|
::: هل هذه خيانة ؟ :::
لم تغفل عنه لحظة واحدة .. تحبه .. ترعاه على أكمل وجه .. لم يجد منها ما يغضبه
وهو كذلك وربما أكثر ولكن ... بلا سبب .. يتزوج امرأةً أخرى غيرها فهل هذه خيانة ! ولماذا هي خيانة ؟ |
والله ما ادري شالقصه بالضبط
يجوز انها خيانه ويجوز انها مو خيانه تكون خيانه اذا كان مواعدها او مواعدته بشي ( يعني زواج ) او يمكن يكونون مثل اخوان او انها صداقه حاميه او يمكن تكون امه ما ادري الصراحه شنو الموضوع بالضبط او يمكن اكون انا دايخ فيني النوم :) وشكرا |
هههههههههههههههههه
الاحدب صدق شكلك دااااااااااااااايخ الموضوع عن الخيانه الله يسلمك :) قصدي خيانة الزوج بأنه يتزوج على مرته شو السبب دامها مو مقصره معاه شو السبب الي يخليه يتزوج غيرها فهمت الموضوع << ياخوفها هي الي تكوون دايخه لووووووووووووووووووووول تسلملي عالمرووووووووووور |
بهالحاله يا بنت السويدي تكون خيانه 100%
لأن هذا الشخص ما عنده سالفه بما ان اهي مو مقصره معاه وتحبه وتصونه واهو يحبه ليش الزواج من اخرى الصراحه ما عنده نظر والحين تقدرين تقولين ان شوي مصحصح بس ما كنتي موضحه انه زوجته وبما ان السالفه فيها زوجه مو مقصره تعتبر خيانه ثم خيانه ثم خيانه ودمتم سالمين شكرا |
^__^
انا اظم راي من رايك عشان الكلام الي قلته بس في بعض بدوون سبب يتزوجون يعني ماعرف هل هو زياده عدد :) او شو بالظبط الله يعلم والا يمكن يكون تغير :p |
يمكن انتهت صلاحياتها
|
لا مو زياده عدد بس يمكن يكون نقص في الريال
او انه يمكن يحب التغيير بس بما ان المره مو مقصره معاه و مو ناقصها شي مو معذور الصراحه |
والله فهم فيهم يالحدب هم الرياييل
والله يقهروون الواحد |
اصابعج مو سوا يا بنت السويدي
|
تسلمين حبوبه للموضوع
وين الخيانه في الموضوع ؟؟؟ هو تزوج على سنة الله ورسوله والله سمح له بالتعدد اذا كان قادر انه يعدل بينهم وماذكر الله ان الزواج بالثانيه لازم تكون بسبب هذي من الناحيه الدينيه اما من الناحيه العمليه فانا اعتبرها اهدار لكرامة الزوجه الاولى وبزواجه من الثانيه يحسس الاولى انها غير ناضجه وغير كامله الانوثه اتمنى بينت وجهة نظري بالطريقه الصحيحه |
| الساعة الآن 12:41 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر