|
السلام عليكم
موضوع متميز أجتماعي بحت وهذا اللي نبيه أشكرج سوسو على الاختيار للموضوع (( المشكاره )) :) ________________________________ طبعاً الخدم مثل ماقال الاخ رولز ظاهره قد يتباها بها بعض العوائل والبعض تلقى عنده أثنين او ثلاث وهو لايستحق بحق القانون ان يجلب ولو وحده قاونون جيد وبه حنكه اللي عندكم بالسعوديه اولاً التخفيف من أستقدام الخدم وثانياً يجبر ربة المنزل بأن تأخذ وضعها الطبيعي في بيتها نحنوا نعرف نسوة اليوم يقولون تفرق عن أول انا ما أدخل المطبخ انا وانا ...الخ هذا أكبر غلط واللوم يرجع للتربيه من قبل الأباء ليش امهاتنا أفضل منا بشنو عندما كانت بالعمر التاسعه وربما أقل كانت تأدي عملها بالمطبخ وتتقنه أيضاً هل تغير الحال عليكي ...!! حتى ولو موظفه يجب يجب عليها أن لا تنسى واجباتها الزوجيه أتجاه البيت وتربيه الاولاد ويجب علينا مراقب الخدم عن بعد والله ماكوا اللعن من الخدم ومثل ماقالة سوسو من أمامك طيبه ومسكينه واذا خرجت طلعت قهر اليوم بأكمله للأبناء فيجب علينا مراقبتهم.. شكراً سعادة الرئيس . |
نتكلم بواقعيه بشوي
الحين صار اللي صار اتوا الخدم الينا لازم تعرف الحين طريقة معامله الخدامه وشنو الاسباب الليي تخليها تضرب الطفل وشنو الحل وبالنسبه لاخي رولز بصراحه شي جميل عندكم بالسعوديه احنا بالكويت عادي حتي المطلقه اللي ماعندها اولاد يحق لها جلب خادمه ههههههههههههه الخدامات بالكويت اكثر من الشعب ناهيك طبعا عن كل بيت يوجد فيه اكثر من خادمه علي سبيل المثال : بيت اهلي للعلم امي بروحها بالبيت محد معاها نهائيا عندها ربة منزل للاشراف علي البيت + خادمه لتنظيف البيت + طباخ + سائق طبعا علي سبيل المثال انا اقولك واغلب البيوت الكويتيه جذي يسلمووو |
اقتباس:
لا يجماعه هذا أكبر غلط بأن نعتمد أعتماد كلي على الخدم |
صح كلامك يا رولز وهذا الشي يقهر الوحده يوم بتعرس اشتبا فالخادمه
والمشكله انها توها يديده يعني لا عيال ولا شي بعد ليش هالبطره والمبالغه وانا وياك انه بعض البيوت تحتاج لخدم بس للضروره مثل ماقلت بس للاسف الي صاير العكس وليش مايطبقوون هالشي عندنا مثل قانونكم شي حلوو =================== انا معااااااااااااك يا vip وصدقت بكل كلمه قلتها الزمن تغير يا هح ومحد راح يسمعك الحين الوحده ماتتجرا ادش المطبخ الا بالغصب اذا مسكت شي وسوته نادر ماتحصل هالشي الله يرحم ايام اول بس ابااعرف الوحده مب على قد المسؤوليه ليش تعرس اصلا تفعد فببيت اهلها ابركلها =================== نثيوووه ليش كل هالخدمم امج مش ملزوومه بكل هالخدم فالبيت صح كلامك vip لازم الكل يقلل من اعتمااد الخدم فالبيت |
تخيلوا اذا قالت الزوجه لزوجها تعبت من اعمال البيت ابي خدامه
وبحنكه قال لها خلاص لايهمج اجيب لج مره تساعدج في البيت وتصيرون ثنتين ويتزوج عليها اتوقع انها بتكرف كرف سنه بيوم في البيت ولا تخليه يتزوج عليها :) - اختي نثيه الحل ادارة البيت من الداخل واعادة تنظيمه وتوزيع المهام وعدم الاعتماديه الكامله على الخدم بهالطريقه راح نقدر نقلص عددهم |
والله كلامك على العين والراس ولا كن عندي أضافه على وجهة النظر مالتك
لو يصدر قانون أشد من اللي احنا فيه مثل القانون اللي عندكم راح ينفعنا 100% ولايخلي الزوجه تفكر بطلب خامه وهي ليست بحاجه لها |
خخخخخخخخخخخخخخخخخخخخخ كلامك حلوو يا روووولز
صح كلامك vip ليت بس لو يطبقوون هالقانووون عندنا بعد الحين الياهل ينادي الخدامه ماما والام يناديها بأسمها شو هالحاله اصلا الحرمه لو اضبط وقتها راح تكمل شغل البيت بروحها بدون اي مساعده |
لاننسى الجانب الاخر اخواني من المناقشه
فيه زوجات موظفات ولا تتوفر لها دور حضانه للاطفال فيه زوجات مريضات يحتاجن عنايه خاصه من هالمنطلق اشوف ان الاستقدام في هذي الحالات منطقي جدا - مشكورين |
لا يا رولز
نحنوا نتكلم للذين ليس لديهم أي عجز بالقيام في شئون بيوتهم وحتى المريضه والموظفه يجب عليه مراقبة الخدم عن بعد ولا تطرح الثقه بها ومهما كان هذا أبنك وبنتك يجب مراعاته |
مشكورين ياجماعه على الموضوع الشيق
وعلى التفاعل الطيب لكن المشكله مو جذي يا رولز ( تخيلوا اذا قالت الزوجه لزوجها تعبت من اعمال البيت ابي خدامه وبحنكه قال لها خلاص لايهمج اجيب لج مره تساعدج في البيت وتصيرون ثنتين ويتزوج عليها) المشكلة اذا قبل ما تتزوجها تقولك تبي خدامة شتسوي هههههههههههه |
| الساعة الآن 02:21 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر