتعليميه وانشاء مشاريع اذا الحكومه بتدفع كل قرض على المواطن بتكون فيه اعباء ماليه عليها ولنفرض دفعت وصارت هذي الاعباء .... تتوقعون منو الي بيتحملها؟؟؟ اكيد المواطن ماحد غيره (( بدال لاتدش الجمعيه بعشرين دينار بتدشها باربعين وبخمسين وياليت تكفي )) وفيه شغله ثانيه .. الحكومه اذا دفعت الاقساط عن المواطن اكيد بتقنن القروض عشان ماتتكرر الحادثه نفسها يعني بتصعب القروض وبتفرض شروط قويه على البنوك والشركات ووقتها بيتعب المواطن اكثر واكثر هذا رايي الخاص بهالقضيه |
لي عودة للموضوع ويجب علي قراءة الديوانية من أولها لآخرها
لي عودة إن شاءالله :) ولاهنت يارولز |
يسلمو على المرور اخوي الذهبي
طبعا صارت شويه لخبطه عرضنا قضيه الاستهتار بالسيارات وقيادة الصغار لها في البدايه وانهينا النقاش فيه وتم اختيار الاخت نثيه للموضوع الثاني وقدمت لنا قضية الديون والقروض وعدم تسديد الدوله عن المواطن في وقت تدفعها للخارج اتمنى ابداء جميع الاراء فيما يخص موضوع القروض - عساكم على القوه :) |
اشفيكم ملخبطين الدنيا فوق وتحت
<< انا ضعت الصراحه :a54: |
السلام عليكم ورحمة الله وبركاته
أولاً احب اشكر جميع اخوتي المشاركين هنا بفكرهم وأقلام, صراحه أستمتعت كثيراً بقرأتي للموضوع ووجدت فيه ما أسعدني وضايقني نوعاً ما... أسعدني التواجد الجميل من كبار كتابنا, كما ضايقني عدم وضوح نقاط محور الحديث, هنا وجدت صعوبه كبيره في الانظمام لمركبة النقاش... كم اتمنى من الشباب بعض النقاط: اولها تحديد مسار النقاش لكي نتفادى ما يسموه بالنقاش العقيم. ثانياً ارجوا ان تكون جهة اغلاق النقاش واحده اي صاحب الموضوع اخوي رولز ولكن بعد افصاح جميع المشاركين عن أرائهم ووجهات نظرهم بصوره لائقه للمتصفح. والله احبتي هذا من لهفتي على المشاركه معكم لكن أين ومتى ؟ هنا الكلام... لكم خالص احترامي وانا هنا معكم... المؤدب |
كلام اخوي المؤدب صحيح
خلو المواضيع من رولز واللي يبي موضوع نتناقش فيه يرسل رساله خاصه اليه وبعد الانتهاء من حل القضيه الاولى نتحدث بالثانيه انا بالنسبه لي لم انتهي من الاولى لي أبدأ بالثانيه كل وحد ولها عدة نقاشات من الاطراف يجب عليك رولز أعادة النظر مره أخرى هل نتناقش بالقضيه الاولى وانا أفضل بأن نكملها وبعدها بأتي بالثانيه ؟ |
هههههههه ياجماعه والله اللخبطه خارجه عن الاراده ومو مقصوده
شوي شوي علي عموما الآن اغلب الاراء في الموضوع الاول اتفقت نبتدي (( قضية الديون والقروض وعدم تسديد الدوله عن المواطن في وقت تدفعها للخارج )) - - نقول بسم الله :) |
بسم الله
انا أخر رد لي كان (( الرد: 11 )) وأطلب فيه القوانين الرادعه على الأب وانت رديت (( معاك يازعيم في كل الي تقوله وتبقى المشكله الواسطه حتى لو حطوا قوانين رادعه)) لا انا اقوولك الوسيط ماله دخل سواءً فقط كسب الطيب للطرف الاخر من الذي دفع الوسيط الى الشرطه الأب وانا قلت خل نفسك شرطي واتاك شخص يتوسط لمخالف وانا تعرف الوسيط معرفه تامه ولا تستطيع رده قسماً بالله اتقوم اتوجبه وتطلق سراح المخالف وهذا الشي لايمنع ولاهو غلط (( إن الله رحمن رحيم )) فكيف للبني أدم الا يتسامح ؟؟؟ الأب هو سبب المصائب هو الذي شجع أبنه لفعل ذالك وهو يعرف انه قد أخطأ مرتين...!! أترك لكم النقاش |
ههههههههههههههههههههههههههههههههههههههههههه
طيب لايهمك راسك عنيد يعني بعديها هالمره :) اوكي نثيه بتصبر علينا شوي وبتطول بالها لين اخلص مناقشه مع الزعيم :9 الحين قول لي يازعيم منو يقدر على الواسطه؟؟؟؟؟ الحكومه سوت قوانينها وسنتها بكل حزم على المخالفين وبلحظه من اللحظات لقيت لاسمح الله واحد من اخوانك او اهلك مخالفينه بسبب تهوره في القياده او عدم حمل رخصه تتوقع لو عندك سلطه وتقدر تطلعه ماراح تطلعه؟؟؟ ماجدامك الا طريقين ياتطلعه بواسطتك وبهالطريقه ماسوينا شي ياتخليه والناس عارفه انك تقدر تطلعه واول من يقلب عليك اهلك ويقولون مافيه خير لان هذا مجتمعنا وهذي تركيبته - الواسطه صعبه بهالامور وغيرها صدقوني الحل الوحيد الوالدين يربون ابنائهم على الصح ويراقبونهم وربك المصلح :) - عساك ارتحت يازعيم بس هههههههههههه |
الحمد الله على كل حال انا كلامي واضح وأقول الوسيط ماله دخل بالموضوع الوسيط مجرد خدمه يقدمه لهذا الأب المستنجد ولا كن أين انت يالاب يوم مسكت الشرطه ولدك اول مره بسبب الاستهتار ليش ما وضعت ردع لأبنك
وهددته بأن لو مسكتك الشرطه لن أطلق سراحك وبالفعل يوم مسكته للمره الثانيه ليش ارسل الوسيط مره أخرى ليش ما تركه بالقسم حتى يتأدب قد تكون خيره لهذا الشاب ةيخاف من بعدها .... نحنوا نعرف ان الوساطه سلك الضياع قد تكون سلبياتها أكثر بكثير من إيجابياتها اما من خلال المشكله هاذي لا الوسيط خارج الموضوع وليس له ذني بل يتحمل المؤوليه الأب طبعاً يا رولز كل شخص فينا لديه وجههة نظر انا هاذي وجهة نظري اذا بتغير الموضوع كيفك هاذي ديوانيتك وانا اللحين جالس اتقهوى فيها وانا قشك وراح اناقشك بأي موضوع تطرحه :) نثيه تبين موضوع القروض الظاهر القروض ماكله راتبها كيفها من طقها على ايدها واتروح تطلب هههههههههههههههههههههه وجايه هني تبي احد يأزرها يبى حنا هني كلنا اهل الكاش مو مطلوبين هههههههههههههههههههههههههههه موضوعج على العين والراس اذا تبون النقاش عليه فليبدأ احدكم وانا حاضر |
تسلم يازعيم بننتظر آراء الاعضاء
وبعدها بننتقل لمووضوع نثيه موضوعنا هذا خلاصته اتفقنا من المناقشه 1- الدور الرئيسي لحل المشكله ينطوي على الوالدين بالتربية الصحيحه والارشاد 2- الواسطه متفشيه بالمجتمع بحيث لانستطيع مقاومتها وحاليا ليس لها حل عدل كلامي ياخوان؟؟ اذا فيه اي اضافات لااحد يبخل علينا |
انا من جهتي ماعندي مانع
|
ههههههههههههههههههههههه
مومشكله ننطر شوي بانتظار باقي الاراء |
مافي أسقاط قروض لاتخافين اقعدي على مافعلت يديكي ههههههههههههههههههههههههههههههه
|
وين اهل النقاش ؟ :)
الموضوع للتذكير (( استهتار الشباب اثناء القياده خصوصا صغار السن الطلبه الذين لايحملون رخص قياده )) من المسؤول ؟؟؟ ماهي الاسباب ؟؟؟ ماهي الحلول؟؟ :) |
اقتباس:
انت سكرت على الموضوع لننتقل الى الموضوع الثاني وانا معك والاقتباس من ردك لا تعقدني :a45: انتظر بأن تبتدوا بالموضوع الثاني وانا اشارك معكم |
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ليدر وربي انت عسل |
أستريحي انتي يا أم القروض الديوانيه ماتدخل ناس بكره يدخلون السجن بسبب قرووضهم هههههههههههههههههههههههههه
والله لو صج كان محد دش العموم لديه قروض انا عجبني موضوع القروض راح أبدأ فيه يجماعه القروض مصيبه كبرى على مجتمعنا الحالي مثل ما تفضل أخوي الكبير رولز يجك البنك ويقولك أفتح يدك وانا أعطيك المال اللي تبيه وبي أقساط ميسره كلامه حلو البنك ومغري لاشك فيه لاكن وين العقل بهذا الموقف الا تفكر كم ستدفع لهذا البنك مقابل هذا المال اللي سوف تأخذه وكم يتبقى من راتبك بسبب الاقساط ؟؟؟؟؟؟؟؟؟؟؟؟؟؟؟؟؟؟؟؟؟ نحنوا نعلم فيه بشر حالفهم الحظ وأرتزقوا بفضل الله ثم أخذ هذا القسط بالتجاره وغيرها من أعمال وفي ناس قد يكون سد لثغرات ومستلزمات الحياة ولاكنها مصيبه كبرى علينا أترك النقاش لكم ولي عوده . :) |
طق طق طق ممكن ندخل :*___^:
تفضلي حياج بعد قلبي الديوانية جنجفة ديوانيتج شرايكم نلعب جنجفة طارية علي اليوم المهم كيفكم شو اخباركم عساكم بخير الله يسلمكم شفتوناشلون اني اصيلة ولكن مب اصالة اصيلة ورديت لكم مالي غنات عنكم يالله ربحو فيني :a77: |
الرجاء من الاخوه عند دخول الديوانيه تخفيف السرعه وعدم الصعوووووود الى
7 7 7 7 7 7 7 7 7 7 7 7 7 7 7 7 7 7 7 7 7 7 7 https://www.kwety.net/kwety1/q86/K20.jpg |
هههههههههههههههههههههههههه
ان شاء الله طال عمرك والله اني دخلت عليكم عرض ولا ادري عن شنو تتكلمون خخخخخخخخخخخخخخخخخخخخخخخخخ واللي بيصعد راح اعطيه مخالفة عودة |
والله شكلي بغير الموضوعين وبابتدي بثالث :)
- القروض لتحسين الوضع المادي للشخص تكون على اساس خطه مدروسه مو اخذ القرض وبعدين افكر اذا فيه مشروع تجاري يدرس بالاول وتنحط له ميزانية تحت دراسه اكثر من مره وبعدها يروح الشخص يستلم قرضه بالحد المطلوب والافضل تسديد القرض من ايرادات المشروع - اذا القرض لسد دين ملزوم سداده بشكل فوري اوكي يقترض الشخص لحاجه فقط ويقوم بتسديده على دفعات وربي يعينه هذا مانقدر نقول له شي - اذا القرض للكماليات فقط والمظاهر هذا اكبر غلط مثل الي يشتري عنده سياره ويروح يقترض عشان يشتري موديل جديد رغم ان سيارته اوكي مافيها شي وفيه الي يقترض لتغيير اثاث البيت والديكورات رغم ان بيته من احسن مايمكن بس يقترض للتغير هذا صراحه مايفكر في مستقبل ولا شي نظرته دائما تحت خطوته - القروض في الاخير البعد عنها ابرك والله |
| الساعة الآن 10:19 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر