|
الى متى نشرب الشاي بقلاص جبن ؟
السلام عليكم
اخواني واخواتي اعضاء منتدى الشبكه الكويتيه يوم عن يوم والغرب يتمادون في الغلط على نبينا وديننا الى متى المقاطعه فقط بالكلام وليش بالفعل الى متى في كل مكان تلقى منتجات دنماركيه قبل فتره اعلن اتحاد الجمعيات الكويتي مقاطعه المنتجات الدنماركيه وحتى الان منتجاتهم تملاء الجمعيات من كي دي دي وغيرها الى متى تدخل اسواق الجمله ونجد مليئه بمنتجاتهم الى متى مركز سلطان متروس بالمنتجات الدنماركيه على فكره ترا مو بس الكويت المملكه العربيه السعوديه في اغلب الاسواق الموجوده بالمحطات موجوده منتجاتهم وبكثره الى متى المقاطعه فقط بالاعلانات والشعارات انظرو الى الاوربيون كيف تكاتفو وقررو ووضعو اتحاد اوروبي لحل مشكله الدنمارك ووضع على منتجاتهم صنع بالاتحاد الاوروبي اتمنى التشدد بالمقاطعه وأخذها في سبيل الجديه من الجميع في الاسبوع الماضي اندهشت لما وجدت منتجاتهم في اغلب الاماكن بالمملكه في كل مكان صرت اجد هذه المنتجات (اين المقاطعه؟) متى تخلو اسواقنا من هذه المنتجات ؟ بانتظار تعليقاتكم |
ياهلا فيك باد بوي
ابغي اعرف شي هل منتج كي دي دي هو منتج دينماركي..؟؟ لان الكل يقول انه منتج كويتي وهذا الي شفناه عندنا بالجمعيات انه منتج كويتي مب دينماركي مثل مايظنون الناس ابغي جاوب سريع هل هو منتج كويتي والا دنماركي ويسلمموووو باد بوي |
وعليكم السلام
اختي الغاليه هذا منتج دنماركي يعني لو انفكر اشوي الكويت من وين لها هالكميات الهائله من الالبان ؟ اظن مزارع الابقار عندنا بالكويت قليله جدا يعني من المستحيل اتغطي كل هالمنتجات اللي نلقاها بكل مكان هذا منتج دنماركي ومثل ما وضحت الاخت نثيه في موضوع لها بخصوص هذه الشركه شاكر لج مرورج |
يعطيك الف عافيه عالتوضيح
بس عندنا بالامارات حاطين بالجمعيات انه منتج كويتي عالعمووم يسلمووو باد بوي |
اي والله
للاسف ان الشركات قامت تتبرا من اصلها اغلب الجمعيات فعلا قاطعة المنتجات ولكن تبقى فئه قليله الله يهديهم وهذا دور الحكومه والدوله نتمنى فعلا مقاطعة منتجاتهم بجميع الجمعيات تسلم باد باي |
تسلمون على المرور
على فكره نثيه ما فيه جمعيه تخلو من هالمنتجات جميعهم موجوده فيهم منتجات كي دي دي وين المقاطعه صارت بس بالكلام لا هنتو على المرور |
لان شركة كي دي دي تبرت من كونها دنماركيه
ثانيا هذول حيتان بالسوق الله يخلي فيتامين وااااااااااااااااااو واااااااو = واسطه |
يجماعه انتم ظايعين
من يقول Kdd مو منتج كويتي بالعكس كويتي واللي يبي يتأكد يشوف الرقم انا مثلكم في بداية الامر دخلو الشك فيني من اول ما ذكروه انه منتج دينماركي ورحت وتأكدت فعلاً كويتي ولا تنسون أيضاً عندنا شركة الالبان والبتراء مو بس Kdd |
اشكر لكم تعليقاتكم
اخوي في اي بي تقدر تقرأ اي منتج من منتجات كي دي دي راح تلقى مكتوب الشركه الكويتيه الدنماركيه اهنيه السؤال يا ترى حاطين كلمه الدنماركيه مجامله ؟ او انها فعلا دنماركيه السؤال الثاني أظن الكويت ديرتنا ونعرفها مستحيل يكون فيها البان تغطي هالكميه الهائله اللي نشوفها لدرجه توريدها لدول اخرى يعني هذي شركه كويتيه دنماركيه لكن على قوله الاخت نثيه فيتامين واو تلقى احد الواسطات وراء هذه الشركه تقبلو فائق الاحترام |
|
| الساعة الآن 12:20 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر